ಸಂಭಾವನೆ ವಿಚಾರಕ್ಕೆ ಯಶ್ ಸಿನಿಮಾ ನಿರಾಕರಿಸಿದ್ದ ಚಿಕ್ಕಣ್ಣ

'ಕಿರಾತಕ' ಚಿತ್ರಕ್ಕೆ ಆಫರ್ ನೀಡಿದ ಯಶ್

ಅಮೃತ ಮಹೋತ್ಸವ ಕಾರ್ಯಕ್ರಮದಲ್ಲಿ ಚಿಕ್ಕಣ್ಣ ಹಾಗೂ ಕುರಿ ಪ್ರತಾಪ್ ಒಂದು ಸಣ್ಣ ಸ್ಕಿಟ್ ಮಾಡಿದ್ದರು. ಆ ಕಾರ್ಯಕ್ರಮದಲ್ಲಿಯೇ ಮೊದಲ ಬಾರಿಗೆ ಚಿಕ್ಕಣ್ಣರನ್ನು ಯಶ್ ನೋಡಿದ್ದು. ಚಿಕ್ಕಣ್ಣ ತುಂಬ ನ್ಯಾಚುಲರ್ ಆಗಿ ನಟನೆ ಮಾಡುತ್ತಾರೆ ಎಂದು ಇಷ್ಟ ಪಟ್ಟು ಅವರಿಗೆ 'ಕಿರಾತಕ' ಸಿನಿಮಾಗೆ ಆಫರ್ ನೀಡಿದರು.

ಸಂಭಾವನೆ ಎಷ್ಟು ಕೇಳಬೇಕು ಗೊತ್ತಿಲ್ಲ

ಆ ಸಮಯಕ್ಕೆ ಚಿಕ್ಕಣ್ಣಗೆ ಒಂದು ಸಿನಿಮಾಗೆ ಎಷ್ಟು ಸಂಭಾವನೆ ಕೇಳಬೇಕು ಎನ್ನುವ ಜ್ಞಾನ ಇರಲಿಲ್ಲ. ನಿರ್ದೇಶಕರ ಬಳಿ ದೊಡ್ಡ ಮೊತ್ತ ಕೇಳಿದ ಚಿಕ್ಕಣ್ಣ ಅದನ್ನು ನಿರಾಕರಿಸಿದ್ದಕ್ಕೆ ಸಿನಿಮಾ ಮಾಡಲ್ಲ ಎಂದಿದ್ದರಂತೆ. ಹೀಗೆ ತಮ್ಮ ಮೊದಲ ಎಡವಟ್ಟಿನ ಬಗ್ಗೆ ಫನ್ನಿಯಾಗಿ ಹೇಳಿಕೊಂಡರು ಚಿಕ್ಕಣ್ಣ.

ನಾನೇ ದುಡ್ಡು ನೀಡುತ್ತೇನೆ ಎಂದ ಯಶ್

ಸಂಭಾವನೆ ಬಗ್ಗೆ ಮಾತನಾಡಿದ ಚಿಕ್ಕಣ್ಣಗೆ ಯಶ್ ಸಮಾಧಾನ ಮಾಡಿದರು. ನೀನು ಸಿನಿಮಾದಲ್ಲಿ ಮಾಡು, ಉಳಿದ ಸಂಭಾವನೆ ನಾನೇ ನೀಡುತ್ತೇನೆ ಎಂದರಂತೆ. ಒಬ್ಬ ನಟನೇ ಈ ರೀತಿ ಹೇಳುವುದು ಕೇಳಿ ಚಿಕ್ಕಣ್ಣ ಸಿನಿಮಾದಲ್ಲಿ ನಟಿಸಲು ಓಕೆ ಎಂದರಂತೆ. ಇದನ್ನು ಈಗ ನೆನೆಪು ಮಾಡಿಕೊಂಡರೆ ನಗು ಬರುತ್ತದೆ ಎಂದರು ಚಿಕ್ಕಣ್ಣ.

ಕೆಲವರು ಚಿಕ್ಕಣ್ಣ ಐರನ್ ಲೆಗ್ ಎಂದಿದ್ದರು

'ಕಿರಾತಕ' ಸಿನಿಮಾಗೆ ಚಿಕ್ಕಣ್ಣರನ್ನು ಆಯ್ಕೆ ಮಾಡಿದಾಗ, ಕೆಲವರು ಅವನನ್ನು ಹಾಕಿಕೊಳ್ಳಬೇಡಿ, ಅವನು ಐರನ್ ಲೆಗ್ ಎಂದಿದ್ದರಂತೆ. ಆದರೆ, ಯಶ್ ಯಾವುದೇ ಮಾತಿಗೂ ತಲೆ ಕೆಡಿಸಿಕೊಳ್ಳದೆ ಚಿಕ್ಕಣ್ಣರನ್ನೇ ಸಿನಿಮಾದಲ್ಲಿ ಮುಂದುವರೆಸಿದರಂತೆ. ಸಿನಿಮಾ ನೂರು ದಿನ ಓಡಿ, ಹಿಟ್ ಆದ ಮೇಲೆ ಅವರಿಗೆ ಫೋನ್ ಮಾಡಿ ನಾನು ಐರಾನ್ ಲೆಗ್ ಅಲ್ಲ ಎಂದು ಹೇಳು ಎಂದಿದ್ದರಂತೆ.

ಕಾರ್ಯಕ್ರಮದಲ್ಲಿ ಫೋನ್ ಮಾಡಿದ ಯಶ್

'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ಚಿಕ್ಕಣ್ಣಗೆ ಯಸ್ ಕರೆ ಮಾಡಿದ್ದು, ಅವರಿಗೆ ಅಚ್ಚರಿ ಆಗುವಂತೆ ಮಾಡಿತು. ಚಿಕ್ಕಣ್ಣ ಒಳ್ಳೆಯ ಹುಡುಗ. ನನಗೆ ಬಹಳ ಇಷ್ಟ. ಎಲ್ಲ ಸಂಬಂಧಗಳಿಗೆ ಬೆಲೆ ನೀಡುತ್ತಾನೆ. ಚಿಕ್ಕ ಇದ್ದರೆ ಆ ಜಾಗದ ಕಳೆ ಬದಲಾಗುತ್ತದೆ.'' ಎಂದು ರಾಕಿ ಬಾಯ್ ಹೊಗಳಿದರು. ಯಶ್ ಮಾಡಿದ ಸಹಾಯವನ್ನು ಚಿಕ್ಕಣ್ಣ ನೆನೆದರು.