ಹಿಂದಿ ಬಿಗ್‌ಬಾಸ್‌ಗೆ ಎಂಟ್ರಿ ಕೊಟ್ಟ ವಿವಾದಿತ ಸ್ಪರ್ಧಿ, ಆಕೆಗೆ ಅತಿ ಹೆಚ್ಚು ಸಂಭಾವನೆ!

ದೇವಮಾನವ ರಾಧೇ ಮಾ!

ಕಳೆದ ನಾಲ್ಕೈದು ಆವೃತ್ತಿಗಳಿಂದ ಸ್ವಯಂ ಘೋಷಿತ ದೇವ ಮಾನವ ರಾಧೇ ಮಾ ಬಿಗ್ ಬಾಸ್ ಮನೆ ಪ್ರವೇಶ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಆದ್ರೆ. ಈವರೆಗೂ ಅದು ನಿಜ ಆಗಿರಲಿಲ್ಲ. 14ನೇ ಆವೃತ್ತಿಯಲ್ಲಿ ಈ ನಿರೀಕ್ಷೆ ನಿಜವಾಗಿದೆ. ರಾಧೇ ಮಾ ಬಿಗ್ ಮನೆಗೆ ಎಂಟ್ರಿ ಕೊಟ್ಟಿರುವ ಪ್ರೋಮೋ ಸಹ ಬಿಡುಗಡೆಯಾಗಿದೆ.

ಅತಿ ಹೆಚ್ಚು ಸಂಭಾವನೆ!

ಅಂದ್ಹಾಗೆ, ಈ ಆವೃತ್ತಿಯಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದುಕೊಳ್ಳುತ್ತಿರುವ ಸ್ಪರ್ಧಿ ಸಹ ರಾಧೇ ಮಾ ಎಂದು ಹೇಳಲಾಗುತ್ತಿದೆ. ಮೂಲಗಳ ಪ್ರಕಾರ ರಾಧೇ ಮಾ ಬಿಗ್ ಬಾಸ್ ಎಂಟ್ರಿಗಾಗಿ 25 ಲಕ್ಷ ಸಂಭಾವನೆ ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ.

ತಮಿಳು ನಟಿ ಎಂಟ್ರಿ

ಸಲ್ಮಾನ್ ಖಾನ್ ಶೋನಲ್ಲಿ ಈ ಸಲ ತಮಿಳು ನಟಿಯೊಬ್ಬರು ಅವಕಾಶ ಪಡೆದುಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಕಾಂಚನ 3 ಚಿತ್ರದಲ್ಲಿ ನಟಿಸಿರುವ ನಿಕ್ಕಿ ಟ್ಯಾಂಬೊಲಿ ಸಹ ಈ ಸೀಸನ್‌ನಲ್ಲಿ ಇರಲಿದ್ದಾರೆ. ಮುಂಬೈನ ಫೇಮಸ್ ಡಿಜೆ ಜೊತೆಯಲ್ಲಿ ಈಕೆ ಲವ್ವಲ್ಲಿ ಇದ್ದಾಳೆ ಎನ್ನಲಾಗಿದೆ.

ಜೋಡಿ ಕಮಾಲ್!

ಬಾಲಿವುಡ್ ಕಿರುತೆರೆಯ ಖ್ಯಾತ ಜೋಡಿ ರುಬಿನಾ ಡಿಲೈಕ್ ಮತ್ತು ಪತಿ ಅಭಿನವ್ ಶುಕ್ಲಾ ಸಹ ಬಿಗ್ ಬಾಸ್ ಎಂಟ್ರಿಯಾಗಿದ್ದಾರೆ. ಸುಮಾರು 40 ದಿನಗಳ ಅಗ್ರಿಮೆಂಟ್‌ಗಾಗಿ ಈ ಜೋಡಿಗೆ 5 ಲಕ್ಷ ಸಂಭಾವನೆ ನೀಡಲಾಗಿದೆ ಎಂದು ವರದಿಯಾಗಿದೆ.