ಮೇಘನಾ ರಾಜ್‌ಗೆ ಮಗನನ್ನು ಬಿಟ್ಟಿರಲು ಅಭದ್ರತೆ ಕಾಡುತ್ತಂತೆ: ಶೂಟಿಂಗ್‌ನಲ್ಲಿದ್ದಾಗಾ ಏನ್‌ ಮಾಡ್ತಾರೆ?

ರಾಯನ್‌ನನ್ನು ಬಿಟ್ಟಿರಲು ತುಂಬಾ ಕಷ್ಟ ಆಗುತ್ತೆ: ಮೇಘನಾ ರಾಜ್!

ನಟಿ ಮೇಘನಾ ರಾಜ್ ಕಿರುತೆರೆ ಕಾರ್ಯಕ್ರಮದ ಮೂಲಕ ಪ್ರತೀ ವಾರಾಂತ್ಯಕ್ಕೆ ಪ್ರೇಕ್ಷರ ಮುಂದೆ ಬರುತ್ತಾರೆ. ಹಾಗಾಗಿ ಅವರು ಶೂಟಿಂಗ್‌ನಲ್ಲಿ ಸದಾ ಬ್ಯುಸಿ ಇರುತ್ತಾರೆ. ಶೂಟಿಂಗ್ ಕಾರಣಕ್ಕೆ ಅವರು ಮಗ ರಾಯನ್ ರಾಜ್‌ನನ್ನು ಮನೆಯಲ್ಲೇ ಬಿಟ್ಟು ಹೋಗಬೇಕಾಗುತ್ತದೆ. ಇದರಿಂದ ಅವರು ಮಗನನ್ನು ತುಂಬಾನೇ ಮಿಸ್ ಮಾಡಿಕೊಳ್ಳುತ್ತಾರಂತೆ. ಸದಾ ಮನೆಗೆ ಫೋನ್ ಮಾಡಿ ಮಗನ ಬಗ್ಗೆ ವಿಚಾರಿಸಿಕೊಳ್ಳುತ್ತಾರಂತೆ ಮೇಘನಾ. ಈ ಬಗ್ಗೆ ಸಂದರ್ಶನ ಒಂದರಲ್ಲಿ ಮೇಘನಾ ಹೇಳಿಕೊಂಡಿದ್ದಾರೆ. ಆದರೆ ಇದೆಲ್ಲವೂ ಬದುಕಿನ ಭಾಗ ಅನುಸರಿಸಿಕೊಂಡು ಹೋಗಬೇಕು ಎಂದಿದ್ದಾರೆ.

ಮತ್ತೊಂದು ಹೊಸ ಚಿತ್ರಕ್ಕೆ ಮೆಘನಾ ರಾಜ್ ಗ್ರೀನ್ ಸಿಗ್ನಲ್!

ಮಗನಿಗಾಗಿಯೇ ನಾನು ಇದೆಲ್ಲಾ ಮಾಡ್ತಿರೋದು: ನಟಿ ಮೇಘನಾ ರಾಜ್!

ಮಗನ ಬಗ್ಗೆ ಹೆಚ್ಚಾಗಿ ಮಾತನಾಡಿದ ಮೇಘನಾ "ಶೂಟಿಂಗ್ ಸಮಯದಲ್ಲಿ ಹೆಚ್ಚಾಗಿ ಮಗನನ್ನು ಮಿಸ್ ಮಾಡಿಕೊಳ್ಳುತ್ತೇನೆ. ಅಪ್ಪ, ಅಮ್ಮ ಅವನೊಂದಿಗೆ ಹೆಚ್ಚು ಸಮಯ ಕಳೆಯುತ್ತಾರೆ. ನನಗೆ ಅದು ಸಾಧ್ಯ ಆಗುತ್ತಿಲ್ಲ ಎನ್ನುವ ಒಂದು ರೀತಿಯ ಅಭದ್ರತೆ ಕಾಡುತ್ತೆ. ಆದರೆ ನಾನು ಇದೆಲ್ಲಾ ಮಾಡುತ್ತಾ ಇರೋದು ಅವನಿಗಾಗಿಯೇ. ಎಲ್ಲಾ ಮುಗಿದು ಮನೆಗೆ ಹೋದ ಮೇಲೆ ನಮ್ಮ ಕೆಲಸ ನೋಡಿದಾಗ ಸಾರ್ಥಕತೆಯ ಭಾವ ಮೂಡುತ್ತೆ. ಹಾಗಾಗಿ ನಾವು ಮಾಡುವ ಸಣ್ಣ, ಪುಟ್ಟ ತ್ಯಾಗಗಳು ಹೆಚ್ಚು ದೊಡ್ಡದು ಅನಿಸುವುದಿಲ್ಲ." ಎಂದಿದ್ದಾರೆ.

ಅಮ್ಮನನ್ನು ಟಿವಿಯಲ್ಲಿ ನೋಡಿ ಕುಣಿಯುತ್ತಾನೆ ರಾಯನ್!

ಇನ್ನು ರಾಯನ್ ಟಿವಿಯಲ್ಲಿ ಮೇಘನಾ ಅವರ ಕಾರ್ಯಕ್ರಗಳನ್ನು ಹಾಕಿದರೆ. ನೋಡುತ್ತಾನಂತೆ, ಅಲ್ಲದೆ ಡಾನ್ಸ್ ಕೂಡ ಮಾಡುತ್ತಾನಂತೆ. "ನನ್ನ ಕಾರ್ಯಕ್ರಮವನ್ನು ರಾಯನ್ ಟಿವಿಯಲ್ಲಿ ನೋಡ್ತಾನೆ. ಅವನು ಡಾನ್ಸ್ ಮಾಡ್ತಾನೆ. ಅಂದರೆ ಕಲರ್ ಫುಲ್ ಫ್ರೇಮ್, ಮ್ಯೂಸಿಕ್, ಅವನಿಗೆ ಇಷ್ಟ ಆಗುತ್ತೆ. ಹಾಗಾಗಿ ಡಾನ್ಸ್ ಮಾಡ್ತಾನೆ. ಆದರೆ ಇದನೆಲ್ಲಾ ಅರ್ಥಮಾಡಿಕೊಳ್ಳಲು ಅವನು ತುಂಬಾ ಚಿಕ್ಕವನು." ಎಂದಿದ್ದಾರೆ.

ಸಿನಿಮಾಗಳಲ್ಲೂ ನಟಿ ಮೇಘನಾ ಬ್ಯುಸಿ!

ಕಿರುತೆರೆಯ ಕಾರ್ಯಕ್ರಮದ ಜೊತೆಗೆ ನಟಿ ಮೇಘನಾ ರಾಜ್ ಅವರು ಸಿನಿಮಾದಲ್ಲಿ ಸಕ್ರಿಯ ಆಗ ತೊಡಗಿದ್ದಾರೆ. ಈಗಾಗಲೇ ಅವರು ಒಂದೆರಡು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ. ಜೊತೆಗೆ ಅವರ ಫಸ್ಟ್ ಲುಕ್ ಕೂಡ ರಿವೀಲ್ ಆಗಿದೆ. ಇತ್ತೀಚೆಗೆ ಚಿತ್ರದ ಶೂಟಿಂಗ್‌ನಲ್ಲಿ ಭಾಗಿ ಆಗುವ ಬಗ್ಗೆ ಫೊಟೋ ಒಂದನ್ನು ಕೂಡ ಮೇಘನಾ ಅವರು ಹಂಚಿಕೊಂಡಿದ್ದರು. ಒಟ್ಟಾರೆ ಮೇಘನಾ ತಮ್ಮ ವೃತ್ತಿ ಬದುಕಿನಲ್ಲಿ ಹೆಚ್ಚು ಸಕ್ರಿಯ ಆಗುತ್ತಿದ್ದು, ಅಭಿಮಾನಿಗಳ ಮುಂದಿದೆ ಸಿನಿಮಾಗಳ ಮೂಲಕ ಮತ್ತೆ ಬರಲಿದ್ದಾರೆ.