ಎರಡು ತಿಂಗಳು ಮುಂಚಿತವಾಗಿ ಶುರುವಾಗಲಿದೆ 'ಬಿಗ್ ಬಾಸ್' ಶೋ.!

ಸೆಪ್ಟೆಂಬರ್ ನಲ್ಲಿ 'ಬಿಗ್ ಬಾಸ್-12' ಶುರು

ವರದಿಗಳ ಪ್ರಕಾರ, 'ಬಿಗ್ ಬಾಸ್-12' ಕಾರ್ಯಕ್ರಮ ಸೆಪ್ಟೆಂಬರ್ 16, 2018 ರಿಂದ ಪ್ರಸಾರ ಆಗಲಿದೆ. ಹಾಗ್ನೋಡಿದ್ರೆ, ಸೆಪ್ಟೆಂಬರ್ ತಿಂಗಳಿನಿಂದ 'ಖತರೋಂಕೆ ಖಿಲಾಡಿ' ಶೋ ಪ್ರಸಾರ ಆಗಬೇಕಿತ್ತು. ಆದ್ರೆ, 'ಬಿಗ್ ಬಾಸ್-12' ನಿಂದಾಗಿ 'ಖತರೋಂಕೆ ಖಿಲಾಡಿ' ಕಾರ್ಯಕ್ರಮವನ್ನ ಜನವರಿಗೆ ಪೋಸ್ಟ್ ಪೋನ್ ಮಾಡಲಾಗಿದೆ. ಡಿಸೆಂಬರ್ ಅಂತ್ಯದ ವೇಳೆಗೆ 'ಬಿಗ್ ಬಾಸ್-12' ಮುಕ್ತಾಯವಾಗಲಿದೆ.

ಸದ್ಯದಲ್ಲಿಯೇ ಪ್ರೋಮೋ ಶೂಟ್

ಮೂಲಗಳ ಪ್ರಕಾರ, ಆಗಸ್ಟ್ ಮೊದಲ ವಾರದಲ್ಲಿ 'ಬಿಗ್ ಬಾಸ್-12' ಪ್ರೋಮೋ ಶೂಟ್ ನಡೆಯಲಿದೆ. ಇದಕ್ಕಾಗಿ ಸಲ್ಮಾನ್ ಖಾನ್ ರಿಂದ ಕಾಲ್ ಶೀಟ್ ಕೂಡ ಪಡೆಯಲಾಗಿದೆ. ಮೆಹಬೂಬ್ ಸ್ಟುಡಿಯೋದಲ್ಲಿ ಪ್ರಮೋಷನಲ್ ವಿಡಿಯೋಗಳಿಗಾಗಿ ಸ್ಪೆಷಲ್ ಸೆಟ್ ಹಾಕಲಾಗುತ್ತಿದೆ.

ಸೆಟ್ ವರ್ಕ್ ಆರಂಭ

ಪ್ರತಿ ಆವೃತ್ತಿಗೆ 'ಬಿಗ್ ಬಾಸ್' ಮನೆಯ ಒಳಾಂಗಣ ವಿನ್ಯಾಸವನ್ನ ಬದಲಿಸಲಾಗುತ್ತದೆ. ಹಾಗೇ, 'ಬಿಗ್ ಬಾಸ್-12'ಗಾಗಿ ಮನೆಯ ಇಂಟೀರಿಯರ್ ಡಿಸೈನ್ ಚೇಂಜ್ ಮಾಡಲಾಗುತ್ತಿದೆ. ಲೋನಾವಾಲಾದಲ್ಲಿ ಇರುವ 'ಬಿಗ್ ಬಾಸ್' ಮನೆಯ ಸೆಟ್ ವರ್ಕ್ ಗೆ ಚಾಲನೆ ಕೊಡಲಾಗಿದೆ.

ಈ ಬಾರಿ ಯಾರ್ಯಾರು ಇರಬಹುದು.?

'ಬಿಗ್ ಬಾಸ್-12' ಕಾರ್ಯಕ್ರಮದಲ್ಲಿ ಡ್ಯಾನಿ ಡಿ, ಮಹಿಕಾ ಶರ್ಮಾ, ಗುರ್ಮೀತ್ ಚೌಧರಿ ಭಾಗವಹಿಸಲಿದ್ದಾರಂತೆ ಎಂಬ ಅಂತೆ-ಕಂತೆ ಕೇಳಿಬರುತ್ತಿದೆ. ಇವರೆಲ್ಲ 'ಬಿಗ್ ಬಾಸ್' ಮನೆಯೊಳಗೆ ಲಾಕ್ ಆಗುವವರೆಗೂ ಗ್ಯಾರೆಂಟಿ ಇಲ್ಲ.