ಫಿಟ್ನೆಸ್ ಬಗ್ಗೆ ಗಮನ ಕೊಡು ಎಂದು ಚಿರುಗೆ ಬಯ್ಯುತ್ತಿದ್ದರು ಅರ್ಜುನ್ ಸರ್ಜಾ

ಅಂಬರೀಷ್ ಎಂದರೆ ಚಿರುಗೆ ಪ್ರಾಣ

ಚಿರು ಮತ್ತು ಮೇಘನಾ ಇಬ್ಬರು ಅಭಿಷೇಕ್‌ಗೆ ಚಿಕ್ಕಂದಿನಿಂದಲೂ ಬಹಳ ಆತ್ಮೀಯರು. ಮೂವರೂ ಒಟ್ಟಿಗೆ ಜಿಮ್‌ಗೆ ಹೋಗುತ್ತಿದ್ದರು. ಆಗಾಗ್ಗೆ ಮನೆಗೆ ಬರುತ್ತಿದ್ದರು. ಅಂಬರೀಷ್ ಎಂದರೆ ಚಿರುಗೆ ಪ್ರಾಣ. ಅವರ ಎದುರು ಆತ ಕೂರುತ್ತಿರಲಿಲ್ಲ. ಅವರ ತಲೆ ಕೈ ಕಾಲುಗಳಿಗೆ ಮಸಾಜ್ ಮಾಡುತ್ತಿದ್ದನು.

ಅರ್ಜುನ್ ಬಯ್ಯುತ್ತಿದ್ದರು

ಚಿರಂಜೀವಿ ಬಹಳ ಕೂಲ್ ಹುಡುಗ. ಯಾವುದರ ಬಗ್ಗೆಯೂ ಸೀರಿಯಸ್ ಆಗುತ್ತಿರಲಿಲ್ಲ. ಫಿಟ್ನೆಸ್ ಬಗ್ಗೆ ಸೀರಿಯಸ್ಸಾಗಿ ಇರು ಎಂದು ಅರ್ಜುನ್ ಬಯ್ಯುತ್ತಿದ್ದರು ಎಂದು ಸುಮಲತಾ ನೆನಪಿಸಿಕೊಂಡಿದ್ದಾರೆ. ಈ ಕೆಟ್ಟ ಸುದ್ದಿ ಸಹಿಸಿಕೊಳ್ಳಲು ಆಗುತ್ತಿಲ್ಲ. ಮೇಘನಾ ನಾಲ್ಕೈದು ತಿಂಗಳ ಗರ್ಭಿಣಿ ಎಂದು ಕೇಳಿ ದುಃಖ ಹೆಚ್ಚುತ್ತಿದೆ ಎಂದು ಅವರು ಭಾವುಕರಾದರು.

ರಕ್ತಗತವಾಗಿ ಬಂದಿದೆ

'ಫಿಟ್ನೆಸ್ ನಮಗೆ ರಕ್ತಗತವಾಗಿಯೇ ಬಂದಿದೆ ಎಂದು ಚಿರಂಜೀವಿ ಸರ್ಜಾ ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದರು. ಅಜ್ಜ ಶಕ್ತಿ ಪ್ರಸಾದ್, ಮಾವ ಅರ್ಜುನ್ ಸರ್ಜಾ ಮತ್ತು ಅವರ ಸಹೋದರ ಧ್ರುವ ಸರ್ಜಾ ಎಲ್ಲರೂ ಫಿಟ್ನೆಸ್‌ಗೆ ಗಮನ ಹರಿಸುತ್ತಿದ್ದರು. ಅದರಲ್ಲಿಯೂ ಅವರ ಊಟ, ದಿನಚರಿ, ಫಿಟ್ನೆಸ್ ವರ್ಕೌಟ್ ಹೇಗಿರಬೇಕು ಎಂದು ಅರ್ಜುನ್ ಸರ್ಜಾ ಟಿಪ್ಸ್ ನೀಡುತ್ತಿದ್ದರು.

ಮನೆಯಲ್ಲಿಯೇ ಜಿಮ್

ಮನೆಯಲ್ಲಿಯೇ ಜಿಮ್ ಸಲಕರಣೆಗಳಿದ್ದವು. ಆದರೂ ಚಿರಂಜೀವಿ ಆಗಾಗೆ ಜಿಮ್‌ಗೆ ಹೋಗಿ ವರ್ಕೌಟ್ ಮಾಡುತ್ತಿದ್ದರು. ಟ್ರೇನರ್ ಇದ್ದಾಗ ಹೆಚ್ಚು ಶಿಸ್ತು, ಕಲಿಕೆ ಇರುತ್ತದೆ ಎಂದು ಚಿರಂಜೀವಿ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.