ಹೇಮಾ ಚೌಧರಿ

ಹೇಮಾ ಚೌಧರಿ ದಕ್ಷಿಣ ಭಾರತದ ಖ್ಯಾತ ನಟಿ. ಕನ್ನಡ ಸೇರಿದಂತೆ ತೆಲುಗು, ತಮಿಳು, ಮಲಯಾಳಂ ಸೇರಿದಂತೆ ಸುಮಾರು 180ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಇವರು, ಕೂಚಿಪೂಡಿ ಕಲಾವಿದೆಯಾಗಿಯೂ ಗುರುತಿಸಿಕೊಂಡಿದ್ದಾರೆ. 

ಹೇಮಾ ಚೌಧರಿ ಅವರ ಮೂಲ ಹೆಸರು ದುರ್ಗಾಪ್ರಭಾ. ಇವರು 1955ರ ಅಕ್ಟೋಬರ್ 12ರಂದು ಹೈದರಾಬಾದ್‌ನಲ್ಲಿ ಜನಿಸಿದರು. ಹೇಮಾ ತೆಲುಗಿನ ಜನಪ್ರಿಯ ನಟಿ ಮತ್ತು ಕಂಠದಾನ ಕಲಾವಿದೆ ಬೃಂದಾವನ ಚೌಧರಿ ಅವರ ಮಗಳು. ಎಂಜಿಆರ್‌, ಎನ್‌ಟಿಆರ್‌ ಮತ್ತು ಶಿವಾಜಿ ಗಣೇಶನ್, ಎನ್‌.ಎನ್‌.ಆರ್‌, ಎಸ್‌ವಿಆರ್ ಅವರಂತಹ ಮೇರುನಟರ ಚಿತ್ರಗಳನ್ನು ನೋಡುತ್ತಿದ್ದ ಹೇಮಾ ಅವರಿಗೆ ಮನೆಯಲ್ಲಿ ಸಿನಿಮಾ ವಾತಾವರಣವಿದ್ದರಿಂದ ಸಹಜವಾಗಿ ನಟನೆ ಕಡೆಗೆ ಆಸಕ್ತಿ ಬೆಳೆಯಿತು. ನಂತರ ಚೈನೈ ಚಲನಚಿತ್ರ ತರಬೇತಿ ಸಂಸ್ಥೆಯಲ್ಲಿ ಅಭಿನಯ ತರಬೇತಿ ಪಡೆದರು. ಈ ಸಂದರ್ಭ ಸೂಪರ್ ಸ್ಟಾರ್ ರಜನಿಕಾಂತ್ ಹಾಗೈ ಅಶೋಕ್...