'ದಿ ವಿಲನ್' ಅಡ್ಡಾದಲ್ಲಿ ಪ್ರತ್ಯಕ್ಷವಾದ ಬಾಲಿವುಡ್ ನಟ

ವಿಲನ್ ಅಡ್ಡಾಗೆ ಬಂದ ಬಾಲಿವುಡ್ ನಟ

ಸುದೀಪ್ ಮತ್ತು ಶಿವರಾಜ್ ಕುಮಾರ್ ಅಭಿನಯಿಸುತ್ತಿರುವ 'ದಿ ವಿಲನ್' ಚಿತ್ರದಲ್ಲಿ ಅಭಿನಯಿಸಲು ಮಿಥುನ್ ಚಕ್ರವರ್ತಿ ಸ್ಯಾಂಡಲ್ ವುಡ್ ಗೆ ಬಂದಿದ್ದು, ಈಗಾಗಲೇ ಚಿತ್ರತಂಡವನ್ನ ಸೇರಿಕೊಂಡಿದ್ದಾರೆ. ಆದ್ರೆ, ಅವರ ಪಾತ್ರವೇನು ಎಂಬುದು ಇನ್ನು ಗೌಪ್ಯವಾಗಿಯೇ ಇಡಲಾಗಿದೆ.

ಬಿಜಾಪುರದಲ್ಲಿ ಶೂಟಿಂಗ್

'ಮಿಥುನ್ ಚಕ್ರವರ್ತಿ' ಕಾಣಿಸಿಕೊಳ್ಳಲಿರುವ ದೃಶ್ಯಗಳನ್ನ ಬಿಜಾಪುರದಲ್ಲಿ ಚಿತ್ರೀಕರಿಸಲಾಗುತ್ತಿದೆ. ಮಹಾರಾಷ್ಟ್ರದ ಬಾರ್ಡರ್ ನಲ್ಲಿ ಸದ್ಯ, ವಿಲನ್ ಟೀಮ್ ಶೂಟಿಂಗ್ ಮಾಡುತ್ತಿದ್ದು, ಬೆಳಗಾವಿಯ ಅಥಣಿ ಸುತ್ತಮುತ್ತಾ ಕೂಡ ಚಿತ್ರೀಕರಣ ಮಾಡಲಿದೆ.

ಕನ್ನಡದಲ್ಲಿ ಚೊಚ್ಚಲ ಚಿತ್ರ

ಅಂದ್ಹಾಗೆ, ಮಿಥುನ್ ಚಕ್ರವರ್ತಿ ಅವರಿಗೆ ಇದು ಮೊದಲ ಕನ್ನಡ ಚಿತ್ರ. ಹಿಂದಿ, ಬೆಂಗಾಳಿ, ಬೋಜ ಪುರಿ ಸೇರಿದಂತೆ ಸುಮಾರು 350 ಚಿತ್ರಗಳಲ್ಲಿ ನಟಿಸಿರುವ ಮಿಥುನ್ ಚಕ್ರವರ್ತಿ ಹಿಂದಿ ಚಿತ್ರರಂಗದ ಬಹುದೊಡ್ಡ ಕಲಾವಿದ. 2015 ರಲ್ಲಿ ತೆಲುಗಿನ 'ಗೋಪಾಲ ಗೋಪಾಲ' ಚಿತ್ರದಲ್ಲು ನಟಿಸಿದ್ದರು.

ಆಮಿ ಜಾಕ್ಸನ್ ನಾಯಕಿ

ಇನ್ನು ಮತ್ತೊಂದೆಡೆ ಚಿತ್ರದ ನಾಯಕಿ ಕೂಡ ಅಂತಿಮವಾಗಿದ್ದು, ಆಮಿ ಜಾಕ್ಸನ್ ನಟಿಸುವುದು ಬಹುತೇಕ ಖಚಿತವಾಗಿದೆ ಎನ್ನಲಾಗುತ್ತಿದೆ. ನಟಿ ಆಮಿ ಜಾಕ್ಸನ್ ಮೇ ಅಂತ್ಯದೊಳಗೆ 'ದಿ ವಿಲನ್' ಚಿತ್ರತಂಡವನ್ನ ಸೇರಿಕೊಳ್ಳಲಿದ್ದಾರಂತೆ.['ದಿ ವಿಲನ್' ಹೀರೋಯಿನ್ ಬಗ್ಗೆ ಬ್ರೇಕ್ ಆಗಿರುವ ಬ್ಲಾಸ್ಟಿಂಗ್ ನ್ಯೂಸ್ ಇದು.!]

ಲಂಡನ್ ನಲ್ಲಿ ಶೂಟಿಂಗ್

ಬೆಂಗಳೂರು, ಶಿವಮೊಗ್ಗ ಹಾಗೂ ಬಿಜಾಪುರ, ಬೆಳಗಾವಿ ಸುತ್ತಾ ಚಿತ್ರೀಕರಣ ಮಾಡುತ್ತಿರುವ 'ವಿಲನ್' ಚಿತ್ರತಂಡ, ಆದಷ್ಟೂ ಬೇಗ ಲಂಡನ್ ಗೆ ಹಾರಲಿದೆ. ಲಂಡನ್ ನಲ್ಲಿ ಸುದೀಪ್, ಶಿವರಾಜ್ ಕುಮಾರ್ ಅವರ ದೃಶ್ಯಗಳನ್ನ ಚಿತ್ರೀಕರಿಸಲಿದ್ದು, ಆಮಿ ಜಾಕ್ಸನ್ ಕೂಡ ಅಲ್ಲಿಯೇ ಎಂಟ್ರಿ ಕೊಡಲಿದ್ದಾರೆ.['ದಿ ವಿಲನ್' ಚಿತ್ರೀಕರಣಕ್ಕಾಗಿ ಲಂಡನ್ ಗೆ ಹಾರಲಿದೆ ಪ್ರೇಮ್ ಅಂಡ್ ಟೀಂ.!]