ಲಾಕ್‌ಡೌನ್ ನಿಯಮ ಪಾಲಿಸಿ ಸರಳ ವಿವಾಹದ ಮೂಲಕ ಮಾದರಿಯಾದ ನಟ

ಸರಳವಾಗಿ ಮದುವೆ

ಮದುವೆ ಸಂದರ್ಭದಲ್ಲಿ ಮಣಿಕಂದನ್ ಮತ್ತು ಅಂಜಲಿ ಕುಟುಂಬದವರು ಲಾಕ್‌ಡೌನ್ ನಿಯಮಗಳು ಹಾಗೂ ಸಾಮಾಜಿಕ ಅಂತರದ ನಿಯಮ ಮತ್ತು ಶಿಷ್ಟಾಚಾರಗಳನ್ನು ಪಾಲಿಸಿದರು. ಆರು ತಿಂಗಳ ಹಿಂದೆಯೇ ಮದುವೆಯ ದಿನಾಂಕ ನಿಶ್ಚಯವಾಗಿತ್ತು. ಕೊರೊನಾ ವೈರಸ್ ಲಾಕ್‌ಡೌನ್ ಕಾರಣದಿಂದ ಅದನ್ನು ಮುಂದೂಡಲು ಅವರು ಬಯಸಿರಲಿಲ್ಲ. ಹೀಗಾಗಿ ಎರಡೂ ಕುಟುಂಬದ ಕೆಲವೇ ಮಂದಿಯ ಸಮ್ಮುಖದಲ್ಲಿ ಸರಳವಾಗಿ ದೇವಸ್ಥಾನದಲ್ಲಿ ಮದುವೆ ನೆರವೇರಿಸಲು ಸಮ್ಮತಿ ನೀಡಿದ್ದರು.

ಅದ್ಧೂರಿಯಾಗದಿದ್ದಕ್ಕೆ ಬೇಸರವಿಲ್ಲ

ಮದುವೆಯ ಬಳಿಕ ಮಾತನಾಡಿದ ಮಣಿಕಂದನ್, 'ನಾವು ಕೊರೊನಾ ವೈರಸ್ ಹಾವಳಿಯನ್ನು ನಿಯಂತ್ರಿಸುವುದರಲ್ಲಿ ಯಶಸ್ವಿಯಾಗುತ್ತೇವೆ, ಪರಿಹಾರ ನಿಧಿಗೆ ದೇಣಿಗೆ ನೀಡುತ್ತಿರುವುದಕ್ಕೆ ನಮಗೆ ಖುಷಿಯಿದೆ. ನಮ್ಮ ಮದುವೆ ಅದ್ಧೂರಿಯಾಗಿ ನಡೆಯಲಿಲ್ಲ ಎನ್ನುವುದು ನಮಗೆ ಬೇಸರವನ್ನೇನೂ ಮೂಡಿಸಿಲ್ಲ' ಎಂದಿದ್ದಾರೆ.

ದೇವಸ್ಥಾನದಲ್ಲಿ ಆದ ಭೇಟಿ

ಮಣಿಕಂದನ್ ಮತ್ತು ಮರಾಡು ಪ್ರದೇಶದ ಅಂಜಲಿ ಇಬ್ಬರೂ ಒಂದೂವರೆ ವರ್ಷದ ಹಿಂದೆ ದೇವಸ್ಥಾನವೊಂದರ ಉತ್ಸವದಲ್ಲಿ ಭೇಟಿಯಾಗಿದ್ದರು. ಹಾಗೆಯೇ ಪ್ರೀತಿಯಲ್ಲಿ ಬಿದ್ದರು. ಅವರ ಪ್ರೀತಿಗೆ ಮನೆಯವರ ಆಶೀರ್ವಾದವೂ ಸಿಕ್ಕಿತು. ಅದೀಗ ಮದುವೆಯ ಅಂಕಿತ ಪಡೆದುಕೊಂಡಿದೆ.

ಇದು ಸಂಭ್ರಮಿಸುವ ಸಮಯವಲ್ಲ

'ಮದುವೆಯನ್ನು ಮುಂದೂಡದೆ ಈ ವೇಳೆಯೇ ನಡೆಸುವ ನಿರ್ಧಾರವನ್ನು ಎಲ್ಲರೂ ಸೇರಿ ತೆಗೆದುಕೊಂಡಿದ್ದಾರೆ. ಇದರ ಬಗ್ಗೆ ಸಂತೋಷವಿದೆ' ಎಂದು ಅಂಜಲಿ ಹೇಳಿದ್ದಾರೆ. 'ಇದು ಸಂಭ್ರಮ ಪಡುವ ಸಮಯವಲ್ಲ. ಏಕೆಂದರೆ ಇಡೀ ಜಗತ್ತು ಸಂಕಷ್ಟದಲ್ಲಿದೆ. ನಾವು ಯಾವಾಗ ಬೇಕಾದರೂ ಸಂಭ್ರಮಾಚರಣೆ ಮಾಡಬಹುದು' ಎಂದು ಮಣಿಕಂದನ್ ತಿಳಿಸಿದ್ದಾರೆ.