ಅಪ್ಪು ಪುಣ್ಯಭೂಮಿಯಲ್ಲಿ 'ಗಂಧದ ಗುಡಿ' ಸೆಲೆಬ್ರೆಷನ್: 24 ಗಂಟೆ ಸಾಧು ಕೋಕಿಲಾ ಮನರಂಜನೆ!

ಪುಣ್ಯಭೂಮಿ ಮುಂದೆ ಅಪ್ಪು ಕಟೌಟ್

ಪವರ್‌ಸ್ಟಾರ್ ಪುನೀತ್‌ ಸ್ಟಾರ್ ಪುನೀತ್‌ ರಾಜ್‌ಕುಮಾರ್‌ ಮುಂದೆ ಸುಮಾರು 75 ಕಟೌಟ್‌ಗಳು ಎದ್ದು ನಿಲ್ಲಲಿವೆ. ಈಗಾಗಲೇ ಕಟೌಟ್‌ಗಳು ನಿಲ್ಲಿಸಿವ ಕೆಲಸ ಭರದಿಂದ ಸಾಗಿದೆ. ಪವರ್‌ಸ್ಟಾರ್ ಅಭಿನಯದ ಸಿನಿಮಾಗಳ ಕಟೌಟ್ ದೂರದೂರುಗಳಿಂದ ಬರುವ ಅಭಿಮಾನಿಗಳನ್ನು ಸ್ವಾಗತ ಮಾಡಲಿದೆ. ಅಷ್ಟಕ್ಕೂ ಪುಣ್ಯಭೂಮಿ ಮುಂದೆ 75 ಕಟೌಟ್‌ಗಳನ್ನು ನಿಲ್ಲಿಸುವುದಕ್ಕೊಂದು ಕಾರಣವಿದೆ. ಪುನೀತ್ ರಾಜ್‌ಕುಮಾರ್ 1975ರಲ್ಲಿ ಜನಿಸಿದ್ದರಿಂದ ಪುಣ್ಯಭೂಮಿಯ ಮುಂದೆ ಸುಮಾರು 75 ಕಟೌಟ್‌ಗಳನ್ನು ನಿಲ್ಲಿಸಲು ಫ್ಯಾನ್ಸ್ ನಿರ್ಧರಿಸಿದ್ದಾರೆ.

24 ಗಂಟೆ ಸಾಧು ನಿರಂತರ ಆರ್ಕೆಸ್ಟ್ರಾ

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಸಮಾಧಿಯ ಮುಂದೆ ಮನರಂಜನಾ ಕಾರ್ಯಕ್ರಮ ಜರುಗಲಿದೆ. ಹಾಸ್ಯ ನಟ ಹಾಗೂ ಸಂಗೀತ ನಿರ್ದೇಶಕ ಸಾಧು ಕೋಕಿಲಾ ಹಾಗೂ ಅವರ ತಂಡ 24 ಗಂಟೆಗಳ ಕಾಲ ನಿರಂತರ ಸಂಗೀತ ಕಾರ್ಯಕ್ರಮ ನೀಡಲಿದ್ದಾರೆ. ಅಕ್ಟೋಬರ್ 28ರ ರಾತ್ರಿ 12 ಗಂಟೆಯಿಂದ ಈ ಸಂಗೀತ ಕಾರ್ಯಕ್ರಮ ಆರಂಭ ಆಗಲಿದ್ದು, ಮರುದಿನ ಮಧ್ಯ ರಾತ್ರಿ (ಅಕ್ಟೋಬರ್ 29) 12 ಗಂಟೆವರೆಗೆ ಸಂಗೀತ ಕಾರ್ಯಕ್ರಮ ಜರುಗಲಿದೆ. ಪುನೀತ್ ರಾಜ್‌ಕುಮಾರ್‌ ಗೌರವಾರ್ಥ ಈ ಕಾರ್ಯಕ್ರಮವನ್ನು ಸಾಧು ಹಮ್ಮಿಕೊಂಡಿದ್ದಾರೆ.

ಪುಣ್ಯಭೂಮಿಗೆ ಸೀರಿಯಲ್ ಸೆಟ್

'ಗಂಧದ ಗುಡಿ' ರಿಲೀಸ್ ಹಾಗೂ ಪುನೀತ್ ರಾಜ್‌ಕುಮಾರ್ ಮೊದಲನೇ ಪುಣ್ಯತಿಥಿ ಅಂಗವಾಗಿ ಕಂಠೀರವ ಸ್ಡುಡಿಯೋ ಸಿಂಗಾರಗೊಳ್ಳಲಿದೆ. ಡಾ. ರಾಜ್‌ಕುಮಾರ್, ಪಾರ್ವತಮ್ಮ ರಾಜ್‌ಕುಮಾರ್ ಹಾಗೂ ಪುನೀತ್ ರಾಜ್‌ಕುಮಾರ್ ಸಮಾಧಿಯನ್ನು ಸೀರಿಯಲ್ ಸೆಟ್‌ಗಳಿಂದ ಸಿಂಗಾರ ಮಾಡಲಿದ್ದಾರೆ. ಕಲರ್‌ಫುಲ್ ಬೆಳಕುಗಳಿಂದ ಮೂವರ ಪುಣ್ಯಭೂಮಿಯನ್ನು ಅಲಂಕಾರ ಮಾಡಲಾಗುತ್ತಿದೆ.

2 ಸಾವಿರಕ್ಕೂ ಅಧಿಕ ಬಾವುಟ

ಅಕ್ಟೋಬರ್ 28 ಹಾಗೂ 29 ಈ ಎರಡೂ ದಿನಗಳು ರಾಜ್ಯ ದ ಮೂಲೆ ಮೂಲೆಯಿಂದ ಸಹಸ್ರಾರು ಸಂಖ್ಯೆಯಲ್ಲಿ ಅಭಿಮಾನಿಗಳು ಆಗಮಿಸುತ್ತಿದ್ದಾರೆ. ಈ ಕಾರಣಕ್ಕಾಗಿ ಕಂಠೀರವ ಸ್ಟುಡಿಯೋದ ಮುಂಭಾಗದ ರಸ್ತೆಯಲ್ಲಿ ಸುಮಾರು 2 ಸಾವಿರಕ್ಕೂ ಅಧಿಕ ಬಾವುಟಗಳು ರಾರಾಜಿಸಲಿವೆ. ಅಪ್ಪು ಭಾವಚಿತ್ರವಿರುವ ಈ ಬಾವುಟಗಳು ಪವರ್‌ಸ್ಟಾರ್ ಪುನೀತ್ ಅಭಿಮಾನಿಗಳಿಗೆ ಸ್ವಾಗತವನ್ನು ಕೊರಲಿವೆ. ಹೀಗಾಗಿ ಅಕ್ಟೋಬರ್ 28 ಹಾಗೂ ಅಕ್ಟೋಬರ್ 29ರಂದು ಈ ಎರಡೂ ದಿನಗಳೂ ಕೂಡ 'ಗಂಧದ ಗುಡಿ' ಜಾತ್ರೆ ನಡೆಯಲಿದೆ.