'ಮಜಾ ಟಾಕೀಸ್'ನಲ್ಲಿ 'ರಾಜಕುಮಾರ'ನ ಗೆಲುವು ಸಂಭ್ರಮಿಸಿದ ಪುನೀತ್

ಮೊದಲ ಬಾರಿಗೆ 'ಮಜಾ ಟಾಕೀಸ್'ಗೆ ಬಂದ ಅಪ್ಪು

ಇದೇ ಮೊದಲ ಬಾರಿಗೆ ಕನ್ನಡದ ರಾಜರತ್ನ ಪುನೀತ್ ರಾಜ್ ಕುಮಾರ್, ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ 'ಮಜಾ ಟಾಕೀಸ್' ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಆಗಮಿಸಿದ್ದಾರೆ.['ರಾಜಕುಮಾರ' ಕಲೆಕ್ಷನ್ ಬಗ್ಗೆ ಅವರಿವರ ಮಾತು ನಂಬಬೇಡಿ: ನಿರ್ದೇಶಕರು ಕೊಟ್ರು ಪಕ್ಕಾ ಲೆಕ್ಕ]

ಅಪ್ಪುನ ಬರಮಾಡಿಕೊಂಡ ಸೃಜನ್

ಕಂಠೀರವ ಸ್ಟುಡಿಯೋದಲ್ಲಿ ಇತ್ತಿಚೆಗಷ್ಟೇ 'ಮಜಾ ಟಾಕೀಸ್' ಕಾರ್ಯಕ್ರಮದ ರೆಕಾರ್ಡಿಂಗ್ ನಡೆಯಿತು. ಈ ವಿಶೇಷ ಸಂಚಿಕೆಗೆ ಅತಿಥಿ ಆಗಿ ಆಗಮಿಸಿದ್ದ ಪುನೀತ್ ರಾಜ್ ಕುಮಾರ್ ಅವರನ್ನ ನಿರೂಪಕ ಕಮ್ ನಟ ಸೃಜನ್ ಲೋಕೇಶ್ ಸ್ವಾಗತಿಸಿಕೊಂಡರು.[ಗಲ್ಫ್ ನಾಡಿನಲ್ಲಿ 'ರಾಜಕುಮಾರ'ನ ರಾಜ್ಯಭಾರ]

ಕುರಿ ಪ್ರತಾಪ್ ಫುಲ್ ಖುಷ್

ಇನ್ನು 'ಮಜಾ ಟಾಕೀಸ್' ಕಾರ್ಯಕ್ರಮದ ಸದಸ್ಯನಾಗಿರುವ ಕುರಿ ಪ್ರತಾಪ್, ಪುನೀತ್ ರಾಜ್ ಕುಮಾರ್ ಅವರನ್ನ ಸಖತ್ ಖುಷಿಯಿಂದ ಬರಮಾಡಿಕೊಂಡರು.['ದೊಡ್ಮನೆ ಹುಡ್ಗ' ಚಿತ್ರವನ್ನ ಮತ್ತೊಮ್ಮೆ ನೋಡುವ ಅವಕಾಶ]

'ರಾಜಕುಮಾರ' 50ರ ಸಂಭ್ರಮ

ಅಂದ್ಹಾಗೆ, ಪುನೀತ್ ಅಭಿನಯದ 'ರಾಜಕುಮಾರ' ಚಿತ್ರ ರಾಜ್ಯಾದ್ಯಂತ ಯಶಸ್ವಿ 50 ದಿನಗಳನ್ನ ಪೂರೈಸಿದೆ. ಹೀಗಾಗಿ, 'ಮಜಾ ಟಾಕೀಸ್'ನಲ್ಲಿ 'ರಾಜಕುಮಾರ'ನ 50 ದಿನಗಳ ಸಂಭ್ರಮವನ್ನ ಅದ್ದೂರಿಯಾಗಿ ಆಚರಿಸಿಲಾಗಿದೆ. ಈ ವಿಶೇಷ ಸಂಚಿಕೆಯಲ್ಲಿ ಅಭಿಮಾನಿಗಳು ಮನರಂಜನೆ ಕಾರ್ಯಕ್ರಮವನ್ನ ಕೂಡ ನೀಡಿದ್ದಾರೆ.

ಯಾವಾಗ ಪ್ರಸಾರ?

ಈಗಾಗಲೇ ಪುನೀತ್ ರಾಜ್ ಕುಮಾರ್ ಅವರ ಎಪಿಸೋಡ್ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಮುಂದಿನ ವಾರಗಳಲ್ಲಿ 'ರಾಜಕುಮಾರ'ನ ಶೋ 'ಮಜಾ ಟಾಕೀಸ್' ನಲ್ಲಿ ಮೂಡಿ ಬರಲಿದೆ.