ದೀಪಿಕಾ-ರಣ್ವೀರ್ ಸಿಂಗ್ ಬಗ್ಗೆ ಅನಿಲ್ ಕಪೂರ್ ಬೇಸರ.! ಯಾಕೆ.?

ಅನಿಲ್ ಕಪೂರ್ ಗೆ ಆಹ್ವಾನ ಇಲ್ಲ.!

ರಣ್ವೀರ್ ಸಿಂಗ್ ಹಾಗೂ ಅನಿಲ್ ಕಪೂರ್ ಸಂಬಂಧಿಗಳು. ಹೀಗಿದ್ದರೂ, ಮದುವೆ ಸಮಾರಂಭದಲ್ಲಿ ಭಾಗವಹಿಸಲು ಕಪೂರ್ ಕುಟುಂಬಕ್ಕೆ ಆಹ್ವಾನ ನೀಡದೇ ಇರುವುದಕ್ಕೆ ರಣ್ವೀರ್ ಹಾಗೂ ದೀಪಿಕಾ ಮೇಲೆ ಅನಿಲ್ ಕಪೂರ್ ಮುನಿಸಿಕೊಂಡಿದ್ದಾರೆ.

ಅರಿಶಿನ ಶಾಸ್ತ್ರಕ್ಕೆ ಕರೆಯಲಿಲ್ಲ.!

ಮುಂಬೈನಲ್ಲಿ ನಡೆದ ರಣ್ವೀರ್ ಸಿಂಗ್ ಅರಿಶಿನ ಶಾಸ್ತ್ರಕ್ಕೂ ಕಪೂರ್ ಕುಟುಂಬಕ್ಕೆ ಆಹ್ವಾನ ಇರಲಿಲ್ಲ. ಹಾಗ್ನೋಡಿದ್ರೆ, ಅರಿಶಿನ ಶಾಸ್ತ್ರಕ್ಕೆ ಕಾಸ್ಟಿಂಗ್ ಡೈರೆಕ್ಟರ್ ಗಳನ್ನೆಲ್ಲ ಕರೆಯಲಾಗಿತ್ತು. ಆದ್ರೆ, ಕಪೂರ್ ಕುಟುಂಬವನ್ನ ಅವಾಯ್ಡ್ ಮಾಡಿದ್ದಕ್ಕೆ ಅನಿಲ್ ಕಪೂರ್ ಬೇಸರಗೊಂಡಿದ್ದಾರೆ.

ಯಾರನ್ನೂ ಕರೆದಿಲ್ವಂತೆ.!

ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ, ನಿರ್ದೇಶಕಿ ಫರಾ ಖಾನ್, ನಟ ಶಾರುಖ್ ಖಾನ್ ಮತ್ತು ಕರಣ್ ಜೋಹರ್ ಮನೆಗೆ ದೀಪಿಕಾ-ರಣ್ವೀರ್ ಭೇಟಿ ಕೊಟ್ಟಿದ್ದು ಮದುವೆಗೆ ಆಹ್ವಾನ ನೀಡಲು ಅಲ್ವಂತೆ. ಬದಲಾಗಿ, ಎಲ್ಲರ ಆಶೀರ್ವಾದ ಪಡೆಯಲು ಎಂದು ವರದಿ ಆಗಿದೆ.

40 ಜನರು ಭಾಗಿ

ನಿನ್ನೆಯಷ್ಟೇ ಇಟಲಿಯಲ್ಲಿ ದೀಪಿಕಾ-ರಣ್ವೀರ್ ನಿಶ್ಚಿತಾರ್ಥ ನಡೆಯಿತು. ಜೊತೆಗೆ ಮೆಹಂದಿ ಮತ್ತು ಸಂಗೀತ ಕಾರ್ಯಕ್ರಮ ಕೂಡ ಜರುಗಿತು. ಇಂದು ಕೊಂಕಣಿ ಸಂಪ್ರದಾಯದಂತೆ ದೀಪಿಕಾ-ರಣ್ವೀರ್ ಮದುವೆ ಆದರು. ಕುಟುಂಬಸ್ಥರು ಸೇರಿದಂತೆ ಕೇವಲ 40 ಜನರು ಮಾತ್ರ ದೀಪಿಕಾ-ರಣ್ವೀರ್ ಮದುವೆಗೆ ಸಾಕ್ಷಿಯಾದರು ಎನ್ನಲಾಗಿದೆ.