ರಘು ದೀಕ್ಷಿತ್ ಗೆ ಅವಮಾನ ಮಾಡಿದ ಕನ್ನಡದ 'ಆ' ಮಹಾನ್ ಡೈರೆಕ್ಟರ್ ಯಾರು.?

'ಸೂಪರ್ ಟಾಕ್ ಟೈಮ್'ನಲ್ಲಿ ರಘು ದೀಕ್ಷಿತ್

ಕಲರ್ಸ್ ಸೂಪರ್ ವಾಹಿನಿಯ ಜನಪ್ರಿಯ ಶೋ 'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದಲ್ಲಿ ರಘು ದೀಕ್ಷಿತ್ ಭಾಗವಹಿಸಿದ್ರು. ಅಕುಲ್ ಬಾಲಾಜಿ ಜೊತೆ ಮಾತನಾಡುತ್ತಾ ರಘು ದೀಕ್ಷಿತ್ ಒಂದು ಘಟನೆಯನ್ನ ನೆನಪಿಸಿಕೊಂಡರು.

ಮಹಾನ್ ಡೈರೆಕ್ಟರ್ ಹೇಳಿದ್ದೇನು.?

''ನಿಮ್ಮದು ಫಿಲ್ಮ್ ಮ್ಯೂಸಿಕ್ ಅಲ್ಲ ರೀ... ಫಿಲ್ಮ್ ಸೌಂಡ್ ಅಲ್ಲ ನಿಮ್ಮದು'' ಅಂತ ಒಬ್ಬ ಮಹಾನ್ ಡೈರೆಕ್ಟರ್ ನಮ್ಮ ಇಂಡಸ್ಟ್ರಿಯಲ್ಲಿ ನನಗೆ ಹೇಳಿದ್ರು'' ಎಂದು ರಘು ದೀಕ್ಷಿತ್ ಬೇಸರದಿಂದ ನುಡಿದರು.

ಪ್ರಶ್ನೆ ಮಾಡಬೇಕು

''ಫಿಲ್ಮ್ ಸೌಂಡೋ.. ಬ್ಯಾಂಡ್ ಸೌಂಡೋ.. ನನ್ನ ಎರಡು ಸಿನಿಮಾಗಳಲ್ಲಿ ಹಿಟ್ ಆಗಿರುವ ಸಾಂಗ್ಸ್ ಎಷ್ಟಿದೆ.? ಇದನ್ನ ಅವರಿಗೆ ನಾನು ನಿಜವಾಗಲೂ ಪ್ರಶ್ನೆ ಮಾಡಬೇಕು'' - ರಘು ದೀಕ್ಷಿತ್

ಯಾರು ಆ ಮಹಾನ್ ನಿರ್ದೇಶಕ.?

ಒಬ್ಬ ಮಹಾನ್ ನಿರ್ದೇಶಕ ಹೀಗೆ ಹೇಳಿದರು ಎಂದು ರಘು ದೀಕ್ಷಿತ್ ಹೇಳಿದರೆ ಹೊರತು ಆ ನಿರ್ದೇಶಕ ಯಾರು ಅಂತ ಮಾತ್ರ ರಘು ದೀಕ್ಷಿತ್ ಬಾಯಿ ಬಿಡಲಿಲ್ಲ. 'ಯಾರು.?' ಎಂದು ಅಕುಲ್ ಬಾಲಾಜಿ ಪ್ರಶ್ನೆ ಮಾಡಿದಾಗಲೂ, ಹೆಸರು ಹೇಳಲು ರಘು ದೀಕ್ಷಿತ್ ಇಚ್ಛಿಸಲಿಲ್ಲ.

ನಿಜವಾಗಲೂ ಅರ್ಥ ಆಗುವುದಿಲ್ಲ

''ಒಬ್ಬ ಡೈರೆಕ್ಟರ್ ಗೆ ಅಥವಾ ಒಬ್ಬ ಪ್ರೊಡ್ಯೂಸರ್ ಗೆ ಸಿನಿಮಾ ಹೇಗೆ ಹಿಟ್ ಆಗುತ್ತೆ ಅನ್ನೋದು ಇದ್ದಿದ್ರೆ, ಅವರು ಮಾಡಿದ ಅಷ್ಟೂ ಸಿನಿಮಾಗಳು ಹಿಟ್ ಆಗಬೇಕಿತ್ತು. ಪ್ರತಿಯೊಂದು ಸಾಂಗ್ ಕೂಡ ಹಿಟ್ ಆಗಬೇಕಿತ್ತು. ಜನ ಯಾಕೆ ಈ ತರಹ ಮಾತನಾಡುತ್ತಾರೆ ಅಂತ ನಿಜವಾಗಲೂ ನನಗೆ ಅರ್ಥ ಆಗುವುದಿಲ್ಲ'' - ರಘು ದೀಕ್ಷಿತ್

ವೃತ್ತಿ ಬದುಕು ಹಾಳಾಗುತ್ತದೆ

''ಇದರಿಂದ ಒಬ್ಬರ ಕೆರಿಯರ್ ಹಾಳಾಗುತ್ತದೆ. ಒಬ್ಬರ ಹೊಟ್ಟೆ ಮೇಲೆ ಹೊಡೆಯುತ್ತಿದ್ದೇವೆ ಅಂತ ಯೋಚನೆ ಕೂಡ ಬರುವುದಿಲ್ಲ. ಬಾಯಿಗೆ ಬಂದಿದ್ದು ಮಾತನಾಡುತ್ತಾರೆ. ನಮ್ಮ ಕರ್ನಾಟಕದ ಗಾಯಕರ ಕೆರಿಯರ್ ಹಾಳಾಗುತ್ತಿರುವುದು ಇದರಿಂದಲೇ. ಒಳ್ಳೆ ಕೆಲಸ ಕೊಟ್ಟರೆ ತುಂಬ ಬಿಜಿಯಿದ್ದರೂ, ಬಿಟ್ಟಿ ಮಾಡಿಕೊಂಡು ಬರ್ತೀವಿ ನಾವು'' - ರಘು ದೀಕ್ಷಿತ್