ಕಮಲ್ ಹಾಸನ್ ಮತ್ತು ಶ್ರೀದೇವಿ 'ಅಣ್ಣ-ತಂಗಿ'.!

ನಾನು ಶ್ರೀದೇವಿ ಅಣ್ಣ-ತಂಗಿ ಇದ್ದಂತೆ

''ಶ್ರೀದೇವಿ ತನಗೆ ಸಹೋದರಿ ಸಮಾನ, ತನ್ನ ತಂಗಿ. ತಾನು ಅವರ ತಾಯಿ ಬಳಿ ಕೈತುತ್ತು ತಿಂದಿದ್ದೇನೆ. ಸುಮ್ಮನೆ ನಮ್ಮ ಬಗ್ಗೆ ಇಲ್ಲ ಸಲ್ಲದ ವಿಷ್ಯಗಳನ್ನ ಹುಟ್ಟುಹಾಕಬೇಡಿ'' ಎಂದು ಕಮಲ್ ಹಾಸನ್ ಬೇಸರ ವ್ಯಕ್ತಪಡಿಸಿದ್ದಾರೆ.

ನಮ್ಮ ಜೋಡಿ ಬಗ್ಗೆ ಮೆಚ್ಚುಗೆ ಇತ್ತು

ತೆರೆಯ ಮೇಲೆ ನಮ್ಮಿಬ್ಬರ ಹಾಡು, ಅಪ್ಪುಗೆ ನೋಡಿ ಅನೇಕರ ಮೆಚ್ಚಿಕೊಂಡಿದ್ದರು. ನಮ್ಮಿಬ್ಬರ ಜೋಡಿ ನೋಡಿ ಅದೇಷ್ಟೋ ದಂಪತಿಗಳು ನಮ್ಮ ಜೋಡಿ ಕಮಲ್ ಹಾಸನ್ ಮತ್ತು ಶ್ರೀದೇವಿ ಜೋಡಿಯಂತಿದೆ ಎನ್ನುತ್ತಿದ್ದರು.

ಪದೇ ಪದೇ ನೋಡುವ ಆಸೆ ಇತ್ತು

''ಅಂದಿನ ನಿರ್ದೇಶಕ ಮತ್ತು ನಿರ್ಮಾಪಕರಿಗೆ ತೆರೆಮೇಲೆ ಪದೇ ಪದೇ ನಮ್ಮ ಜೋಡಿಯನ್ನ ನೋಡುವ ಆಸೆ ಇರುತ್ತಿತ್ತು. ಹೀಗಾಗಿ, ಸತತವಾಗಿ ಇಬ್ಬರು ಒಟ್ಟಿಗೆ ಸಿನಿಮಾ ಮಾಡುವ ಪರಿಸ್ಥಿತಿ ಬಂತು. ಶ್ರೀದೇವಿ ಜೊತೆ ನಟಿಸಲು ಎಲ್ಲ ನಟರಿಗು ಆಸೆ ಇತ್ತು. ಪ್ರತಿಯೊಂದು ಚಿತ್ರ ಅಥವಾ ಪಾತ್ರದಲ್ಲಿ ಅಷ್ಟು ನಿಷ್ಠೆ ತೋರುತ್ತಿದ್ದರು'' ಎಂದು ಕಮಲ್ ನೆನಪನ್ನ ಮೆಲುಕು ಹಾಕಿದರು.

ಶ್ರೀದೇವಿ-ಕಮಲ್ ಸಿನಿಮಾಗಳು

'ಪದಿನಾರು ವಯತ್ತಿನಿಲೇ', 'ಗುರು', 'ವರಮಯನ್ ನಿರಂ ಸಿವೆಪ್ಪು', 'ಮೂಂಡ್ರು ಪಿರೈ', 'ವಾಜೀ ಮಾಯಂ' ಸೇರಿದಂತೆ ಇನ್ನು ಹಲವು ಸಿನಿಮಾಗಳಲ್ಲಿ ಕಮಲ್ ಹಾಸನ್ ಮತ್ತು ಶ್ರೀದೇವಿ ಒಟ್ಟಿಗೆ ನಟಿಸಿದ್ದರು.

ಅಂತಿಮ ದರ್ಶನ ಪಡೆದ ಕಮಲ್ ಹಾಸನ್

ಅಗಲಿದ ಸಹನಟಿ ಶ್ರೀದೇವಿ ಪಾರ್ಥಿವ ಶರೀರದ ಅಂತಿಮ ದರ್ಶನ ಪಡೆಯಲು ಮುಂಬೈಗೆ ಹೋಗಿ ಅಂತಿಮ ನಮನ ಸಲ್ಲಿಸಿದ್ದರು. ಕೇವಲ ಕಮಲ್ ಹಾಸನ್ ಮಾತ್ರವಲ್ಲ, ರಜನಿಕಾಂತ್, ಚಿರಂಜೀವಿ, ವೆಂಕಟೇಶ್ ಸೇರಿದಂತೆ ಹಲವು ದಕ್ಷಿಣ ಭಾರತದ ತಾರೆಯರು ಶ್ರೀದೇವಿಯ ಅಂತಿಮ ದರ್ಶನ ಪಡೆದುಕೊಂಡಿದ್ದರು.