ಗ್ರ್ಯಾಂಡ್ ಫಿನಾಲೆವರೆಗೂ ಬಂದು ಮುಗ್ಗರಿಸಿಬಿದ್ದ 'ಕಿರಿಕ್' ಹುಡುಗಿ ಸಂಯುಕ್ತ.!

ಗೆಲುವಿನ ನಗೆ ಬೀರಿದ ಗೌರವ್-ಶೃತಿ

'ಸ್ಪ್ಲಿಟ್ಸ್ ವಿಲ್ಲಾ-11' ಕಾರ್ಯಕ್ರಮದಲ್ಲಿ ಗೌರವ್ ಮತ್ತು ಶ್ರುತಿ ವಿಜಯ ಪತಾಕೆ ಹಾರಿಸಿದ್ದಾರೆ. ಕೊಡಲಾದ ಚಟುವಟಿಕೆಯನ್ನು ಅತಿ ಕಡಿಮೆ ಸಮಯದಲ್ಲಿ ಪೂರ್ಣಗೊಳಿಸಿ ಗೌರವ್ ಮತ್ತು ಶ್ರುತಿ ಜೋಡಿ ಗೆದ್ದಿದ್ದಾರೆ.

ಕೊನೆ ಕ್ಷಣದಲ್ಲಿ ಮುಗ್ಗರಿಸಿದ ಸಂಯುಕ್ತ

ಗ್ರ್ಯಾಂಡ್ ಫಿನಾಲೆ ಟಾಸ್ಕ್ ಮುಗಿಸುವಲ್ಲಿ ಸಂಯುಕ್ತ ಮತ್ತು ಶಗುನ್ ತಿಣುಕಾಡಿದರು. ಗೌರವ್ ಮತ್ತು ಶ್ರುತಿಗೆ ಹೋಲಿಸಿದರೆ ಚಟುವಟಿಕೆಯನ್ನು ಪೂರ್ಣಗೊಳಿಸುವಲ್ಲಿ ಸಂಯುಕ್ತ ಮತ್ತು ಶಗುನ್ ಹೆಚ್ಚು ಸಮಯ ತೆಗೆದುಕೊಂಡು. ಹೀಗಾಗಿ ಸಂಯುಕ್ತ ಮತ್ತು ಶಗುನ್ ಸೋಲನುಭವಿಸಿದರು.

ಗೆದ್ದ ಗೌರವ್ ಯಾರು ಗೊತ್ತಾ.?

'ಸ್ಪ್ಲಿಟ್ಸ್ ವಿಲ್ಲಾ-11' ಕಾರ್ಯಕ್ರಮದಲ್ಲಿ ನಟಿ ಸಂಯುಕ್ತ ಹೇಳಿಕೊಂಡಿರುವ ಪ್ರಕಾರ ಗೌರವ್ ಆಕೆಯ ಮಾಜಿ ಪ್ರಿಯಕರ. ಹಳೆ ಬಾಯ್ ಫ್ರೆಂಡ್ ವಿರುದ್ಧ ಸೋತ ಸಂಯುಕ್ತ ಕೊಂಚ ಅಪ್ಸೆಟ್ ಆಗಿದ್ದರೆ ಅಚ್ಚರಿಪಡಬೇಡಿ.

ಇಂಪ್ರೆಸ್ ಮಾಡಿದ ಶಗುನ್

'ಸ್ಪ್ಲಿಟ್ಸ್ ವಿಲ್ಲಾ-11' ಕಾರ್ಯಕ್ರಮದಲ್ಲಿ ನಟಿ ಸಂಯುಕ್ತ ಮಾಡಿದ ಡ್ಯಾನ್ಸ್ ಗೆ ಮನಸೋತು ಆಕೆಗೆ ಶಗುನ್ ಲವ್ ಲೆಟರ್ ಬರೆದಿದ್ದರು. ಶಗುನ್ ತೋರಿದ ಪ್ರೀತಿಗೆ ಸಂಯುಕ್ತ ಕ್ಲೀನ್ ಬೌಲ್ಡ್ ಆಗಿದ್ದರು. ಶಗುನ್ ಮತ್ತು ಸಂಯುಕ್ತ ಒಟ್ಟಿಗೆ ಶೋ ಗೆಲ್ಲಲು ಇಚ್ಛಿಸಿದ್ದರು. ಆದರೆ ಇಬ್ಬರ ಆಸೆ ಈಡೇರಲಿಲ್ಲ.