ಶಂಕರ ವಾಹಿನಿಯಲ್ಲಿ ಸ್ವಯಂವರ ರಿಯಾಲಿಟಿ ಶೋ

ಈಗಾಗಲೆ ವಾಹಿನಿಯಲ್ಲಿ 'ಕಲ್ಯಾಣಮಸ್ತು' ಎಂಬ ಕಾರ್ಯಕ್ರಮ ಮೂಡಿಬರುತ್ತಿದೆ. ಇದಕ್ಕೆ ವೀಕ್ಷಕರಿಂದ ಅಪಾರ ಮೆಚ್ಚುಗೆ ವ್ಯಕ್ತವಾದ ಹಿನ್ನೆಲೆಯಲ್ಲಿ 'ಸ್ವಯಂವರ' ಶೋ ಆರಂಭಿಸಲಾಗುತ್ತಿದೆ ಎಂದು ವಾಹಿನಿ ಹೇಳಿಕೊಂಡಿದೆ.

ಮೇ ತಿಂಗಳ 26ರಿಂದ ಸ್ವಯಂವರ ಆರಂಭವಾಗಲಿದೆ. ಈ ಶೋ ಬಗ್ಗೆ ಹೆಚ್ಚಿನ ಮಾಹಿತಿ ಶೀಘ್ರದಲ್ಲೇ ಲಭ್ಯವಾಗಲಿದೆ ಎಂದು ವಾಹಿನಿ ಮೂಲಗಳು ತಿಳಿಸಿವೆ. ಇದು ಮನೆ-ಮನಗಳ ಮಿತ್ರ. ಇದು ಎಲ್ಲರ ಭಾವಗಳ ಚಿತ್ರ. ಜನ-ಜಾಗೃತಿಯೇ ನಮ್ಮ ಮಂತ್ರ. ಸನಾತನತೆಯೇ ನಮ್ಮ ಅಸ್ತ್ರ ಎಂಬುದು ಶ್ರೀಶಂಕರ ವಾಹಿನಿಯ ಧ್ಯೇಯವಾಕ್ಯ.

'ಕಲ್ಯಾಣಮಸ್ತು' ಕಾರ್ಯಕ್ರಮ ಪ್ರತಿ ಶನಿವಾರ ಹಾಗೂ ಭಾನುವಾರ ಬೆಳಗ್ಗೆ 10ರಿಂದ 11 ಗಂಟೆಗೆ ಮೂಡಿಬರುತ್ತಿದೆ. ಈ ಕಾರ್ಯಕ್ರಮ ಮದುವೆ ಮತ್ತು ಶುಭಕಾರ್ಯಗಳ ಸಂಸ್ಕೃತಿ, ಸಂಪ್ರದಾಯಗಳ ಮೇಲೆ ಬೆಳಕು ಚೆಲ್ಲುತ್ತಿದೆ.

ಈ ಹಿಂದೆ ರಾಖಿ ಕಾ ಸ್ವಯಂವರ್ ಎಂಬ ಕಾರ್ಯಕ್ರಮ ಎನ್ ಡಿಟಿವಿ ಇಮ್ಯಾಜಿನ್ ನಲ್ಲಿ ಪ್ರಸಾರವಾಗುತ್ತಿತ್ತು. ಆದರೆ ಅದೊಂದು ಪಕ್ಕಾ ಕಮರ್ಷಿಯಲ್ ಕಾರ್ಯಕ್ರಮವಾಗಿತ್ತು. ಆದರೆ ಶಂಕರ ವಾಹಿನಿಯ 'ಸ್ವಯಂವರ' ಕಾರ್ಯಕ್ರಮ ಭಾರತೀಯ ಸಂಸ್ಕೃತಿ, ಸಂಪ್ರದಾಯದಂತೆ ಮೂಡಿಬರಲಿದೆ. (ಏಜೆನ್ಸೀಸ್)