ಶ್ರೀಮುರಳಿ ಎಪಿಸೋಡ್ ಗೆ ಮುಂಚೆಯೇ ಸದ್ದು ಮಾಡ್ತಿರುವ ಈ ಹುಡುಗಿ ಯಾರು?

ಈಕೆಯೆ ಹೆಸರು ಪ್ರೀಯಾ ಪೇರಿರಾ

ಶ್ರೀಮುರಳಿ ಅವರ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ಆಗಮಿಸಿರುವ ಈ ಯುವತಿ ಕನ್ನಡ ಚಿತ್ರರಂಗದ ನಟಿ. ಶ್ರೀಮುರಳಿ ಜೊತೆ ಒಂದು ಸಿನಿಮಾ ಕೂಡ ಮಾಡಿದ್ದಾರೆ. ಅದಾದ ಬಳಿಕ ಮತ್ತೆ ಎಲ್ಲೂ ಕಾಣಿಸಿರಲಿಲ್ಲ. ಇದೀಗ, ಬಹಳ ವರ್ಷದ ನಂತರ ಕ್ಯಾಮೆರಾ ಮುಂದೆ ಬಂದಿರುವುದು ಅಚ್ಚರಿ ತಂದಿದೆ.

ಚಂದ್ರ ಚಕೋರಿ ನಾಯಕಿಯೇ ಈಕೆ.!

ಶ್ರೀಮುರಳಿ ನಾಯಕನಾಗಿ ಅಭಿನಯಿಸಿದ ಮೊದಲ ಸಿನಿಮಾ ಚಂದ್ರ ಚಕೋರಿ. ಆಗಸ್ಟ್ 15, 2003ರಲ್ಲಿ ಬಿಡುಗಡೆಯಾಗಿದ್ದ ಈ ಸಿನಿಮಾದಲ್ಲಿ ಪ್ರಿಯಾ ಪೇರಿರಾ ನಾಯಕಿಯಾಗಿ ನಟಿಸಿದ್ದರು. ಇದು ಇವರ ಮೊದಲ ಸಿನಿಮಾ ಹಾಗೂ ಕೊನೆಯ ಚಿತ್ರವೂ ಎಂದು ಹೇಳಲಾಗ್ತಿದೆ.

ನೆನಪಿನ ಕಾಣಿಕೆ ನೀಡಿದ ಶ್ರೀಮುರಳಿ

ಶ್ರೀಮುರಳಿ ಜೀವನದಲ್ಲಿ ಚಂದ್ರ ಚಕೋರಿ ಸಿನಿಮಾ ಬಹಳ ದೊಡ್ಡ ಯಶಸ್ಸು. ಸುಮಾರು ಎರಡು ವರ್ಷಗಳು ಯಶಸ್ವಿಯಾಗಿ ಪ್ರದರ್ಶನವಾಗಿತ್ತು. ಬಹುಶಃ ಅಂದಿನ ಸಂಭ್ರಮದಲ್ಲಿ ಪ್ರಿಯಾ ಭಾಗಿಯಾಗದಿದ್ದ ಕಾರಣ ಆಗ ಕೊಡಬೇಕಿದ್ದ ನೆನಪಿನ ಕಾಣಿಕೆಯನ್ನ ವೀಕೆಂಡ್ ವಿತ್ ರಮೇಶ್ ವೇದಿಕೆಯಲ್ಲಿ ಶ್ರೀಮುರಳಿ ನೀಡಿದರು.

ಎಚ್ ಡಿ ಕುಮಾರಸ್ವಾಮಿ ನಿರ್ಮಾಣ

ಈಗ ಮುಖ್ಯಮಂತ್ರಿ ಸ್ಥಾನದಲ್ಲಿರುವ ಎಚ್ ಡಿ ಕುಮಾರಸ್ವಾಮಿ ಅವರು ಚಂದ್ರಚಕೋರಿ ಚಿತ್ರವನ್ನ ನಿರ್ಮಾಣ ಮಾಡಿದ್ದರು. ಪ್ರಿಯಾ ಪೇರಿರಾ ಮತ್ತು ನಾಜ್ ಎಂಬ ಇಬ್ಬರು ನಾಯಕಿಯರಿದ್ದರು. ಎಸ್ ನಾರಾಯಣ ಈ ಚಿತ್ರ ನಿರ್ದೇಶನ ಮಾಡಿದ್ದರು.