ರಮೇಶ್ ಅರವಿಂದ್ ಬಗ್ಗೆ ನಟಿ ಪಾರೂಲ್ ಮಾಡಿರುವ ಗಾಸಿಪ್ ಏನ್ಗೊತ್ತಾ.?

ಮೂರು ಹೀರೋಯಿನ್ ಗಳ ಜೊತೆಗೆ ರಮೇಶ್ ಅಫೇರ್!

ನಟ ರಮೇಶ್ ಅರವಿಂದ್ ರವರಿಗೆ ಮೂರು ಪ್ರಖ್ಯಾತ ಹೀರೋಯಿನ್ ಗಳ ಜೊತೆಗೆ ಅಫೇರ್ ಇದ್ಯಂತೆ. ಹಾಗಂತ ನಟಿ ಪಾರೂಲ್ ಯಾದವ್ ಗುಸುಗುಸು ಹಬ್ಬಿಸಿದ್ದಾರೆ.

ಯಾರು ಆ ಮೂವರು ಹೀರೋಯಿನ್ ಗಳು.?

ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಹಾಗೂ ಕಾಜಲ್ ಅಗರ್ವಾಲ್ ಜೊತೆಗೆ ನಟ ರಮೇಶ್ ಅರವಿಂದ್ ಗೆ ಅಫೇರ್ ಇದೆ ಅಂತ ಪಾರೂಲ್ ಯಾದವ್ ಹೇಳಿದ್ದಾರೆ. ಹಾಗಂತ ಪಾರೂಲ್ ಮಾತನ್ನ ಸೀರಿಯಸ್ ಆಗಿ ತೆಗೆದುಕೊಳ್ಳುವ ಅವಶ್ಯಕತೆ ಇಲ್ಲ. ಯಾಕಂದ್ರೆ, ಪಾರೂಲ್ ಹೀಗಂತ ಹೇಳಿರುವುದು ತಮಾಷೆಗಾಗಿ, ಟಾಸ್ಕ್ ಗಾಗಿ, ಕೇಳಿದ ಪ್ರಶ್ನೆಗೆ ಉತ್ತರಿಸುವ ಸಲುವಾಗಿ. ಅದೂ 'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ.

'ನಂ.1 ಯಾರಿ ವಿತ್ ಶಿವಣ್ಣ' ಶೋನಲ್ಲಿ 'ಬಟರ್ ಫ್ಲೈ'

'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ರಮೇಶ್ ಅರವಿಂದ್ ಹಾಗೂ ಪಾರುಲ್ ಯಾದವ್ ಅತಿಥಿಗಳಾಗಿ ಭಾಗವಹಿಸಿದ್ದರು. ರಮೇಶ್ ಹಾಗೂ ಪಾರೂಲ್ ಕಾಂಬಿನೇಷನ್ ನಲ್ಲಿ 'ಬಟರ್ ಫ್ಲೈ' ಸಿನಿಮಾ ಮೂಡಿಬರುತ್ತಿರುವುದು ನಿಮಗೆಲ್ಲ ಗೊತ್ತೇ ಇದೆ. 'ಕ್ವೀನ್' ಚಿತ್ರದ ರೀಮೇಕ್ ಆಗಿರುವ 'ಬಟರ್ ಫ್ಲೈ' ಸಿನಿಮಾ ಏಕಕಾಲಕ್ಕೆ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ನಲ್ಲಿ ತಯಾರಾಗುತ್ತಿದೆ. ಕನ್ನಡದಲ್ಲಿ ಪಾರೂಲ್ ಯಾದವ್ ನಾಯಕಿ ಆಗಿದ್ದರೆ, ತೆಲುಗಿನಲ್ಲಿ ತಮನ್ನಾ ಹಾಗೂ ತಮಿಳಿನಲ್ಲಿ ಕಾಜಲ್ ಅಗರ್ವಾಲ್ ಹೀರೋಯಿನ್ ಪಾತ್ರ ನಿರ್ವಹಿಸುತ್ತಿದ್ದಾರೆ. ಚಿತ್ರದ ಬಹುತೇಕ ಭಾಗದ ಚಿತ್ರೀಕರಣ ಫ್ರಾನ್ಸ್ ನಲ್ಲಿ ನಡೆದಿದೆ.

ಪಾರೂಲ್ ಗೆ ಪ್ರಶ್ನೆ

'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದ Rapid Fire ರೌಂಡ್ ನಲ್ಲಿ ''ರಮೇಶ್ ಬಗ್ಗೆ ಏನಂತ ಗಾಸಿಪ್ ಕ್ರಿಯೇಟ್ ಮಾಡ್ತೀರಾ?'' ಎಂದು ಪಾರುಲ್ ಯಾದವ್ ಗೆ ಶಿವಣ್ಣ ಪ್ರಶ್ನಿಸಿದರು. ಅದಕ್ಕೆ ''ಫ್ರಾನ್ಸ್ ನಲ್ಲಿ ಮೂವರು ಹೀರೋಯಿನ್ (ಪಾರುಲ್ ಯಾದವ್, ಕಾಜಲ್ ಅಗರ್ವಾಲ್, ತಮನ್ನಾ ಭಾಟಿಯಾ) ಜೊತೆಗೆ ಅಫೇರ್ ಇತ್ತು ಅಂತ ಹೇಳ್ತೀನಿ'' ಎಂದರು ನಟಿ ಪಾರೂಲ್. ಇದನ್ನ ಕೇಳಿ ರಮೇಶ್ ಅರವಿಂದ್ ಕಿಲ ಕಿಲ ಅಂತ ನಕ್ಕುಬಿಟ್ಟರು.