ಅಮ್ಮಂದಿರ ದಿನದ ವಿಶೇಷ: ತಾಯಂದಿರ ಜತೆ ತಾರೆಯರ ಫೋಟೊಗಳು

ಪುನೀತ್ ರಾಜ್ ಕುಮಾರ್ ನೆನಪು

'ಅಮ್ಮ ನೀನು ನಮಗಾಗಿ...' ಎಂದು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಪ್ರಶಸ್ತಿ ಪಡೆದ ಸಂದರ್ಭದಲ್ಲಿ ಅವರ ಕೆನ್ನೆಗೆ ಪಾರ್ವತಮ್ಮ ರಾಜ್ ಕುಮಾರ್ ಮುತ್ತಿಕ್ಕುವ ಫೋಟೊವೊಂದನ್ನು ಹಂಚಿಕೊಂಡಿದ್ದಾರೆ. ಎಲ್ಲರಿಗೂ ಅಮ್ಮಂದಿರ ದಿನದ ಶುಭಾಶಯವನ್ನು ಕೋರಿದ್ದಾರೆ.

ಮಿಲನಾ ನಾಗರಾಜ್

ಅಮ್ಮಂದಿರ ದಿನದ ವಿಶೇಷವಾಗಿ ಅಮ್ಮನ ಜತೆ ಕುಳಿತುಕೊಂಡಿರುವ ಫೋಟೊವನ್ನು ಮಿಲನಾ ನಾಗರಾಜ್ ಹಂಚಿಕೊಂಡಿದ್ದಾರೆ. ನಿಮ್ಮನ್ನು ನಾನು ಸಾವಿರ ರೀತಿಯಲ್ಲಿ ನೋಡುತ್ತೇನೆ. ಅಮ್ಮಂದಿರ ದಿನದ ಶುಭಾಶಯ ಅಮ್ಮ ಎಂದು ಅವರು ಹೇಳಿಕೊಂಡಿದ್ದಾರೆ.

ವಡೆ ಪಾಯಸ ಪ್ರೀತಿ ಬೇಡ!

ಅಮ್ಮ ಇರುವ ಅದೃಷ್ಟವಂತರೆ ಅಮ್ಮನೆ ಈ ಜಗಕ್ಕೆ ಪರಿಚಯಿಸಿದ ದೇವರು. ಕ್ಷಣಿಕ ಸುಖದ ಮಾಯೆ, ಹಣ ಕೀರ್ತಿ ಏನೇ ಗಳಿಸಿದರೂ ಅಮ್ಮ ಜೀವಕೊಟ್ಟ ಮೇಲೆ ಜಗತ್ತು ಸಿಕ್ಕಿದ್ದು. ಇದ್ದಾಗಲೆ ಅವಳಿಗಾಗಿ ಬಾಳಿ. ಸತ್ತ ಮೇಲೆ ಫೋಟೊ ಮುಂದೆ ಅವಳ ಹೆಸರಲ್ಲಿ ವಡೆ ಪಾಯಸ ಪ್ರೀತಿ ಬೇಡ. ಹೋದ ಮೇಲೆ ಮತ್ತೆ ಸಿಗಳು ಆ ದೇವತೆ. ಅಮ್ಮನ ವಸ್ತು ನನ್ನ ಬಳಿ ಜೋಪಾನವಾಗಿವೆ ಎಂದು ನಟ ಜಗ್ಗೇಶ್ ಭಾವುಕರಾಗಿ ಹೇಳಿದ್ದಾರೆ.

ಕಿಚ್ಚ ಸುದೀಪ್

ಜೀವ ಕೊಟ್ಟ ನನ್ನ ಹೆತ್ತ ತಾಯಿಗೆ ಜೀವನ ಕೊಟ್ಟ ನನ್ನ ಕನ್ನಡ ತಾಯಿಗೆ, ಅನ್ನ ಕೊಟ್ಟ ಭೂತಾಯಿಗೆ, ತಮ್ಮ ಹೃದಯಗಳಲ್ಲಿ ಪ್ರೀತಿಯ ಸ್ಥಾನ ಕೊಟ್ಟು, ನನ್ನನ್ನು ಅಕ್ಕರೆಯಿಂದ ಬೆಳೆಸುತ್ತಿರುವ ಎಲ್ಲಾ ಮಾತೃಹೃದಯಿ ಸ್ವರೂಪ ಅಭಿಮಾನಿ ತಾಯಂದಿರಿಗೆ ನಾನು ಸದಾ ಋಣಿ... ವಿಶ್ವದ ಎಲ್ಲ ಅಮ್ಮಂದಿರಿಗೆ ಈ ಕಿಚ್ಚನ ಶುಭಾಶಯಗಳು ಎಂದು ನಟ ಸುದೀಪ್ ವಿಶಿಷ್ಟವಾಗಿ ಶುಭ ಹಾರೈಸಿದ್ದಾರೆ.

ಶ್ರೀ ಮುರಳಿ

ನಟ ಶ್ರೀಮುರಳಿ ಅಮ್ಮನನ್ನು ಅಪ್ಪಿಕೊಂಡ ಸುಂದರವಾದ ಫೋಟೊವನ್ನು ಪೋಸ್ಟ್ ಮಾಡಿದ್ದಾರೆ. ಹ್ಯಾಪಿ ಬರ್ಥಡೇ ಅಮ್ಮ ಎಂದು ಮುರಳಿ ಬರೆದುಕೊಂಡಿದ್ದಾರೆ.

ನಾಲ್ಕು ತಲೆಮಾರಿನ ಫೋಟೊ

ನಟಿ, ನಿರೂಪಕಿ ಶ್ವೇತಾ ಚೆಂಗಪ್ಪ ನಾಲ್ಕು ತಲೆಮಾರಿನ ಅಪರೂಪದ ಫೋಟೊವನ್ನು ಹಂಚಿಕೊಂಡಿದ್ದಾರೆ. ಮಗ, ತಾಯಿ ತಾರಾ ಚಂದ್ರಪ್ಪ ಮತ್ತು ಅಜ್ಜಿ ಜಾನಕಿ ಅವ್ವಯ್ಯ ಅವರ ಜತೆಗಿನ ಚಿತ್ರ ಹಾಕಿ ಅಮ್ಮಂದಿರ ದಿನದ ಶುಭ ಕೋರಿ ಸುದೀರ್ಘ ಬರಹ ಬರೆದಿದ್ದಾರೆ.

ಸುಧಾರಾಣಿ ಫೋಟೊ

ಅಮ್ಮ ಹಾಗೂ ಅಜ್ಜಿ ಜತೆಗಿನ ಪೋಟೊವನ್ನು ಪ್ರಕಟಿಸಿರುವ ನಟಿ ಸುಧಾರಾಣಿ, ನಮ್ಮ ಬದುಕನ್ನು ರೂಪಿಸಿದ ಇಬ್ಬರು ಅತ್ಯಂತ ಬಲಿಷ್ಠ, ಸಹಾನುಭೂತಿಯ ಮತ್ತು ಪ್ರೀತಿಪಾತ್ರ ಮಹಿಳೆಯರಿಗೆ ಅಮ್ಮಂದಿರ ದಿನದ ಶುಭಾಶಯಗಳು ಎಂದು ಅವರು ಹೇಳಿದ್ದಾರೆ.

ರಶ್ಮಿಕಾ ಮಂದಣ್ಣ

ನನ್ನ ಅತ್ಯಂತ ಸುಂದರಳಾದ ಅಮ್ಮನಿಗೆ ಮತ್ತು ಇಲ್ಲಿರುವ ಎಲ್ಲ ಸುಂದರವಾದ ಅಮ್ಮಂದಿರಿಗೂ ತಾಯಂದಿರ ದಿನದ ಶುಭಾಶಯಗಳು ಎಂದು ಕೊಡವತಿ ರಶ್ಮಿಕಾ ಮಂದಣ್ಣ ಅಮ್ಮನೊಂದಿಗಿನ ಫೋಟೊ ಶೇರ್ ಮಾಡಿದ್ದಾರೆ

ಪ್ರಿಯಾಂಕಾ ಉಪೇಂದ್ರ

ನಟಿ ಪ್ರಿಯಾಂಕಾ ಉಪೇಂದ್ರ ತಮ್ಮ ಅಮ್ಮನ ಬ್ಲಾಕ್ ಆಂಡ್ ವೈಟ್ ಫೋಟೊಗಳನ್ನು ಶೇರ್ ಮಾಡಿದ್ದಾರೆ. ಅತ್ಯಂತ ಉತ್ಸಾಹಿ, ಕ್ರಿಯಾಶೀಲ, ಕಾಳಜಿಯುಳ್ಳ, ಆಶಾವಾದಿ, ಪ್ರೀತಿಸುವ ಮತ್ತು ಸುಂದರ ಎಂದು ಅಮ್ಮನನ್ನು ಅವರು ಕೊಂಡಾಡಿದ್ದಾರೆ.