'ವೀಕೆಂಡ್..' ಕಾರ್ಯಕ್ರಮಕ್ಕೆ ಸಿ.ಎಂ ಸಿದ್ಧರಾಮಯ್ಯ ಪತ್ನಿ ಬರ್ಲಿಲ್ಲ.! ಯಾಕೆ.?

ಸಿದ್ದರಾಮಯ್ಯ ಪತ್ನಿ ಪಾರ್ವತಿ ಸಂಕೋಚದ ಸ್ವಭಾವದವರು

ಮುಖ್ಯಮಂತ್ರಿ ಸಿದ್ದರಾಮಯ್ಯ ರವರ ಪತ್ನಿ ಪಾರ್ವತಿ ಸಂಕೋಚದ ಸ್ವಭಾವದವರು. ಹೀಗಾಗಿ ಸಮಾರಂಭ, ಕಾರ್ಯಕ್ರಮಗಳಲ್ಲಿ ಅವರು ಅಷ್ಟಾಗಿ ಭಾಗವಹಿಸುವುದಿಲ್ಲ.

ರಮೇಶ್ ಅರವಿಂದ್ ಹೇಳಿದ್ದೂ ಅದನ್ನೇ.!

''ನಮ್ಮ ಶೋಗೆ ನಿಮ್ಮ ಪತ್ನಿಯವರನ್ನ ಕರೆಯಿಸಬೇಕು ಅಂತ ತುಂಬಾ ಪ್ರಯತ್ನ ಪಟ್ವಿ. ಆದ್ರೆ, ಅವರು ಬರಲಿಲ್ಲ. ತುಂಬಾ shy ಆಗಿದ್ದಾರೆ'' ಎಂದು ಸಿದ್ದರಾಮಯ್ಯ ರವರಿಗೆ ರಮೇಶ್ ಅರವಿಂದ್ ಹೇಳಿದರು.

ಸಿದ್ದರಾಮಯ್ಯ ಏನಂತಾರೆ.?

''ಮೊದಲಿನಿಂದಲೂ, ಅವಳು shy ನೇಚರ್. ಮುಖ್ಯಮಂತ್ರಿ ಆದವರು ಸಾಮಾನ್ಯವಾಗಿ ಪ್ರಮುಖ ಫಂಕ್ಷನ್ ಗಳಿಗೆ ಪತ್ನಿ ಸಮೇತ ಬರುತ್ತಾರೆ. ಆದರೆ, ನಾನು ಎಷ್ಟೋ ಸಮಾರಂಭಗಳಿಗೆ ನನ್ನ ಪತ್ನಿಯನ್ನ ಕರೆದರೂ ಬರಲಿಲ್ಲ'' ಎನ್ನುತ್ತಾರೆ ಸಿ.ಎಂ ಸಿದ್ದರಾಮಯ್ಯ

ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೂ ಬರ್ಲಿಲ್ಲ

''ನಾನು ಮುಖ್ಯಮಂತ್ರಿ ಆಗಿ ಪ್ರಮಾಣ ವಚನ ಸ್ವೀಕಾರ ಮಾಡಿದ ಸಮಾರಂಭಕ್ಕೂ ನನ್ನ ಪತ್ನಿ ಬರಲಿಲ್ಲ. ನನ್ನ ಜೊತೆ ಬರುವುದು ಬೇಡ. ಕುಟುಂಬದ ಜೊತೆ ಬಂದು ಕೂತ್ಕೋ ಅಂದರೂ ಬರಲಿಲ್ಲ'' - ಸಿ.ಎಂ ಸಿದ್ದರಾಮಯ್ಯ

ಒತ್ತಾಯ ಮಾಡಲ್ಲ

''ಇವತ್ತಿನವರೆಗೂ ವಿಧಾನ ಸೌಧ ಕಡೆ ನನ್ನ ಪತ್ನಿ ಕಾಲಿಟ್ಟಿಲ್ಲ. ಅವಳು ಎಲ್ಲೂ ಬರುವುದಿಲ್ಲ. ಮನೆಯಲ್ಲಿಯೇ ಇರುತ್ತಾಳೆ. ಅವಳ ಸ್ವಭಾವ ಹಾಗೆ ಇರುವುದರಿಂದ ನಾನು ಕೂಡ ಒತ್ತಾಯ ಮಾಡುವುದಿಲ್ಲ'' - ಸಿ.ಎಂ ಸಿದ್ದರಾಮಯ್ಯ

ಮಕ್ಕಳೂ ಕೂಡ ಹಾಗೇ.!

''ನಾವು ಕೂಡ ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೆ ಹೋಗಲಿಲ್ಲ. ಅಪ್ಪ ಮುಖ್ಯಮಂತ್ರಿ ಆದ್ಮೇಲೆ ವಿಧಾನ ಸೌಧಕ್ಕೆ ಒಮ್ಮೆ ಕೂಡ ಹೋಗಿಲ್ಲ. ಅವರ ಆಫೀಸ್ ಕೂಡ ನೋಡಿಲ್ಲ ನಾವು'' - ಯತೀಂದ್ರ, ಸಿದ್ದರಾಮಯ್ಯ ಪುತ್ರ.