'ತೇಜು'ಗೋಸ್ಕರ 31 ರ 'ಕ್ವೀನ್' ಕಂಗನಾ 80 ರ ಮುದುಕಿ ಆಗ್ಬಿಟ್ರು.!

ಡೈರೆಕ್ಟರ್ ಕ್ಯಾಪ್ ತೊಡಲಿದ್ದಾರೆ ಕಂಗನಾ ರನೌತ್

'ಕ್ವೀನ್' ಕಂಗನಾ ಬಹುದಿನಗಳಿಂದ ನಿರ್ದೇಶಕಿ ಆಗಿ ಚಿತ್ರವೊಂದಕ್ಕೆ ಆಕ್ಷನ್ ಕಟ್ ಹೇಳಬೇಕು ಎಂದುಕೊಂಡಿದ್ದರಂತೆ. ಆ ಕನಸು ನನಸಾಗುವ ದಿನ ಹತ್ತಿರಕ್ಕೆ ಬಂದಿದ್ದು, ಸದ್ಯದಲ್ಲೇ ಚಿತ್ರ ನಿರ್ದೇಶನ ಮಾಡಲಿದ್ದಾರಂತೆ.

ವಿಶೇಷ ಪಾತ್ರದಲ್ಲಿ ಕಂಗನಾ

ಕಂಗನಾ ರನೌತ್ ತಾವು ನಿರ್ದೇಶನ ಮಾಡಲಿರುವ ಚೊಚ್ಚಲ ಚಿತ್ರದಲ್ಲಿ ಅವರೇ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಲಿದ್ದಾರೆ. ಅದೂ 80 ವರ್ಷದ ಮುದುಕಿ ಪಾತ್ರದಲ್ಲಿ ಕಂಗನಾ ಬಣ್ಣಹಚ್ಚಲಿದ್ದಾರೆ.

ಯಾವುದು ಆ ಸಿನಿಮಾ?

ಕಂಗನಾ ರನೌತ್ ನಿರ್ದೇಶನ ಜೊತೆಗೆ ಅಭಿನಯಿಸಲಿರುವ ಚಿತ್ರದ ಹೆಸರು 'ತೇಜು(Teju)'. ಈ ಚಿತ್ರ ಸಂಪೂರ್ಣವಾಗಿ ಪ್ರತಿಯೊಬ್ಬ ವಯಸ್ಸಾದವರ ಕುರಿತದ್ದಾಗಿದ್ದು, 31 ವರ್ಷದ ಕಂಗನಾ ರನೌತ್ 80 ವರ್ಷದ ಮುದುಕಿ ಪಾತ್ರದಲ್ಲಿ ನಟಿಸಲಿದ್ದಾರೆ.

'ತೇಜು'ಗೆ ಕಂಗನಾ ಸ್ಟೋರಿ

'ತೇಜು' ಚಿತ್ರಕ್ಕಾಗಿ ಕಂಗನಾ ರನೌತ್ ರವರೇ ಸ್ಟೋರಿ ಬರೆದಿದ್ದು, ತಮ್ಮ ಹೋಮ್ ಬ್ಯಾನರ್ ಅಡಿಯಲ್ಲಿ ಚಿತ್ರ ನಿರ್ಮಾಣ ಮಾಡಲಿದ್ದಾರೆ.

ಚಿತ್ರೀಕರಣ ಯಾವಾಗ?

ಈ ಚಿತ್ರವನ್ನು ಕಂಗನಾ ತಮ್ಮ ಅಭಿನಯದ 'ಮಣಿಕರ್ಣಿಕಾ - ದಿ ಕ್ವೀನ್ ಆಫ್ ಝಾನ್ಸಿ' ಸಿನಿಮಾ ಚಿತ್ರೀಕರಣ ಪೂರ್ಣಗೊಂಡ ನಂತರ ಡಿಸೆಂಬರ್ ನಿಂದ 'ತೇಜು(Teju)' ಶೂಟಿಂಗ್ ಶುರುಮಾಡಲಿದ್ದಾರೆ. ಅದು ಹೆಚ್ಚಾಗಿ ಹಿಮಾಲಯ ಪ್ರದೇಶದಲ್ಲಿ ಚಿತ್ರೀಕರಣ ನಡೆಯಲಿದೆಯಂತೆ.[ರಾಣಿ ಲಕ್ಷ್ಮೀಬಾಯಿ ಅವತಾರದಲ್ಲಿ 'ಕ್ವೀನ್' ಕಂಗನಾ: ಫೋಟೋ ವೈರಲ್]