ಎಚ್.ಡಿ.ದೇವೇಗೌಡ ರವರ ಬ್ಯಾಂಕ್ ಬ್ಯಾಲೆನ್ಸ್ ಎಷ್ಟು ಅಂತ ಗೊತ್ತಾದ್ರೆ, ನೀವೇ ಕಣ್ಣರಳಿಸುತ್ತೀರಾ.!

ಎಚ್.ಡಿ.ದೇವೇಗೌಡ ಶಪಥ ಮಾಡಿದ್ದಾರಂತೆ.!

''ಜೀವನದಲ್ಲಿ ನಾನು ಬೇರೆಯವರ ದುಡ್ಡು ಮುಟ್ಟಲ್ಲ ಎಂದು ಶಪಥ ಮಾಡಿದ್ದೇನೆ. ಲೆಕ್ಕ ತೆಗೆದುಕೊಳ್ಳಬೇಕು ಅಂದ್ರೆ ನನ್ನ ಆಸ್ತಿ ಏನಿಲ್ಲ'' ಎಂದು 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ಹೇಳುತ್ತಾರೆ ಎಚ್.ಡಿ.ದೇವೇಗೌಡ.

ಬ್ಯಾಂಕ್ ಬ್ಯಾಲೆನ್ಸ್ ಎಷ್ಟಿದೆ.?

''ನರೇಂದ್ರ ಮೋದಿ ಪ್ರಧಾನ ಮಂತ್ರಿ ಆಗಿದ್ದಾರೆ. ನನ್ನ ಬ್ಯಾಂಕ್ ಅಕೌಂಟ್ ನಲ್ಲಿ ಹದಿನೆಂಟು ಲಕ್ಷ ರೂಪಾಯಿ ಇದೆ. 1962 ರಲ್ಲಿ ನಾನು ಎಂ.ಎಲ್.ಎ ಆದೆ. ಅವತ್ತಿಂದ ನನಗೆ ಸಂಬಳ ಬರುತ್ತದೆ. ಮೋದಿಯವರು ಬೇಕಾದ್ರೆ ವೆರಿಫೈ ಮಾಡಿಕೊಳ್ಳಬಹುದು. ಮಾಜಿ ಪ್ರಧಾನ ಮಂತ್ರಿಗಳ ಪೈಕಿ ನಾನೊಬ್ಬನೇ ಆಕ್ಟಿವ್ ಆಗಿ ಇರುವುದು'' ಎಂದು ಗರ್ವದಿಂದ ನುಡಿಯುತ್ತಾರೆ ಎಚ್.ಡಿ.ದೇವೇಗೌಡ.

ಇನ್ನೂರು ರೂಪಾಯಿಗೆ ಬಾಡಿಗೆ ಮನೆ

''ವಿರೋಧ ಪಕ್ಷದ ನಾಯಕ ಆಗಿದ್ದಾಗ, ಬೆಂಗಳೂರಿನಲ್ಲಿ ಇರಲು ಬಾಡಿಗೆ ಮನೆ ಬೇಕಿತ್ತು. ಇನ್ನೂರು ರೂಪಾಯಿ ಬಾಡಿಗೆ ತೆಗೆದುಕೊಳ್ಳುತ್ತಿದ್ದರು. ಆದ್ರೆ, ಅನೇಕರಿಗೆ ತಪ್ಪು ಕಲ್ಪನೆ. ನನ್ನ ಬಳಿ ಮೂವತ್ತು ಮನೆಗಳಿವೆ ಎಂದು ಅಪಪ್ರಚಾರ ಮಾಡುತ್ತಿದ್ದರು'' - ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ

ಜೆನೆರಲ್ ಹಾಸ್ಟೆಲ್ ನಲ್ಲಿ ಇದ್ದೆ

''ನಾನು ಮೊದಲ ಬಾರಿ ಚುನಾವಣೆಗೆ ನಿಂತಾಗ, ಜೆನರಲ್ ಹಾಸ್ಟಲ್ ನಲ್ಲಿ ಇದ್ದೆ. ಎರಡನೇ ಬಾರಿಗೆ ಚುನಾವಣೆಗೆ ನಿಂತಾಗಲೂ ಜೆನೆರಲ್ ಹಾಸ್ಟಲ್ ನಲ್ಲಿಯೇ ಇದ್ದೆ. ರೂಮ್ ನಂಬರ್ 6'' - ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ

ಎಲ್ಲವೂ ಬೋಗಸ್

''ಎರಡನೇ ಬಾರಿಗೆ ಚುನಾವಣೆಗೆ ನಿಲ್ಲುವಾಗ, ನನ್ನ ಬಳಿ ಆರು ಮನೆ ಇದೆ ಅಂತ್ಹೇಳಿ ಚುನಾವಣೆಗೆ ವೋಟ್ ಮಾಡಲು ನಲವತ್ತು ಗಂಟೆ ಮುನ್ನ ನಮ್ಮ ಹೊಳೆನರಸೀಪುರದಲ್ಲಿ ಹ್ಯಾಂಡ್ ಬಿಲ್ ಹಾಕಿ ಹಂಚಿದರು. ಅದೆಲ್ಲವೂ ಬೋಗಸ್'' - ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ

ಪ್ರಧಾನಿ ಮಂತ್ರಿ ಆಗಿದ್ದರೂ ಬಾಡಿಗೆ ಮನೆಯಲ್ಲಿ ವಾಸ

''ಪ್ರಧಾನ ಮಂತ್ರಿ ಆಗಿ ಬೆಂಗಳೂರಿಗೆ ಬಂದಾಗಲೂ, ಬಾಡಿಗೆ ಮನೆಗಾಗಿ ಹುಡುಕಾಟ ನಡೆಸುತ್ತಿದ್ದೆ. ನನ್ನ ತಂಗಿಯರಿಗೂ ನಾನು ಅಂಥದ್ದೇನು ಮಾಡಿಕೊಟ್ಟಿಲ್ಲ'' ಎಂದು 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ಎಚ್.ಡಿ.ದೇವೇಗೌಡ ಹೇಳಿದರು.

ಹಾಗಾದ್ರೆ, ಈಗಿನ ಆಸ್ತಿ.?

ಪ್ರಸ್ತುತ ಎಚ್.ಡಿ.ದೇವೇಗೌಡ ರವರ ಹೆಸರಿನಲ್ಲಿ ಇರುವ ಆಸ್ತಿಯ ವಿವರವನ್ನ ಅವರು 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ನೀಡಲಿಲ್ಲ.