ಕನ್ನಡದ ಈ ನಟನ ಜೊತೆಗೆ ಮಾನ್ವಿತಾ ಮದುವೆ ಆಗ್ತಾರಂತೆ !

ಶಿವಣ್ಣನ ಪ್ರಶ್ನೆ

ಕಾರ್ಯಕ್ರಮದಲ್ಲಿ ಮಾನ್ವಿತಾ ಅವರಿಗೆ ಶಿವಣ್ಣ ''ನೀವು ಕನ್ನಡದ ಯಾವ ನಟನ ಜೊತೆಗೆ ಡೇಟಿಂಗ್ ಮಾಡುತ್ತೀರಾ, ಯಾವ ನಟನ ಜೊತೆಗೆ ಮದುವೆ ಆಗುತ್ತೀರಾ ಮತ್ತು ಯಾವ ನಟನ ಜೊತೆಗೆ ಲಾಂಗ್ ಡ್ರೈವ್ ಹೋಗುತ್ತೀರಾ?'' ಎಂದು ಮೂರು ಪ್ರಶ್ನೆಗಳನ್ನು ಕೇಳಿದರು.

ಪುನೀತ್ ಜೊತೆಗೆ ಡೇಟಿಂಗ್

ಶಿವರಾಜ್ ಕುಮಾರ್ ಅವರ ಪ್ರಶ್ನೆಗೆ ಉತ್ತರಿಸಿದ ಮಾನ್ವಿತಾ ಮೊದಲು ಪುನೀತ್ ರಾಜ್ ಕುಮಾರ್ ಹೆಸರು ತೆಗೆದುಕೊಂಡರು. ಪುನೀತ್ ಅವರ ಜೊತೆಗೆ ಡೇಟಿಂಗ್ ಹೋಗುತ್ತಾನೆ ಎಂದರು ಮಾನ್ವಿತಾ.

ಶಿವಣ್ಣನ ಜೊತೆಗೆ ಮದುವೆ

'ಯಾವ ನಟನ ಜೊತೆಗೆ ಮದುವೆ ಆಗುತ್ತೀರಾ?' ಎಂದು ಕೇಳಿದಾಗ ಮೊದಲು ಮಾನ್ವಿತಾ ನಮ್ಮ ಇಂಡಸ್ಟ್ರಿಯಲ್ಲಿ ಮದುವೆ ಆಗದ ನಟರು ಯಾರಿದ್ದಾರೆ ಎಂದು ಯೋಚಿಸಿದರು ನಂತರ ಇದು ತಮಾಷೆಗೆ ಯಾರ ಹೆಸರಾದರು ಕೇಳಿ ಎಂದಾಗ 'ಶಿವಣ್ಣ' ಎಂದು ಮಾನ್ವಿತಾ ಹೇಳಿದರು. ಮಾನ್ವಿತಾ ಉತ್ತರ ಕೇಳಿ ಶಿವಣ್ಣ ಕೂಡ ನಕ್ಕರು.

ಧನಂಜಯ್ ಜೊತೆಗೆ ಲಾಂಗ್ ಡ್ರೈವ್

ಇನ್ನು ಯಾರ ಜೊತೆಗೆ ಲಾಂಗ್ ಡ್ರೈವ್ ಹೋಗಬೇಕು ಎಂಬ ಪ್ರಶ್ನೆಗೆ ಮಾನ್ವಿತಾ ಅಲ್ಲಿಯೇ ಇದ್ದ ಧನಂಜಯ್ ಅವರನ್ನು ತೋರಿಸಿ ''ಮ್ಯೂಸಿಕ್ ನಲ್ಲಿ ನನಗೆ ಮತ್ತೆ ಧನಂಜಯ್ ಅವರಿಗೆ ಒಂದೇ ರೀತಿಯ ಟೆಸ್ಟ್ ಇರುವುದರಿಂದ ಧನಂಜಯ್ ಜೊತೆಗೆ ಹೋಗುತ್ತೇನೆ'' ಎಂದರು. ನಂತರ ಶಿವಣ್ಣ ಧನಂಜಯ್ ಆದರೆ ಯಾಕೆ ತಡ ಇಬ್ಬರು ಹೋಗಿ ಎಂದು ತಮಾಷೆ ಮಾಡಿದರು.