ರಕ್ಷಿತಾ ಆಡಿದ ಮಾತನ್ನು ಕೇಳಿ 'ಇದು ಅವಮಾನ ನಂಗೆ' ಎಂದು ಎದ್ದು ನಿಂತ ಶಿವಣ್ಣ!

ರಕ್ಷಿತಾ-ರಾಗಿಣಿ ಅತಿಥಿ

ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ನಿರೂಪಣೆಯಲ್ಲಿ ಮೂಡಿಬರುತ್ತಿರುವ 'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ರಕ್ಷಿತಾ ಹಾಗೂ ರಾಗಿಣಿ ಅತಿಥಿಗಳಾಗಿ ಭಾಗವಹಿಸಿದರು. ಕಾರ್ಯಕ್ರಮದ ಮೊದಲನೇ ಸೆಗ್ಮೆಂಟ್ (ಸತ್ಯ ಅಥವಾ ಧೈರ್ಯ) ನಲ್ಲಿ ಸತ್ಯವನ್ನ ಹೇಳಲು ರಕ್ಷಿತಾ ಆಯ್ಕೆ ಮಾಡಿಕೊಂಡರು. ಆಗ ಶಿವಣ್ಣ ಕೇಳಿದ ಪ್ರಶ್ನೆ...

ಶಿವಣ್ಣ ಕೇಳಿದ್ದೇನು? ರಕ್ಷಿತಾ ಹೇಳಿದ್ದೇನು?

''ಹೀರೋಯಿನ್ ಆಗಿ ಮತ್ತೆ ನೀವು ವೃತ್ತಿ ಶುರು ಮಾಡಿದರೆ, ಈಗಿನ ಯಾವ ಹೀರೋ ಜೊತೆ ಆಕ್ಟ್ ಮಾಡಲು ಇಷ್ಟ ಪಡ್ತೀರಾ?'' ಎಂದು ರಕ್ಷಿತಾಗೆ ಶಿವಣ್ಣ ಪ್ರಶ್ನಿಸಿದರು. ಅದಕ್ಕೆ, ''ನಾನು ಆಕ್ಟ್ ಮಾಡಬೇಕು ಅಂತ ಮತ್ತೆ ನನಗೆ ಯಾವಾಗಾದರೂ ಅನಿಸಿದರೆ, ಅಭಿಮಾನಿಗಳ ಒತ್ತಾಯದ ಮೇರೆಗೆ ಮತ್ತೆ ದರ್ಶನ್ ಜೊತೆಗೆ ಆಕ್ಟ್ ಮಾಡಲು ಇಷ್ಟ ಪಡುತ್ತೇನೆ'' ಎಂದರು ರಕ್ಷಿತಾ.

ಜೋಡಿ ಸೂಪರ್.!

ರಕ್ಷಿತಾ ಕೊಟ್ಟ ಉತ್ತರ ಕೇಳಿ ಶಿವಣ್ಣನಿಗೆ ಖುಷಿ ಆಯ್ತು. ''ನಿಮ್ಮಿಬ್ಬರ ಜೋಡಿ ತುಂಬಾ ಚೆನ್ನಾಗಿದೆ'' ಅಂತಲೂ ಶಿವಣ್ಣ ಹೇಳಿದರು. ಹೀಗಿರುವಾಗಲೇ, ಶಿವಣ್ಣ ಮತ್ತೊಂದು ಪ್ರಶ್ನೆ ಕೇಳಿದರು.

ಶಿವಣ್ಣ ಜೊತೆ ಆಕ್ಟ್ ಮಾಡಲ್ವಾ.?

ದರ್ಶನ್ ಜೊತೆ ಆಕ್ಟ್ ಮಾಡ್ತೀನಿ ಅಂತ ರಕ್ಷಿತಾ ಹೇಳಿದ್ಮೇಲೆ, ''ಯಾಕೆ ನಮ್ಮ ಜೊತೆ ಆಕ್ಟ್ ಮಾಡೋಕೆ ಇಷ್ಟ ಇಲ್ವಾ?'' ಎಂದು ರಕ್ಷಿತಾಗೆ ಶಿವಣ್ಣ ಕೇಳಿದರು. ಆಗ, ''ನೀವು ನನಗೆ ಫಾದರ್ ಫಿಗರ್'' ಎಂದುಬಿಟ್ಟರು ನಟಿ ರಕ್ಷಿತಾ.

ಶಿವಣ್ಣ ನಿರೀಕ್ಷಿಸದ ಉತ್ತರ!

'ಫಾದರ್ ಫಿಗರ್' ಅಂತ ರಕ್ಷಿತಾ ಹೇಳುತ್ತಿದ್ದಂತೆಯೇ, ''ಓ ಮೈ ಗಾಡ್.. ಇದೇನಪ್ಪಾ ಅನ್ಯಾಯ ಇದು'' ಎನ್ನುತ್ತಾ ಶಿವಣ್ಣ ಶಾಕ್ ಆಗ್ಬಿಟ್ರು.

ಶೂಟಿಂಗ್ ಕ್ಯಾನ್ಸಲ್.!

''ಇದು ಅವಮಾನ ನನಗೆ. ಇವತ್ತಿನ ಶೂಟಿಂಗ್ ಕ್ಯಾನ್ಸಲ್ ಮಾಡಿ, ಲೈಟ್ಸ್ ಆಫ್..'' ಅಂತ ಶಿವಣ್ಣ ತಮ್ಮ ಆಸನದಿಂದ ಎದ್ದು ಬಿಟ್ಟರು. ಆಗ, ''ಅಣ್ಣ ಓಕೆ ಅಣ್ಣ, ನೀವು ನನ್ನ ಬಾಯ್ ಫ್ರೆಂಡ್ ಕೂತ್ಕೊಳ್ಳಿ, ಕಾಲಿಗೆ ಬೀಳ್ತೀನಿ'' ಎಂದು ರಕ್ಷಿತಾ ಹೇಳಿದರು. ರಕ್ಷಿತಾ ಇಷ್ಟು ಹೇಳಿದ್ಮೇಲೆ, ಲೈಟ್ಸ್ ಆನ್ ಆಯ್ತು.

ಹೇಗಮ್ಮ ಹೇಳ್ದೆ.?

''ಫಾದರ್ ಫಗರ್ ಅಂತ ಹೇಗಮ್ಮ ಹೇಳ್ದೆ?'' ಎಂದು ಶಿವಣ್ಣ ಪ್ರಶ್ನಿಸಿದಾಗ, ''ಸ್ಕ್ರೀನ್ ಮೇಲೆ ರೋಮ್ಯಾನ್ಸ್ ಮಾಡಬೇಕು ಅಂದಾಗ ನನಗೆ ಖಂಡಿತ ಆ ಭಾವನೆ ಬರುವುದಿಲ್ಲ'' ಅಂತ ರಕ್ಷಿತಾ ಹೇಳಿದರು. ರಕ್ಷಿತಾ 'ಸತ್ಯ' ಹೇಳಿದ್ದಕ್ಕೆ ಶಿವಣ್ಣ ಖುಷಿ ಪಟ್ಟರು.

ಇದು ಕಾಲೆಳೆಯುವ ಪ್ರೋಗ್ರಾಮ್

ಅಷ್ಟಕ್ಕೂ, ರಕ್ಷಿತಾ ಮತ್ತು ಶಿವಣ್ಣ ಮಧ್ಯೆ ಇಷ್ಟೆಲ್ಲ ನಡೆದಿದ್ದು ಕಾಲೆಳೆಯುವ ಸಲುವಾಗಿ. ತಮಾಷೆಗಾಗಿ. ಅಷ್ಟೇ ಹೊರತು ಸೀರಿಯಸ್ ಆಗಿ ಅಲ್ಲ.