ಹನಿಮೂನ್‌ಗೂ ಮೊದಲು ಸೆಟ್ಟೇರುತ್ತೆ ಕತ್ರಿನಾ ಕೈಫ್-ವಿಕ್ಕಿ ಕೌಶಲ್ ಸಿನಿಮಾ: ಆಫರ್ ಕೊಟ್ಟಿದ್ಯಾರು?

ಹನಿಮೂನ್‌ಗೂ ಮುನ್ನ ಸಿನಿಮಾ ಸಹಿ ಮಾಡಲಿರುವ ಜೋಡಿ

ಕತ್ರಿನಾ ಕೈಫ್-ವಿಕ್ಕಿ ಕೌಶಲ್ ಜೋಡಿಗೆ ಸಿನಿಮಾಗಳ ಮೇಲೆ ಸಿನಿಮಾ ಆಫರ್ ಬರುತ್ತಿದೆಯಂತೆ. ದೊಡ್ಡ ದೊಡ್ಡ ನಿರ್ಮಾಣ ಸಂಸ್ಥೆಗಳು ಆಫರ್ ನೀಡುತ್ತಿದೆಯಂತೆ. ಬಾಲಿವುಡ್ ಮೂಲಗಳ ಪ್ರಕಾರ, ಮದುವೆ ಬಳಿಕವೇ ಈ ಜೋಡಿ ಸಿನಿಮಾವೊಂದರ ಚಿತ್ರೀಕರಣದಲ್ಲಿ ಭಾಗಿಯಾಗಲಿದೆಯಂತೆ. ಮದುವೆಗೆಂದು ರಾಜಸ್ಥಾನಕ್ಕೆ ಬರುವ ಮುನ್ನವೇ ಈ ಜೋಡಿ ಸಿನಿಮಾಗೆ ಸಹಿ ಮಾಡಿದೆ ಎನ್ನಲಾಗಿದೆ. ವಿಷಯ ಏನಂದ್ರೆ, ಈ ಸಿನಿಮಾದಿಂದಾಗಿ ಕತ್ರಿನಾ-ವಿಕ್ಕಿ ಹನಿಮೂನ್‌ಗೂ ಹೋಗುತ್ತಿಲ್ಲವಂತೆ.

ಮದುವೆ ಸುದ್ದಿ ಹಬ್ಬುತ್ತಿದ್ದಂತೆ ಹೆಚ್ಚಿತು ಆಫರ್

ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಮದುವೆ ವಿಚಾರ ಹಲವು ದಿನಗಳಿಂದ ಹರಿದಾಡುತ್ತಲೇ ಇತ್ತು. ಆದರೆ, ಈ ಜೋಡಿ ತಮ್ಮ ಮದುವೆ ಬಗ್ಗೆ ಎಲ್ಲೂ ಬಾಯಿ ಬಿಡದೆ ಇದ್ದಿದ್ದರಿಂದ ಬಾಲಿವುಡ್ ಗೊಂದಲದಲ್ಲಿತ್ತು. ಯಾವಾಗ ಇಬ್ಬರ ಸಂಬಂಧ ಅಧಿಕೃತ ಅನ್ನುವುದು ಖಾತ್ರಿಯಾಗುತ್ತಿದ್ದಂತೆ ಬಾಲಿವುಡ್‌ನ ದೊಡ್ಡ ದೊಡ್ಡ ನಿರ್ಮಾಣ ಸಂಸ್ಥೆಗಳು ಈ ಜೋಡಿಯ ಹಿಂದೆ ಬಿದ್ದಿವೆಯಂತೆ. ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಆಪ್ತ ಸ್ನೇಹಿತರೇ ಈ ವಿಷಯವನ್ನು ಬಾಲಿವುಡ್ ವೆಬ್ ಸೈಟ್ ಒಂದಕ್ಕೆ ಮಾಹಿತಿ ನೀಡಿದೆ.

ಕತ್ರಿನಾ-ವಿಕ್ಕಿ ಮದುವೆಗೆ 120 ಮಂದಿ ಅತಿಥಿಗಳು

ಈ ವರ್ಷದ ಕೊನೆಯ ಗ್ರ್ಯಾಂಡ್ ವಿವಾಹಕ್ಕೆ ಸುಮಾರು 120 ಮಂದಿ ಅತಿಥಿಗಳು ಭಾಗವಹಿಸಲಿದ್ದಾರೆ. ಹೀಗಾಗಿ ಸ್ಥಳೀಯ ಅಧಿಕಾರಿಗಳು 120 ಅತಿಥಿಗಳ ಮೇಲೂ ಕಟ್ಟೆಚ್ಚರ ವಹಿಸಿದೆ. ಎಲ್ಲರಿಗೂ ಲಸಿಕೆ ಆಗಿರುವುದು ಖಡ್ಡಾಯ ಮಾಡಿದೆ. ಅಲ್ಲದೆ RT-PCR ಟೆಸ್ಟ್ ಕೂಡ ಅಗತ್ಯವೆಂದು ಹೇಳಿದೆ. ಹೀಗಾಗಿ ಯಾರೇ ಗೆಸ್ಟ್ ಮದುವೆಗೆ ಬಂದರೂ ಅವರ ಮೇಲೆ ಸ್ಥಳೀಯ ಆಡಳಿತ ಅಧಿಕಾರಿಗಳು ಕಟ್ಟುನಿಟ್ಟಿನ ಎಚ್ಚರಿಕೆ ವಹಿಸಿದ್ದಾರೆ.

ಕತ್ರಿನಾ ವಿಕ್ಕಿ ಮದುವೆಗೆ ಬರ್ತಾರಾ ಸಲ್ಲು?

ಕತ್ರಿನಾ ಕೈಫ್ ಸಲ್ಮಾನ್ ಖಾನ್‌ ಕುಟುಂಬಕ್ಕೆ ತೀರಾ ಆತ್ಮೀಯರಾಗಿದ್ದಾರೆ. ಹೀಗಾಗಿ ಸಲ್ಮಾನ್ ಖಾನ್ ಮದುವೆ ಬರುತ್ತಾರೋ ಇಲ್ಲವೊ ಅನ್ನುವುದು ಇನ್ನೂ ಖಾತ್ರಿಯಾಗಿಲ್ಲ. ಆದರೆ, ಸಲ್ಮಾನ್ ಖಾನ್ ಕುಟುಂಬ ಈ ಮದುವೆ ಆಗಮಿಸಲಿದೆ. ಸಲ್ಮಾನ್ ಖಾನ್ ಸಹೋದರಿ ಅರ್ಪಿತಾ ಹಾಗೂ ಪತಿ ಆಯುಷ್ ಶರ್ಮಾ ಮದುವೆಗೆ ಆಗಮಿಸುವುದು ಬಹುತೇಕ ಪಕ್ಕಾ ಆಗಿದೆ.