ಸೀಕ್ರೆಟ್ ಆಗಿ ಭಟ್ಟರು ಸಿಎಂ ಭೇಟಿ ಮಾಡಲು ಕಾರಣ ಇದೇ..!

ಸಿಎಂ ಭೇಟಿ ಮಾಡಿದ್ದು 'ಮುಗುಳುನಗೆ' ಗೆ

ಹೌದು, ಯೋಗರಾಜ್‌ ಭಟ್ ತಾವು ನಿರ್ದೇಶನ ಮಾಡುತ್ತಿರುವ ಗಣೇಶ್ ನಟನೆಯ 'ಮುಗುಳುನಗೆ' ಚಿತ್ರಕ್ಕೆ ಸಂಬಂಧಿಸಿದಂತೆ ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಿರುವುದು. ಚಿತ್ರಕ್ಕೂ, ಸಿಎಂ ಬೇಟಿಗೂ ಕಾರಣವೇನು? ಮುಂದೆ ಓದಿ..[ಮುಗುಳುನಗೆ ಸೆಟ್‌ ನಲ್ಲಿ 'ಮುಂಗಾರು ಮಳೆ' ದಶಕದ ಸೆಲೆಬ್ರೇಷನ್]

'ಮುಗುಳುನಗೆ' ಚಿತ್ರೀಕರಣಕ್ಕೆ ಸಿಎಂ ಪರ್ಮಿಷನ್ ಬೇಕಂತೆ!

ಅಂದಹಾಗೆ ಯೋಗರಾಜ್ ಭಟ್ಟರು 'ಮುಗುಳು ನಗೆ' ಸಿನಿಮಾವನ್ನು ಮೈಸೂರಿನ ಸುತ್ತಮುತ್ತಲ ಪ್ರದೇಶಗಳಲ್ಲಿ ಶೂಟಿಂಗ್ ಮಾಡುತ್ತಿದ್ದಾರಂತೆ. ವಿಶೇಷವಾಗಿ ಮೈಸೂರಿನ 'ಗವರ್ನಮೆಂಟ್ ಹೌಸ್' ಬಿಲ್ಡಿಂಗ್ ನಲ್ಲಿ ಚಿತ್ರೀಕರಣ ಮಾಡುತ್ತಿದ್ದು, ಇಲ್ಲಿ ಶೂಟ್ ಮಾಡಲು ಸಿಎಂ ಪರ್ಮಿಷನ್ ಕೇಳಲು ಹೋಗಿದ್ದರು.

'ಗವರ್ನಮೆಂಟ್ ಹೌಸ್' ಬಾಡಿಗೆ ಕೊಡುವ ಅಧಿಕಾರ ಸಿಎಂ ಗೆ ಮಾತ್ರ

ಭಟ್ಟರು ಸಿನಿಮಾ ಶೂಟ್ ಮಾಡಬೇಕು ಎಂದುಕೊಂಡಿರುವ 'ಗವರ್ನಮೆಂಟ್ ಹೌಸ್' ಪಾರಂಪರಿಕ ಕಟ್ಟಡವಾಗಿದ್ದು, ಅಲ್ಲಿನ ಕಲಾಕೃತಿಗಳು ಮತ್ತು ವಸ್ತುಗಳು 200 ವರ್ಷದಷ್ಟು ಹಳೆಯವು. ಶೂಟಿಂಗ್ ಸಮಯದಲ್ಲಿ ಎನಾದರೂ ಎಡವಟ್ಟು ಆಗುತ್ತದೆ ಎಂಬ ಕಾರಣಕ್ಕೆ ಚಿತ್ರೀಕರಣಕ್ಕೆ ಅವಕಾಶ ನೀಡುವುದಿಲ್ಲ. ಸಿಎಂ ಹೊರತು ಪಡಿಸಿ 'ಗವರ್ನಮೆಂಟ್ ಹೌಸ್' ಅನ್ನು ಬಾಡಿಗೆ ಕೊಡುವ ಅಧಿಕಾರ ಯಾರಿಗೂ ಇಲ್ಲವಾದ್ದರಿಂದ ಯೋಗರಾಜ್‌ ಭಟ್ ಸಿಎಂ ಬಳಿ ಅನುಮಿತಿ ಕೇಳಲು ಹೋಗಿದ್ದರಂತೆ.

'ಗವರ್ನಮೆಂಟ್ ಹೌಸ್' ನಲ್ಲಿ ಶೂಟ್ ಆದ ಚಿತ್ರಗಳು

ಅಂದಹಾಗೆ ಈವರೆಗೂ ಹೆಚ್ಚಾಗಿ ರಜನೀಕಾಂತ್ ಅಭಿನಯದ ಸಿನಿಮಾಗಳನ್ನು ಶೂಟ್ ಮಾಡಲಾಗಿದೆ. ಇತ್ತೀಚೆಗೆ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಪುತ್ರನ 'ಜಾಗ್ವಾರ್' ಸಿನಿಮಾ ಚಿತ್ರೀಕರಣ ಮಾಡಲಾಗಿತ್ತು.

ಪರ್ಮಿಷನ್‌ ಸಿಕ್ಕಿದೆ!

ಯೋಗರಾಜ್‌ ಭಟ್‌ ರಿಗೆ 'ಗವರ್ನಮೆಂಟ್ ಹೌಸ್' ನಲ್ಲಿ ಸಿನಿಮಾ ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕದ್ದು, ಗಣೇಶ್ ನಟನೆಯ 'ಮುಗುಳುನಗೆ' ಚಿತ್ರೀಕರಣ ಮಾಡಲಿದ್ದಾರೆ.