'ಧರಣಿ ಮಂಡಲ ಮಧ್ಯದೊಳಗೆ' ಸಿನಿಮಾ ನೋಡಿ ಸೆಲೆಬ್ರೆಟಿಗಳ ಪ್ರತಿಕ್ರಿಯೆ ಏನು?

ಪ್ರಮೋದ್ ಶೆಟ್ಟಿ ಹೇಳಿದ್ದೇನು?

"ನಾನು ಒಬ್ಬ ಸಾಮಾನ್ಯ ಪ್ರೇಕ್ಷಕನಾಗಿ ಏನೂ ನಿರೀಕ್ಷೆಗಳನ್ನು ಇಟ್ಟುಕೊಳ್ಳದೆ ಬಂದ ಸಿನಿಮಾ. ನನಗೆ ಉಳಿದರು ಕಂಡಂತೆ ಆದ್ಮೇಲೆ ಇಷ್ಟು ಅದ್ಭುತವಾದ ಒಂದು ಸ್ಕ್ರೀನ್ ಪ್ಲೇಯನ್ನು ನಾನು ನೋಡಿರಲಿಲ್ಲ. ಇಂತಹ ಟ್ವಿಸ್ಟ್ ಅಂಡ್ ಟರ್ನ್ ಇರುವ ಸಿನಿಮಾನೂ ನೋಡಿಲ್ಲ. ಡೈರೆಕ್ಟರ್ ಶ್ರೀಧರ್ ಉತ್ತಂಡ ನಮಸ್ಕಾರ ಹೇಳುತ್ತೇನೆ. ಇವತ್ತು ನಾವು ಮಾತಾಡುತ್ತಿದ್ದೇವೆ ಅಂತ ಸಿನಿಮಾಗೆ ಬರಬೇಡಿ. ಸಿನಿಮಾಗೆ ಬಂದ್ಮೇಲೆ ಅದರ ಬೆಲೆ ಗೊತ್ತಾಗುತ್ತೆ." ಪ್ರಮೋದ್ ಶೆಟ್ಟಿ ಹೇಳಿದ್ದಾರೆ.

ದಿಲೀಪ್ ರಾಜ್ ಪ್ರತಿಕ್ರಿಯೆ ಏನು?

" ಮಾರ್ಕ್ಸ್ ಕೊಡಬೇಕು ಅಂದರೆ, ಫಸ್ಟ್ ಸ್ಕ್ರೀನ್ ಪ್ಲೇಗೆ ಕೊಡುತ್ತೇನೆ. ತುಂಬಾ ಇಂಟಲಿಜೆಂಟ್ ಆಗಿ ಮಾಡಿದ್ದಾರೆ. ಎಷ್ಟೇ ಇಂಟಲಿಜೆಂಟ್ ಆಗಿ ಮಾಡಿದರೂ ನೋಡುಗರಿಗೆ ತುಂಬಾ ಸಿಂಪಲ್ ಆಗಿ ಅರ್ಥ ಆಗುವಂತಹ ಕಥೆಗಳನ್ನು ಇಟ್ಕೊಂಡು ಹೆಣೆದು ಟ್ವಿಸ್ಟ್ ಅಂಡ್ ಟರ್ನ್ ಕೊಟ್ಟಿದ್ದಾರೆ. ಸಿನಿಮಾ ಬೇಕಿರೋದು ಅದೇನೆ. ನಾವು ನೀರಿಕ್ಷೆ ಮಾಡಿದ್ದು ಅಲ್ಲಿ ಇರಬಾರದು. ಆ ವಿಚಾರದಲ್ಲಿ ಸ್ಟೋರಿ ಹಾಗೂ ಸ್ಕ್ರೀನ್ ಪ್ಲೇನಲ್ಲಿ ಗೆದ್ದಿದ್ದಾರೆ. ಡೈರೆಕ್ಷನ್ ನೀಟ್ ಆಗಿದೆ." ದಿಲೀಪ್ ರಾಜ್ ಪ್ರತಿಕ್ರಿಯೆ ನೀಡಿದ್ದಾರೆ.

ರಾಜೇಶ್ ನಟರಂಗ ರಿಯಾಕ್ಷನ್ ಏನು?

"ಹೊಸಬರ ಕಂಟೆಂಟ್. ಹೊಸ ತರಹದ ಕಂಟೆಂಟ್. ಹೊಸ ರೀತಿ ಕಥೆ ಹೇಳೋದು ಎಲ್ಲಾ ಹೊಸ ದಾಖಲೆಗಳನ್ನು ಸೃಷ್ಟಿ ಮಾಡುತ್ತಿದೆ. ಸಕ್ಸಸ್ ಅನ್ನೋ ಕೋ ಇನ್ಸಿಡೆನ್ಸ್ ಆಗದೆ ಇರಲಿ. ಆರ್ಗಾನಿಕ್ ಆಗಿಯೇ ಗೆಲ್ಲಲಿ. ನನಗೆ ಮುಖ್ಯವಾಗಿ ನವೀನ್ ತುಂಬಾ ಅದ್ಭುತವಾಗಿ ನಟಿಸಿದ್ದಾನೆ ಅಂತ ಅನಿಸಿತು. ಶ್ರೀಧರ್ ಅವರು ಅದ್ಭುತವಾಗಿ ನಿರ್ದೇಶನ ಮಾಡಿದ್ದಾರೆ. ಏನೇ ಓರೆ ಕೊರೆಗಳಿದ್ದರೂ ಬಹಳ ಒಳ್ಳೆ ಸಿನಿಮಾ ಆಗಿದೆ ಅನ್ನೋದು ಅಚಲವಾದ ನಂಬಿಕೆ." ಅನ್ನೋದ ರಾಜೇಶ್ ನಟರಂಗ.

ಪಾವನಾ ಗೌಡ ಪ್ರತಿಕ್ರಿಯೆ

"ಟೈಟಲ್‌ ಕೇಳಿದಾಗಲೇ ತುಂಬಾ ಇಂಟ್ರೆಸ್ಟಿಂಗ್ ಅಂತ ಅನಿಸಿತ್ತು. ಇನ್ನು ಪೋಸ್ಟರ್ ನೋಡಿದಾಗಲೂ ಇಂಟ್ರೆಸ್ಟಿಂಗ್ ಅನಿಸಿತ್ತು. ಟ್ರೈಲರ್, ಟೀಸರ್ ಎಲ್ಲವೂ ನೋಡಿದಾಗ ಪ್ರಾಮಿಸಿಂಗ್ ಆಗಿದೆ ಅನ್ನೋ ಭರವಸೆ ಮೂಡಿಸಿತ್ತು. ಸಿನಿಮಾ ನೋಡಿ ಪರ್ಫಾಮೆನ್ಸ್ ಬಗ್ಗೆ ಮಾತಾಡೋದಾ, ಸ್ಕ್ರೀನ್ ಪ್ಲೇ ಬಗ್ಗೆ ಮಾತಾಡೋದಾ? ಕ್ಲೈಮ್ಯಾಕ್ಸ್ ಬಗ್ಗೆ ಮಾತಾಡೋದಾ? ಸಿನಿಮಾ ತುಂಬಾನೇ ಇತ್ತು. ಒಂದು ಕಂಪ್ಲೀಟ್ ಸಿನಿಮಾವಿದು. " ಎಂದು ಪಾವನಾ ಗೌಡ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.