ಸೈಲೆಂಟ್ ಆಗಿ ಬಿಗ್‌ಬಾಸ್ ಕನ್ನಡ ಸೀಸನ್ 9ರ ಫೈನಲ್ ಪ್ರವೇಶಿಸಿದ ದಿವ್ಯಾ ಉರುಡುಗಾ ಜರ್ನಿ ಹೇಗಿತ್ತು?

ಮತ್ತೆ ಬಿಗ್ ಮನೆಗೆ ಬಂದ ದಿವ್ಯಾ

ಬಿಗ್ ಬಾಸ್ ಸೀಸನ್ 8ರಲ್ಲಿ ಬೈಕ್ ರೇಸರ್ ಕೆಪಿ ಅರವಿಂದ್ ಜೊತೆಗೆ ಗುರುತಿಸಿಕೊಂಡಿದ್ದ ದಿವ್ಯಾ ಉರುಡುಗ ಮತ್ತೆ ಸೀಸನ್ 9ರಲ್ಲಿ ಕಾಣಿಸಿಕೊಂಡಾಗ ಎಲ್ಲರಿಗೂ ಶಾಕ್ ಆಗಿತ್ತು. ಆದರೆ, ದಿವ್ಯಾ ಉರುಡುಗಾ ಸೀಸನ್ 8ರಲ್ಲಿ ಗುರುತಿಸಿಕೊಂಡ ರೀತಿಗೂ ಈ ಸೀಸನ್‌ನಲ್ಲಿ ಆಡುತ್ತಿರುವ ರೀತಿಗೂ ಬಹಳ ವ್ಯತ್ಯಾಸಗಳಿವೆ. ಸೀಸನ್ 8ರಲ್ಲಿ ದಿವ್ಯಾ ಉರುಡುಗಾ ಫೇವರಿಸಂ ಎಂದೇ ಗುರುತಿಸಿಕೊಂಡಿದ್ದರು. ಆದರೆ ಈ ಸೀಸನ್‌ನಲ್ಲಿ ಎಲ್ಲರ ಜೊತೆಗೂ ಕಾಣಿಸಿಕೊಂಡಿದ್ದು, ಹೆಚ್ಚು ಜಗಳವಾಡಿಲ್ಲ. ಯಾರಿಗೂ ನೋವು ಮಾಡಿಲ್ಲ. ನೋವಿನಲ್ಲಿದ್ದವರಿಗೆ ಹೆಗಲು ಕೊಟ್ಟು ಖುಷಿಯ ಸಂದರ್ಭದಲ್ಲಿ ಸಂಭ್ರಮಿಸಿದ್ದಾರೆ.

ನಿಸ್ವಾರ್ಥ ಆಟವಾಡಿದ್ದ ಬೆಡಗಿ

ದಿವ್ಯಾ ಉರುಡುಗಾ ಅವರು ಎಲ್ಲಾ ಆಟಗಳನ್ನು ಸೂಪರ್ ಆಗಿ ಆಡಿದ್ದಾರೆ. ಟಾಸ್ಕ್ ಎಂದು ಬಂದಾಗ ಎಲ್ಲೂ ತಮ್ಮನ್ನು ತಾವು ಬಿಟ್ಟುಕೊಟ್ಟಿಲ್ಲ. ಅದು ಗ್ರೂಪ್ ಟಾಸ್ಕ್ ಆಗಿರಲಿ. ಇಲ್ಲವೇ ಏಕಾಂಗಿ ಆಗಿ ಆಡುವ ಆಟವಾದರೂ ಟಫ್ ಫೈಟ್ ಕೊಟ್ಟಿದ್ದಾರೆ. ಹೆಚ್ಚು ಎಮೋಷನಲ್ ಆಗಿ ಗುರುತಿಸಿಕೊಂಡ ದಿವ್ಯಾ ಉರುಡುಗ, ಕಿಚ್ಚನ ಚಪ್ಪಾಳೆ ಪಡೆದಿಲ್ಲ, ವಾದ-ವಿವಾದಗಳನ್ನೂ ಮಾಡಿಕೊಂಡಿಲ್ಲ. ಎಲ್ಲೂ ತಮ್ಮನ್ನು ತಾವು ಸ್ವಾರ್ಥಿಯಾಗಿ ಗುರುತಿಸಿಕೊಳ್ಳಲಿಲ್ಲ. ಆಟದಲ್ಲೂ ಮನೆಯ ಚಟುವಟಿಕೆಗಳಲ್ಲೂ ನಿಸ್ವಾರ್ಥವಾಗಿ ನಡೆದುಕೊಂಡಿದ್ದಾರೆ.

ದಿವ್ಯಾ ಗೆಲ್ಲಲಿ ಎನ್ನುತ್ತಿರುವ ಫ್ಯಾನ್ಸ್

ಆಗಾಗ ಬಿಗ್ ಬಾಸ್ ಮನೆಯಲ್ಲಿ ಹಾಡುಗಳನ್ನು ಬರೆದು ಎಂಟರ್‌ಟೈನ್ ಮಾಡಿದ್ದಾರೆ. ಬೆಸ್ಟ್ ಪರ್ಫಾಮೆನ್ಸ್ ಪಡೆದಿಲ್ಲ, ಕಳಪೆ ಪಟ್ಟವೂ ಸಿಕ್ಕಿಲ್ಲ, ಕ್ಯಾಪ್ಟನ್ ಕೂಡ ಆಗಿಲ್ಲ. ಹಾಗಿದ್ದರೂ ತಮ್ಮದೇ ರೀತಿಯಲ್ಲಿ ಆಟವಾಡಿ ಫಿನಾಲೆ ತಲುಪಿದ್ದಾರೆ. ಹೀಗಾಗಿ ದಿವ್ಯಾ ಉರುಡುಗ ಗೆಲ್ಲಬೇಕು ಎಂಬುದು ಹಲವರ ಬಯಕೆ. ಯಾರು ಏನೇ ಅಂದ್ರೂ, ಇತರರಿಗಿಂತ ದಿವ್ಯಾ ಉರುಡುಗ ನಡವಳಿಕೆ ಉತ್ತಮವಾಗಿದೆ. ಹೀಗಾಗಿ ದಿವ್ಯಾ ಗೆಲ್ಲಬೇಕು ಅನ್ನೋದು ಅವರ ಅಭಿಮಾನಿಗಳ ಆಸೆ.

ವೀಕ್ಷಕರ ಫೇವರಿಟ್ ಹುಡುಗಿ

ಪ್ರತಿ ವಾರವೂ ನಾಮಿನೇಟ್ ಆಗುತ್ತಿದ್ದ ದಿವ್ಯಾ ಅವರನ್ನು ಅಭಿಮಾನಿಗಳು ಸೇವ್ ಮಾಡುತ್ತಾ ಬಂದಿದ್ದಾರೆ. ಟಾಸ್ಕ್, ಮನೋರಂಜನೆ ಹಾಗೂ ಮನೆಯಲ್ಲಿ ಎಲ್ಲರ ಜೊತೆ ಇದ್ದ ರೀತಿ ಎಲ್ಲವನ್ನೂ ಗಣನೆಗೆ ತೆಗೆದುಕೊಂಡರೆ ದಿವ್ಯಾ ಉರುಡುಗ ಈ ಸಲ ವಿನ್ನರ್ ಆಗೋದು ಗ್ಯಾರಂಟಿ ಎಂದು ತೋರುತ್ತಿದೆ. ದಿವ್ಯಾ ಉರುಡುಗ ಗೆಲ್ಲಬೇಕು ಎಂಬುದು ಅಭಿಮಾನಿಗಳ ಆಸೆಯೂ ಆಗಿದೆ.