2022ರ ತಮಿಳಿನ ಅತೀ ಹೆಚ್ಚು ಗಳಿಕೆ ಕಂಡ ಸಿನಿಮಾ 'ವಿಕ್ರಂ'? 'ಕೆಜಿಎಫ್ 2', 'ಬೀಸ್ಟ್' ಹಿಂದಿಕ್ಕಿದ್ರಾ ಕಮಲ್?

300 ಕೋಟಿ ರೂ. ಕ್ಲಬ್ ಸೇರಿದ 'ವಿಕ್ರಂ'

ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ ಕಮಲ್ ಹಾಸನ್ 'ವಿಕ್ರಂ' ಸಿನಿಮಾಕ್ಕೆ 300 ಕೋಟಿ ರೂ. ಗಳಿಸಿದೆ ಎಂದು ಹೇಳಲಾಗಿತ್ತು. ಮತ್ತೆ ಕೆಲವು ಮೂಲಗಳ ಪ್ರಕಾರ, 'ವಿಕ್ರಂ' ಸಿನಿಮಾ 11 ದಿನಗಳಲ್ಲಿ 310 ಕೋಟಿ ಕಲೆಕ್ಷನ್ ಮಾಡಿ ಅತೀ ಹೆಚ್ಚು ಗಳಿಕೆ ಕಂಡ ತಮಿಳಿನ ಮೂರನೇ ಸಿನಿಮಾ ಎಂಬ ದಾಖಲೆ ಬರೆದಿದೆ. 10ನೇ ದಿನ ಭಾನುವಾರ ಈ ಸಿನಿಮಾ 25 ಕೋಟಿ ರೂ. ಕಲೆ ಹಾಕಿತ್ತು. 11ನೇ ದಿನವೂ ಸಿನಿಮಾ ಕಲೆಕ್ಷನ್ 14 ಕೋಟಿ ರೂ ಆಗಿದೆ ಎನ್ನಲಾಗಿದೆ.

'ಕೆಜಿಎಫ್ 2' ಹಿಂದಿಕ್ಕಿದ 'ವಿಕ್ರಂ'

ಕಮಲ್ ಹಾಸನ್ ಸಿನಿಮಾ 'ವಿಕ್ರಂ' ತಮಿಳುನಾಡಿನಲ್ಲಿ ಹಲವು ದಾಖಲೆಗಳನ್ನು ಮುರಿದಿದೆ. ಕೇವಲ ತಮಿಳುನಾಡಿನಲ್ಲಿಯೇ 150 ಕೋಟಿ ರೂ ಕಲೆಕ್ಷನ್ ಮಾಡಿದೆ. ಈ ಮೂಲಕ ಅತೀ ಹೆಚ್ಚು ಗಳಿಕೆ ಕಂಡ ತಮಿಳು ಸಿನಿಮಾ ಎನ್ನುವ ಪಟ್ಟಿ ಸೇರಿದೆ. ಈ ಹಿಂದೆ 'ಕೆಜಿಎಫ್ 2' ಡಬ್ಬಿಂಗ್ ಸಿನಿಮಾ ಆಗಿದ್ದರೂ, ಈ ವರ್ಷ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಲಿಸ್ಟ್ ಸೇರಿತ್ತು. ಕೆಲವೇ ದಿನಗಳಲ್ಲಿ ತಮಿಳಿನ ಸಿನಿಮಾ 'ಕೆಜಿಎಫ್‌ 2' ದಾಖಲೆಯನ್ನು ತಮಿಳುನಾಡು ಒಂದರಲ್ಲೇ ಮುರಿದಿದೆ.

'ವಿಕ್ರಂ' ಬೇರೆ ರಾಜ್ಯಗಳಲ್ಲಿ ಎಷ್ಟು ಗಳಿಕೆ?

'ವಿಕ್ರಂ' ಸಿನಿಮಾ ದಕ್ಷಿಣ ಭಾರತದ ಎಲ್ಲಾ ರಾಜ್ಯಗಳಲ್ಲಿಯೂ ಅದ್ಭುತ ಗಳಿಕೆ ಕಂಡಿದೆ. ಕಳೆದ 10 ದಿನಗಳಲ್ಲಿ ಆಂಧ್ರ, ತೆಲಂಗಾಣ, ಕರ್ನಾಟಕ ಹಾಗೂ ಕೇರಳದಲ್ಲಿ ಸಿನಿಮಾ ಉತ್ತಮ ಗಳಿಕೆ ಕಂಡಿದೆ. ಈ ಮೂರು ರಾಜ್ಯಗಳಲ್ಲಿ ಕಂಡ ಗಳಿಕೆ ಹೀಗಿದೆ.

'ವಿಕ್ರಂ' 10 ದಿನಗಳ ಕಲೆಕ್ಷನ್ ಹೀಗಿದೆ

ಆಂಧ್ರ/ ತೆಲಂಗಾಣ 25 ಕೋಟಿ ರೂ.
ಕೇರಳ 30 ಕೋಟಿ ರೂ.
ಕರ್ನಾಟಕ 15 ಕೋಟಿ ರೂ.

ಹಿಂದಿಯಲ್ಲಿ 'ವಿಕ್ರಂ' ಚಮತ್ಕಾರ ಮಾಡಿಲ್ಲ

'ವಿಕ್ರಂ' ಸಿನಿಮಾಗೆ ಎಲ್ಲಾ ಭಾಷೆಯಲ್ಲೂ ಸೂಪರ್‌ ರೆಸ್ಪಾನ್ಸ್ ಸಿಕ್ಕಿದೆ ಆದರೆ, ಹಿಂದಿ ಬೆಲ್ಟ್‌ನಲ್ಲಿ ಮಾತ್ರ ಸಿನಿಮಾ ಕಲೆಕ್ಷನ್ ಆಶಾದಾಯಕವಾಗಿಲ್ಲ. ಮೂಲಗಳ ಪ್ರಕಾರ, ಒಂದು ವಾರದಲ್ಲಿ 'ವಿಕ್ರಂ' ಸಿನಿಮಾ ಕೇವಲ 3.45 ಕೋಟಿ ರೂ. ಮಾತ್ರ ಗಳಿಸಿದೆ ಎನ್ನಲಾಗಿದೆ. ಹಿಂದಿ ಬೆಲ್ಟ್ ಬಿಟ್ಟು ವಿದೇಶ ಸೇರಿದಂತೆ ಉಳಿದ ಕಡೆಗಳಲ್ಲೆಲ್ಲಾ ಈ ಸಿನಿಮಾಗೆ ಸಖತ್ ರೆಸ್ಪಾನ್ಸ್ ಸಿಕ್ಕಿದೆ.