BBK9:ಬಿಗ್ ಬಾಸ್ ಮನೆಯೊಳಗೆ ಹುಲಿ ಕುಣಿತ.. ರೂಪೇಶ್ ಶೆಟ್ಟಿಗೆ ಫುಲ್ ಸರ್ಪ್ರೈಸ್!

ರೂಪೇಶ್ ಶೆಟ್ಟಿಗಾಗಿ ಮನೆಯಲ್ಲಿ ಹುಲಿ ಕುಣಿತ

ಬಿಗ್ ಬಾಸ್ ತಮ್ಮ ಕಂಟೆಸ್ಟೆಂಟ್‌ಗಳನ್ನು ಕೇವಲ ಕಂಟೆಸ್ಟೆಂಟ್ ಅಂತ ಮಾತ್ರ ನೋಡುವುದಿಲ್ಲ. ಬದಲಿಗೆ ಅವರ ಇಷ್ಟ ಕಷ್ಟಕ್ಕೂ ಸ್ಪಂದಿಸುತ್ತದೆ. ಅದರಂತೆ ಇವತ್ತು ಬಿಗ್ ಬಾಸ್ ಮನೆಯಲ್ಲಿ ಮನೆ ಮಂದಿಯ ಆಸೆ ಈಡೇರಿಸಿದ್ದಾರೆ. ರೂಪೇಶ್ ಶೆಟ್ಟಿಗಾಗಿ ಹುಲಿ ಕುಣಿತದವರನ್ನು ಕರೆಸಿದ್ದಾರೆ. ಮನೆಗೆ ಒಬ್ಬೊಬ್ಬರಾಗಿಯೇ ಒಳಗೆ ಬಂದು ಕುಣಿದಿದ್ದಾರೆ.

ಕುಣಿದು ಕುಪ್ಪಳಿಸಿದ ರೂಪೇಶ್ ಶೆಟ್ಟಿ

ಹುಲಿ ಕುಣಿತ ಅಂದ್ರೆ ರೂಪೇಶ್ ಶೆಟ್ಟಿಗೆ ಮೊದಲೇ ಪ್ರಾಣ. ಟಿವಿಯಲ್ಲಿ ಬಂದರೇನೆ ಎದ್ದು ಕುಣಿಯುವವರು. ಇನ್ನು ಮನೆಯೊಳಗೆ ಬಂದರೆ ಕೇಳಬೇಕಾ? ಮನೆಯೊಳಗೆ ಆ ಸೌಂಡ್, ಆ ಕುಣಿತ ಅಬ್ಬಬ್ಬಾ ಅವರ ಸಮಾನವಾಗಿಯೇ ರೂಪೇಶ್ ಶೆಟ್ಟಿ ಕುಣಿದು ಕುಪ್ಪಳಿಸಿದರು. ಮನೆ ಮಂದಿಯೆಲ್ಲಾ ಇದನ್ನು ಕಂಡು ಶಾಕ್ ಆಗಿದ್ದಾರೆ. ಜೊತೆಗೆ ಮನೆಯವರೆಲ್ಲಾ ಸೇರಿ ಕುಣಿದಿದ್ದಾರೆ.

ದೀಪಿಕಾಗೂ ಶಾಕ್ ಆಯ್ತು ಹುಲಿ ಕುಣಿತ

ಬಿಗ್ ಬಾಸ್‌ನಲ್ಲಿ ಇಷ್ಟು ದಿನ ಸ್ಪರ್ಧಿಗಳಾಗಿದ್ದರು. ಆಗಾಗ ಸಣ್ಣಪುಟ್ಟ ಆಸೆಯನ್ನು ಈಡೇರಿಸಿದ್ದಾರೆ. ಆದರೆ ಇಷ್ಟು ದೊಡ್ಡ ಆಸೆಯನ್ನು ಈಡೇರಿಸಿದ್ದು ಕಂಡು ದೀಪಿಕಾಗೆ ಶಾಕ್ ಆಗಿದೆ. ನೆಲದ ಮೇಲೆ ಮಲಗಿಕೊಂಡು ಅದನ್ನೇ ಮಾತನಾಡುತ್ತಾ ಇದ್ದರು. "ಪಾಪ ಇವರು ಇಷ್ಟ ಪಟ್ರು ಅಂತಾನೇ ಹುಲಿ ಕುಣಿತದವರನ್ನು ಕರೆಸಿದ್ದಾರೆ. ಅಮೆಜಿಂಗ್ ಬಿಗ್ ಬಾಸ್. ಥ್ಯಾಂಕ್ಯೂ ಸೋ ಮಚ್. ಹುಲಿ ಬಾಲ ಸಖತ್ತಾಗಿತ್ತು. ಹೋಗಿ ಕಚ್ಚಿ ಬಿಡೋಣಾ ಅನ್ನಿಸ್ತಾ ಇತ್ತು" ಎಂದು ಹುಲಿಯ ಜೊತೆ ಕುಣಿದ ಫೀಲ್‌ನಲ್ಲಿಯೇ ಇದ್ದರು ದೀಪಿಕಾ ದಾಸ್.

ಹುಲಿ ಕಂಡು ಹೆದರಿದ್ದ ರಾಕೇಶ್

ಇನ್ನು ಮನೆಯೊಳಗೆ ಹುಲಿ ಬಂದಿದ್ದದ್ದನ್ನು ಮೊದಲು ನೋಡಿದ್ದು ರಾಕೇಶ್. ಅದನ್ನ ರೂಪೇಶ್ ಶೆಟ್ಟಿ ಬಳಿ ಹೇಳುತ್ತಿದ್ದರು. "ನಾನು ಸುಮ್ಮನೆ ಕೂತಿದ್ನಾ. ಮೇನ್ ಡೋರ್‌ನಿಂದ ಒಬ್ಬರು ಹುಲಿ ವೇಷ ಹಾಕಿದ್ದವರು ಬಂದ್ರು. ನೋಡಿ ನಾನು ಹುಲಿನೇ ಬಂತೇನೋ ಅಂತ ಶಾಕ್ ಆಗಿದ್ದೆ. ಎರಡು ಹೆಜ್ಜೆ ಬಂದು ಹಿಂಗೆ ಹಿಂಗೆ ಅಂತಾ ಇದೆ. ಆಮೇಲೆ ಸೌಂಡ್ ಮಾಡುವುದಕ್ಕೆ ಶುರುವಾಯ್ತು. ಆಮೇಲೆ ಅದು ನಿಂದೆ ಅಂತ ಗೊತ್ತಾಯ್ತು. ಆಯಾ ಸ್ಥಳದ ಕಲ್ಚರ್ ಆಗೇನೆ. ಅವರೆಲ್ಲಾ ನಿನ್ನ ನೋಡಿ ಖುಷಿ ಆದ್ರೂ ಗೊತ್ತಾ" ಎಂದಿದ್ದಾರೆ.