ಹೆಣ್ಣು ಮಗುವನ್ನ ದತ್ತು ಪಡೆಯಲು ಮುಂದಾದ ಬಿಗ್ ಬಾಸ್ ಸ್ಪರ್ಧಿ

ಹೆಣ್ಣು ಮಗು ದತ್ತು ಪಡೆಯುತ್ತಿರುವ ಜಯ ಶ್ರೀನಿವಾಸನ್

ಕಳೆದ ವಾರವಷ್ಟೇ ಬಿಗ್ ಬಾಸ್ ಮನೆಯಿಂದ ಹೊರ ಬಂದಿರುವ ಸ್ಪರ್ಧಿ ಜಯ ಶ್ರೀನಿವಾಸನ್ ಹೆಣ್ಣು ಮಗುವನ್ನ ದತ್ತು ಪಡೆಯಲು ನಿರ್ಧಾರ ಮಾಡಿದ್ದಾರೆ. ಈ ಬಗ್ಗೆ ಖಾಸಗಿ ಸುದ್ದಿ ವಾಹಿನಿಗೆ ಸಂದರ್ಶನ ನೀಡಿದ ಸಂದರ್ಭದಲ್ಲಿ ಜಯ ಶ್ರೀನಿವಾಸನ್ ಹೇಳಿಕೊಂಡಿದ್ದಾರೆ.

ಸ್ಫೂರ್ತಿ ಆದರೂ ಆಶಿತಾ

ಬಿಗ್ ಬಾಸ್ ಮನೆಯಲ್ಲಿ ಸಹ ಸ್ಪರ್ಧಿ ಆಗಿದ್ದ ನಟಿ ಆಶಿತಾ ಅವರನ್ನ ನೋಡಿದ ಮೇಲೆ ಈ ರೀತಿಯ ನಿರ್ಧಾರ ಮಾಡಿದ್ದಾರಂತೆ. ತಮ್ಮ ಮನೆಯಲ್ಲೂ ಒಬ್ಬಳು ಹೆಣ್ಣು ಮಗಳಿರಬೇಕು ಎಂದು ಜಯ ಶ್ರೀನಿವಾಸನ್ ಮಗು ದತ್ತು ಪಡೆಯಲು ನಿರ್ಧರಿಸಿದ್ದಾರಂತೆ.

ಜಯ ಶ್ರೀನಿವಾಸನ್ ಅವರಿಗೆ ನಾಲ್ಕು ಗಂಡುಮಕ್ಕಳು

ಜಯ ಶ್ರೀನಿವಾಸನ್ ಅವರಿಗೆ ಈಗಾಗಲೇ ನಾಲ್ಕು ಜನ ಗಂಡು ಮಕ್ಕಳಿದ್ದಾರೆ. ಹಿಂದಿನಿಂದಲೂ ಶ್ರೀನಿವಾಸನ್ ಮತ್ತು ಅವರ ಪತ್ನಿಗೆ ಹೆಣ್ಣು ಮಗುವಿನ ಮೇಲೆ ತುಂಬಾ ಪ್ರೀತಿ ಇತ್ತಂತೆ.

ಜೀವನ ಶೈಲಿಯಲ್ಲೂ ಬದಲಾವಣೆ

ವೃತ್ತಿಯಲ್ಲಿ ಸಂಖ್ಯಾಶಾಸ್ತ್ರಜ್ಞ ಆಗಿರುವ ಜಯ ಶ್ರೀನಿವಾಸ್ ಇಷ್ಟು ದಿನಗಳ ಕಾಲ ಶ್ರೀಮಂತರಿಗೆ ಸಂಖ್ಯಾಶಾಸ್ತ್ರವನ್ನ ಹೇಳುತ್ತಿದ್ದರಂತೆ. ಸಾಮಾನ್ಯ ಜನರಿಗೆ ಲಭ್ಯವಾಗುತ್ತಿರಲಿಲ್ಲವಂತೆ. ಬಿಗ್ ಬಾಸ್ ಮನೆಯಿಂದ ಹೊರಬಂದ ನಂತರ ಬಡವರಿಗೂ ಸಂಖ್ಯಾಶಾಸ್ತ್ರ ಹೇಳಬೇಕಾಗಿ ನಿರ್ಧಾರ ಮಾಡಿದ್ದು ತಮ್ಮ ಶುಲ್ಕವನ್ನು ಕಡಿಮೆ ಮಾಡಿಕೊಂಡಿದ್ದಾರಂತೆ.