ಕ್ರಿಕೆಟ್ ಆಟ ಆಡಲು ಒಡವೆ ಕದ್ದಿದ್ದರಂತೆ ನಟ ಪೆಟ್ರೋಲ್ ಪ್ರಸನ್ನ.!

ಮಜಾ ಮನೆಯಲ್ಲಿ ಪೆಟ್ರೋಲ್ ಪ್ರಸನ್ನ

ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ 'ಮಜಾ ಟಾಕೀಸ್' ಕಾರ್ಯಕ್ರಮದಲ್ಲಿ ಕೆಸಿಸಿ ಪಂದ್ಯಾವಳಿಯ ನಟರು/ಆಟಗಾರರು ಅತಿಥಿಗಳಾಗಿ ಭಾಗವಹಿಸಿದ್ದರು. ಈ ವೇಳೆ ನಟ ಪೆಟ್ರೋಲ್ ಪ್ರಸನ್ನಗೆ ಸೃಜನ್ ಲೋಕೇಶ್ ಒಂದು ಪ್ರಶ್ನೆ ಕೇಳಿದರು.

ಟಾರ್ಚರ್ ಅನುಭವಿಸಿದ್ದೀರಾ.?

''ಕ್ರಿಕೆಟ್ ವಿಚಾರದಲ್ಲಿ ಯಾವ್ಯಾವ ಟಾರ್ಚರ್ ಅನುಭವಿಸಿದ್ದೀರಾ.? ಯಾವ್ಯಾವ ತರಹ ಟಾರ್ಚರ್ ಕೊಟ್ಟಿದ್ದೀರಾ.?'' ಎಂದು ಸೃಜನ್ ಲೋಕೇಶ್ ಕೇಳಿದಾಗ, ''ಮನೆಯಲ್ಲಿ ನಮ್ಮನ್ನ ಕ್ರಿಕೆಟ್ ಆಟ ಆಡಲು ಕಳುಹಿಸುತ್ತಿರಲಿಲ್ಲ. ಅದೇ ನಮಗೆ ದೊಡ್ಡ ಟಾರ್ಚರ್ ಆಗಿತ್ತು'' ಎಂದರು ನಟ ಪೆಟ್ರೋಲ್ ಪ್ರಸನ್ನ.

ಓಲೆ ಕದಿಯುವುದು ವಾಡಿಕೆ

''25-30 ವರ್ಷಗಳ ಹಿಂದಿನ ಕಥೆ ಇದು. ಟೆನ್ನಿಸ್ ಬಾಲ್ ಟೂರ್ನಮೆಂಟ್ ಆಡ್ತಿದ್ವಿ. ನಮ್ಮ ಬಳಿ ದುಡ್ಡು ಇರುತ್ತಿರಲಿಲ್ಲ. 20 ಜನ ಪ್ಲೇಯರ್ಸ್ ಇದ್ವಿ. ಕಾಸಿಲ್ಲದೇ ಇರುವಾಗ, ಯಾರಾದರೂ ಒಬ್ಬರ ಮನೆಯಲ್ಲಿ ಓಲೆ, ಝುಮ್ಕಿ ಕದಿಯುವುದು ವಾಡಿಕೆ. ಒಡವೆ ಕದ್ದು, ಅದನ್ನ ಅಡವಿಟ್ಟು, ಟೂರ್ನಮೆಂಟ್ ಆಡಲು ಹೋಗುತ್ತಿದ್ವಿ. ಇದರಿಂದ ನಮ್ಮ ಮನೆಯವರಿಗೆ ನನ್ನಿಂದ ಟಾರ್ಚರ್ ಆಗುತ್ತಿತ್ತು'' ಅಂತ ಪೆಟ್ರೋಲ್ ಪ್ರಸನ್ನ ಹೇಳಿದರು.

ಒಡೆಯರ್ ಚಾರ್ಜರ್ಸ್ ನಲ್ಲಿ ಪೆಟ್ರೋಲ್ ಪ್ರಸನ್ನ

ಮೊನ್ನೆಯಷ್ಟೇ ಮುಕ್ತಾಯವಾದ ಕನ್ನಡ ಚಲನಚಿತ್ರ ಕಪ್ ನಲ್ಲಿ ಒಡೆಯರ್ ಚಾರ್ಜರ್ಸ್ ತಂಡದ ಪರವಾಗಿ ಪೆಟ್ರೋಲ್ ಪ್ರಸನ್ನ ಆಡಿದರು. ಒಡೆಯರ್ ಚಾರ್ಜರ್ಸ್ ಕೆಸಿಸಿ-2 ಚಾಂಪಿಯನ್ಸ್ ಆದರು.