'ದಂಗಲ್', 'ಸುಲ್ತಾನ್' ಚಿತ್ರಕ್ಕೆ 'ರಯೀಸ್' ಹೋಲಿಸುವುದಿಲ್ಲ: ಶಾರುಖ್

ಬಾಕ್ಸ್ ಆಫೀಸ್ ಗಳಿಕೆ ಬಗ್ಗೆ ಶಾರುಖ್ ಗೆ ಕೇಳಿದ ಪ್ರಶ್ನೆ

'ರಯೀಸ್' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಗಳಿಕೆ ಪಡೆದಿದೆ. ಆದ್ದರಿಂದ ಸಾಮಾನ್ಯವಾಗಿ ಸಲ್ಮಾನ್ ಖಾನ್ ಅವರ 'ಸುಲ್ತಾನ್' ಮತ್ತು ಅಮೀರ್ ಖಾನ್ ಅವರ 'ದಂಗಲ್' ಚಿತ್ರಗಳಿಗೆ 'ರಯೀಸ್' ಅನ್ನು ಕಂಪೇರ್ ಮಾಡಲಾಗುತ್ತಿದೆಯಲ್ಲಾ? ಎಂಬ ಪ್ರಶ್ನೆಯೊಂದು ಮಾಧ್ಯಮ ಮಿತ್ರರ ಕಡೆಯಿಂದ ಶಾರುಖ್ ಖಾನ್ ಅವರಿಗೆ ಕೇಳಲಾಗಿತ್ತು.['ಮಹಿಳೆಯರಿಗೆ ಅಗೌರವ ತೋರಿದರೆ ತಲೆ ಕತ್ತರಿಸುತ್ತೇನೆ': ಶಾರುಖ್]

ಶಾರುಖ್ ಉತ್ತರ

" 'ರಯೀಸ್' ಚಿತ್ರದ ಬಿಜಿನೆಸ್ ಬಗ್ಗೆ ನಮಗೆ ಸಂತೋಷ ಇದೆ. ನಮ್ಮ ನಿರೀಕ್ಷೆಗಿಂತ ಹೆಚ್ಚು ಸಂತೋಷವನ್ನು 'ರಯೀಸ್' ಚಿತ್ರದಿಂದ ಪಡೆದಿದ್ದೇವೆ. ಆದರೆ ಈ ಸಿನಿಮಾವನ್ನು 'ದಂಗಲ್' ಮತ್ತು 'ಸುಲ್ತಾನ್' ಚಿತ್ರಕ್ಕೆ ನಾನು ಹೋಲಿಸುವುದಿಲ್ಲ. 'ರಯೀಸ್' ಚಿತ್ರಕ್ಕಿಂತ ಬಹುದೊಡ್ಡ ಸಿನಿಮಾಗಳು ಅವು" ಎಂದು ಶಾರುಖ್ ಪ್ರತಿಕ್ರಿಯೆ ನೀಡಿದ್ದಾರೆ.[ಶಾರುಖ್ 'ರಯೀಸ್' ಪ್ರಮೋಶನ್ ವೇಳೆ ವ್ಯಕ್ತಿ ಸಾವು]

'ರಯೀಸ್' ಚಿತ್ರವನ್ನು ದಂಗಲ್, 'ಸುಲ್ತಾನ್ ಗೆ ಹೋಲಿಸಿದ್ದು ಏಕೆ?

ರಯೀಸ್ ಚಿತ್ರ ಜನವರಿ 25 ರಂದು ಬಿಡುಗಡೆ ಆಗಿ 5 ದಿನಗಳ ಅಂತ್ಯಕ್ಕೆ 100 ಕೋಟಿ ಗಳಿಸಿದೆ. ಅಮೀರ್ ಖಾನ್ ಅಭಿನಯದ 'ದಂಗಲ್' ಮತ್ತು ಸಲ್ಮಾನ್ ಖಾನ್ ಅಭಿನಯದ 'ಸುಲ್ತಾನ್' ಚಿತ್ರಗಳು 3 ದಿನಕ್ಕೆ 100 ಕೋಟಿ ಬಾಕ್ಸ್ ಆಫೀಸ್ ಗಳಿಕೆ ದಾಟಿದ್ದವು. ಈಗ 'ರಯೀಸ್' ಚಿತ್ರ 5 ನೇ ದಿನದ ಅಂತ್ಯಕ್ಕೆ 100 ಕೋಟಿ ದಾಟಿದ ಕಾರಣ, ದಂಗಲ್ ಮತ್ತು ಸುಲ್ತಾನ್ ಚಿತ್ರಗಳಿಗೆ ಹೋಲಿಸಲಾಗುತ್ತಿದೆ.

'ದಂಗಲ್' 5 ದಿನಕ್ಕೆ ಗಳಿಸಿದ ಮೊತ್ತ

ಅಮೀರ್ ಖಾನ್ ಅಭಿನಯದ 'ದಂಗಲ್' ಚಿತ್ರ 5 ದಿನದ ಅಂತ್ಯಕ್ಕೆ 250 ಕೋಟಿಗೂ ಹೆಚ್ಚು ಮೊತ್ತ ಗಳಿಸಿತ್ತು.

'ಸುಲ್ತಾನ್' 5 ದಿನಕ್ಕೆ ಗಳಿಸಿದ ಮೊತ್ತ

ಸಲ್ಮಾನ್ ಖಾನ್ ಮತ್ತು ಅನುಷ್ಕ ಶರ್ಮಾ ಅಭಿನಯದ 'ಸುಲ್ತಾನ್' 5 ದಿನದ ಅಂತ್ಯಕ್ಕೆ 180 ಕೋಟಿ ಗಳಿಸಿತ್ತು.