For Quick Alerts
    ALLOW NOTIFICATIONS  
    For Daily Alerts

    ಮತ್ತೆ ಬರ್ತಿದೆ 'ಕೌನ್ ಬನೇಗಾ ಕರೋಡ್‌ಪತಿ': ಈ ಬಾರಿಯ ವಿಶೇಷತೆಗಳೇನು?

    |

    ಭಾರತೀಯ ಟಿವಿ ರಂಗದಲ್ಲಿ ಒಂದು ಕಾಲದ ಅತ್ಯಂತ ಯಶಸ್ವಿ ರಿಯಾಲಿಟಿ ಶೋ 'ಕೌನ್ ಬನೇಗಾ ಕರೋಡ್‌ಪತಿ'. ಅಮಿತಾಬ್ ಬಚ್ಚನ್ ನಿರೂಪಣೆ ಮಾಡುವ ಈ ಶೋ 12 ವರ್ಷವಾದರೂ ಈಗಲೂ ತನ್ನ ಜನಪ್ರಿಯತೆ ಉಳಿಸಿಕೊಂಡಿದೆ.

    ಎರಡು ವರ್ಷಗಳ ಹಿಂದೆ ಈ ಶೋನ 13ನೇ ಸೀಸನ್ ಪ್ರಸಾರವಾಗಿತ್ತು. ಇದೀಗ 14 ನೇ ಸೀಸನ್ ಪ್ರಸಾರವಾಗಲಿದ್ದು, ಈ ಬಗ್ಗೆ ಇಂದು ನಟ ಅಮಿತಾಬ್ ಬಚ್ಚನ್ ಹಾಗೂ ಕಾರ್ಯಕ್ರಮದ ಆಯೋಜಕರು ಸುದ್ದಿಗೋಷ್ಠಿ ನಡೆಸಿದ್ದಾರೆ.

    'ಕೌನ್ ಬನೇಗಾ ಕರೋಡ್‌ಪತಿ' ಸೀಸನ್ 14 ಆಗಸ್ಟ್ 7 ರಿಂದ ರಾತ್ರಿ 9 ಗಂಟೆಗೆ ಸೋನಿ ಚಾನೆಲ್‌ನಲ್ಲಿ ಪ್ರಸಾರವಾಗಲಿದ್ದು, ಈ ಬಾರಿ ಕೆಲವು ವಿಶೇಷತೆಗಳನ್ನು ಹೊಂದಿರಲಿದೆ.

    ಸ್ಪರ್ಧಿಗಳ ಆಯ್ಕೆ, ಕಾರ್ಯಕ್ರಮದ ನಿರೂಪಣೆ, ಪ್ರಸ್ತುತಿ ಇನ್ನಿತರ ವಿಷಯಗಳಲ್ಲಿ ಭಿನ್ನವಾಗಿರಲಿದೆ. ಅಲ್ಲದೆ ಈ ಬಾರಿ ಹಲವು ಹೊಸ ಅತಿಥಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ದೀಪಿಕಾ ಪಡುಕೋಣೆ, ಫರ್ಹಾನ್ ಅಖ್ತರ್, ಅಮೀರ್ ಖಾನ್, ಕರೀನಾ ಕಪೂರ್ ಇನ್ನೂ ಹಲವರು ಈ ಶೋನಲ್ಲಿ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ.

    ಶೋ ಪ್ರಾರಂಭವಾದ ಬಳಿಕ ಮೊದಲ ವಾರದಲ್ಲಿಯೇ ಸ್ವಾತಂತ್ರ್ಯ ದಿನೋತ್ಸವದ ಆಚರಣೆ ಮಾಡಲಾಗುತ್ತದೆ. ಆ ಕಾರ್ಯಕ್ರಮಕ್ಕೆ ಪದ್ಮಶ್ರೀ ಸುನಿಲ್ ಚೆಟ್ರಿ, ಮೇರಿ ಕೋಮ್,ನಟ ಆಮಿರ್ ಖಾನ್ ಅವರುಗಳು ಆಗಮಿಸಲಿದ್ದಾರೆ.

    ಕೌನ್ ಬನೇಗಾ ಕರೋಡ್‌ಪತಿ ಸೀಸನ್ 14ರ ಹಲವು ಎಪಿಸೋಡ್‌ಗಳು ಈಗಾಗಲೇ ಚಿತ್ರೀಕರಣ ಆಗಿಬಿಟ್ಟಿವೆ. ಇನ್ನೂ ಕೆಲವು ಎಪಿಸೋಡ್‌ಗಳು ಚಿತ್ರೀಕರಣ ಆಗುವುದು ಬಾಕಿ ಇದೆ ಎನ್ನಲಾಗುತ್ತಿದೆ.

    ಈ ಹಿಂದಿನ ಕೆಲವು ಸೀಸನ್‌ಗಳಲ್ಲಿ 7 ಕೋಟಿ ಇದ್ದ ಗ್ರ್ಯಾಂಡ್ ಪ್ರೈಜ್ ಈ ಬಾರಿ 75ನೇ ಸ್ವಾತಂತ್ರ್ಯೋತ್ಸವ ಆಚರಿಸುವ ಅಂಗವಾಗಿ 7.5 ಕೋಟಿಯನ್ನು ದೊಡ್ಡ ಬಹುಮಾನದ ಮೊತ್ತವಾಗಿ ನೀಡಲಾಗುತ್ತಿದೆ. ಈ ಶೋ ಅನ್ನೂ ಸಹ ಅಮಿತಾಬ್ ಬಚ್ಚನ್ ಅವರೇ ನಿರೂಪಣೆ ಮಾಡಲಿದ್ದಾರೆ.

    English summary
    Famous Tv quiz show Kaun Banega Crorepati season 14 will be aired from August 07. Amitabh Bachchan is hosting this time also.
    Thursday, August 4, 2022, 9:29
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X