ರಮೇಶ್ ಅರವಿಂದ್ 'ಯಾರಿ' ಆಗಿ 'ಇವರು' ಬರಬೇಕಿತ್ತು.!

ಯಾರು ಈ ಗೌರವ್.?

'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ರಮೇಶ್ ಅರವಿಂದ್ 'ಯಾರಿ' ಆಗಿ ಬಂದವರು ಗೌರವ್. ಈ ಗೌರವ್ ಬೇರಾರೂ ಅಲ್ಲ, ರಮೇಶ್ ಅರವಿಂದ್ ಸೋದರ ಅಳಿಯ.

ಶಿವಣ್ಣ ನನ್ನ 'ಯಾರಿ'

''ನನ್ನ ಯಾರಿ ಆಗಿ ನೀವು (ಶಿವರಾಜ್ ಕುಮಾರ್) ಬರಬೇಕಿತ್ತು. ಆದ್ರೆ ನೀವೇ ಹೋಸ್ಟ್. ಹೀಗಾಗಿ ಬೇರೆ ಫ್ರೆಂಡ್ ಕರೆದುಕೊಂಡು ಬಂದಿದ್ದೇನೆ. ನನ್ನ ಬಹುತೇಕ ಫ್ರೆಂಡ್ಸ್ ಇರುವುದು ವಿದೇಶದಲ್ಲಿ. ಇಲ್ಲಿ ನನಗೆ ತುಂಬಾ ಕ್ಲೋಸ್ ಆಗಿರುವುದು ನನ್ನ ಸೋದರ ಅಳಿಯ'' ಎಂದು ಗೌರವ್ ರನ್ನ ಪರಿಚಯ ಮಾಡಿಸಿದರು ರಮೇಶ್ ಅರವಿಂದ್.

ಶಿವಣ್ಣಗೆ ಥ್ಯಾಂಕ್ಸ್ ಹೇಳಿದ ರಮೇಶ್ ಅರವಿಂದ್

''ನಮ್ಮೂರ ಮಂದಾರ ಹೂವೆ' ಚಿತ್ರದ ಸೆಟ್ ನಲ್ಲಿ ನಾನು ನಿಮ್ಮನ್ನ ಮೊದಲ ಬಾರಿಗೆ ಭೇಟಿ ಮಾಡಿದ್ದು. ನಮ್ಮ ಮೊದಲ ಭೇಟಿಯಿಂದ ಹಿಡಿದು ಇಲ್ಲಿಯವರೆಗೂ (ಸುಮಾರು 24 ವರ್ಷಗಳು) ಒಂದೇ ಒಂದು ಅಹಿತಕರ ಕ್ಷಣ ಕೂಡ ಇಲ್ಲ. ಅದಕ್ಕೋಸ್ಕರ ಥ್ಯಾಂಕ್ಯು'' ಎಂದು ಶಿವಣ್ಣನಿಗೆ ಅಪ್ಪುಗೆ ನೀಡಿದರು ರಮೇಶ್ ಅರವಿಂದ್.

ಗ್ಯಾರೆಂಟಿ ಸಿನಿಮಾ ಮಾಡ್ತೀವಿ

''ಮುಂದಿನ ವರ್ಷ ಗ್ಯಾರೆಂಟಿ ನಾವಿಬ್ಬರು ಸೇರಿ ಒಂದು ಸಿನಿಮಾ ಮಾಡ್ತೀವಿ. ರಮೇಶ್ ಅರವಿಂದ್ ನಿರ್ದೇಶನದಲ್ಲಿ ನಾವಿಬ್ಬರೂ ಆಕ್ಟ್ ಮಾಡ್ತೀವಿ'' ಎಂದು ಇದೇ ಸಂದರ್ಭದಲ್ಲಿ ಶಿವರಾಜ್ ಕುಮಾರ್ ಘೋಷಿಸಿದರು. ಅಲ್ಲಿಗೆ, ರಮೇಶ್ ಹಾಗೂ ಶಿವಣ್ಣ ಕಾಂಬಿನೇಷನ್ ನಲ್ಲಿ ನೀವು ಒಂದು ಸಿನಿಮಾ ನಿರೀಕ್ಷೆ ಮಾಡಬಹುದು.