ಶಾರೂಖ್ ಚಿತ್ರದ ಈ ದಾಖಲೆಯನ್ನ 'ಬಾಹುಬಲಿ' ಬ್ರೇಕ್ ಮಾಡಲಾಗಿಲ್ಲ..!

ಮೊದಲ ದಿನದ ಗಳಿಕೆಯಲ್ಲಿ 'ಬಾದ್ ಶಾ' ಬಾಸ್!

'ಬಾಹುಬಲಿ' ಚಿತ್ರ ಮೊದಲ ದಿನದ ಕಲೆಕ್ಷನ್ 100 ಕೋಟಿ ಗಡಿ ದಾಟಿದೆ. ಈ ಮೂಲಕ ಭಾರತೀಯ ಚಿತ್ರರಂಗದಲ್ಲಿ ಮೊದಲ ದಿನ ಅತಿ ಹೆಚ್ಚು ಗಳಿಸಿದ ಚಿತ್ರ ಎಂಬ ದಾಖಲೆ 'ಬಾಹುಬಲಿ' ಚಿತ್ರದ್ದು. ಆದ್ರೂ, ಶಾರೂಖ್ ಮಾಡಿರುವ ಮೊದಲ ದಿನದ ಕಲೆಕ್ಷನ್ 'ಬಾಹುಬಲಿ'ಯಿಂದ ಬ್ರೇಕ್ ಆಗಲಿಲ್ಲ ಎನ್ನುವುದು ವಿಶೇಷ.

ಶಾರೂಖ್ ಖಾನ್ ದಾಖಲೆ ಏನು?

ಶಾರೂಖ್ ಖಾನ್ ಅಭಿನಯದ 'ಹ್ಯಾಪಿ ನ್ಯೂ ಇಯರ್' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಮೊದಲ ದಿನ 42.62 ಕೋಟಿ ಗಳಿಸಿದೆ. ಇದುವರೆಗೂ ಮೊದಲ ದಿನ ಅತಿ ಹೆಚ್ಚು ಗಳಿಸಿರುವ ಹಿಂದಿ ಚಿತ್ರ ಎಂಬ ದಾಖಲೆ 'ಹ್ಯಾಪಿ ನ್ಯೂ ಇಯರ್' ಹೆಸರಿನಲ್ಲಿದೆ.['ಬಾಹುಬಲಿ' ನಂತರ 1000 ಕೋಟಿ ಗಳಿಸಿದ ಭಾರತದ ಮತ್ತೊಂದು ಚಿತ್ರ]

'ಬಾಹುಬಲಿ' ಹಿಂದಿ ಕಲೆಕ್ಷನ್ ಎಷ್ಟು?

ಇನ್ನು ಮೊದಲ ದಿನ 100 ಕೋಟಿ ಗಳಿಸಿದ್ದ 'ಬಾಹುಬಲಿ', ಹಿಂದಿ ವರ್ಷನ್ ನಲ್ಲಿ ಮೊದಲ ದಿನ ಗಳಿಸಿದ್ದು ಕೇವಲ 41 ಕೋಟಿ ಮಾತ್ರ. ಹೀಗಾಗಿ, ಶಾರೂಖ್ ಚಿತ್ರವೇ ಮೊದಲ ಸ್ಥಾನದಲ್ಲಿದೆ.

ಶಾರೂಖ್ ಏಕ್ ದಿನ್ ಕಾ 'ಸುಲ್ತಾನ್'

ಜಗತ್ತಿನಾದ್ಯಂತ ಮೊದಲ ದಿನ 100 ಕೋಟಿ ಗಳಿಸಿದ 'ಬಾಹುಬಲಿ, ಬಾಲಿವುಡ್ ನಲ್ಲಿ ಶಾರೂಖ್ ಖಾನ್ ಚಿತ್ರದ ರೆಕಾರ್ಡ್ ಬ್ರೇಕ್ ಮಾಡಲಿಲ್ಲ. ಈ ಮೂಲಕ ಬಾಲಿವುಡ್ ನಲ್ಲಿ ಈ ದಾಖಲೆ ಕಿಂಗ್ ಖಾನ್ ಹೆಸರಿನಲ್ಲೇ ಇದೆ.['ಬಾಹುಬಲಿ 2' ನೋಡಿ ರಾಜಮೌಳಿ ಬೆನ್ನುತಟ್ಟಿದ ಸೂಪರ್ ಸ್ಟಾರ್ ರಜನಿ]

1500 ಕೋಟಿ ಗಳಿಸಿದ 'ಬಾಹುಬಲಿ'

ಸದ್ಯ, ಬಾಕ್ಸ್ ಆಫೀಸ್ ನಲ್ಲಿ 1500 ಕೋಟಿ ಗಳಿಸಿ ಮುನ್ನಗ್ಗುತ್ತಿರುವ 'ಬಾಹುಬಲಿ' 2000 ಕೋಟಿ ಗಳಿಸಿದ್ರು ಅಚ್ಚರಿಯಿಲ್ಲ. ರಾಜಮೌಳಿ ನಿರ್ದೇಶನದ ಈ ಚಿತ್ರದಲ್ಲಿ ಪ್ರಭಾಸ್, ಅನುಷ್ಕಾ ಶೆಟ್ಟಿ, ತಮನ್ನ, ರಮ್ಯಾಕೃಷ್ಣ, ಸತ್ಯರಾಜ್ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.[ಪರಾಕ್ರಮ ಮೆರೆದ 'ಬಾಹುಬಲಿ', ರಾಜಮೌಳಿ 'ಕಲ್ಪನೆ'ಗೆ ಮಿತಿಯಿಲ್ಲ]