ರಜನಿ 'ಕೋಚಡಯಾನ್' ಲಕಲಕ ಪೋಸ್ಟರ್ ರಿಲೀಸ್

ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯಿಸುತ್ತಿರುವ 'ಕೋಚಡಯಾನ್' ಚಿತ್ರದ ಕಥೆ ಏನಾಯ್ತು ಎಂದು ಅವರ ಅಭಿಮಾನಿಗಳು ಕಾದುಕಾದು ಕಂಗಾಲಾಗಿದ್ದರು. ಈಗ ಅವರ ಗಲಿಬಿಲಿಗೆ ಫುಲ್ ಸ್ಟಾಪ್ ಹಾಕುವ ಪ್ರಯತ್ನವನ್ನು ಅವರ ಪುತ್ರಿ ಸೌಂದರ್ಯಾ ಅವರು ಮಾಡಿದ್ದಾರೆ.

ಕೋಚಡಯಾನ್ ಚಿತ್ರದ ಲೇಟೆಸ್ಟ್ ಪೋಸ್ಟರ್ ಒಂದನ್ನು ಬಿಡುಗಡೆ ಮಾಡಿದ್ದಾರೆ. ಈ ಮೂಲಕ ರಜನಿ ಅಭಿಮಾನಿ ಬಳಗದ ತೀವ್ರ ಕುತೂಹಲಕ್ಕೆ ಬ್ರೇಕ್ ಹಾಕಿದ್ದಾರೆ. ಇಲ್ಲದಿದ್ದರೆ ರಜನಿ ಅಭಿಮಾನಿಗಳು ಲಕಲಕ ಎಂದು ಸೀದಾ ಅವರ ಮನೆಗೆ ನುಗ್ಗಿತ್ತಿದ್ದರೇನೋ. ಅವರು ಎಷ್ಟು ದಿನ ಎಂದು ತಾಳ್ಮೆವಹಿಸಲು ಸಾಧ್ಯ ಹೇಳಿ.

ಕೋಚಡಯಾನ್

ಸರಿಸುಮಾರು ರು.125 ಕೋಟಿ ಬಜೆಟ್ ನಲ್ಲಿ ನಿರ್ಮಿಸಿರುವ ಚಿತ್ರವಿದು. ಕೆ.ಎಸ್.ರವಿಕುಮಾರ್ ಅವರ ಕಥೆ ಚಿತ್ರಕ್ಕಿದ್ದು ಪಾತ್ರವರ್ಗದಲ್ಲಿ ಶರತ್ ಕುಮಾರ್, ದೀಪಿಕಾ ಪಡುಕೋಣೆ, ಶೋಭನಾ, ನಾಸಿರ್ ಮುಂತಾದವರಿದ್ದಾರೆ.

ಎ.ಆರ್. ರೆಹಮಾನ್ ಅವರ ಸಂಗೀತ ಚಿತ್ರದ ಮತ್ತೊಂದು ಪ್ರಮುಖ ಆಕರ್ಷಣೆ. ಚಿತ್ರದಲ್ಲಿ ರಜನಿ ಎಂಟನೇ ಶತಮಾನದ ಪಾಂಡ್ಯರ ರಾಜನಾಗಿ ಕಾಣಿಸಲಿದ್ದಾರೆ. 'ಕೋಚಡಯಾನ್' ಫಸ್ಟ್ ಲುಕ್‌ನನ್ನು ಟ್ವಿಟ್ಟರ್‌ನಲ್ಲಿ ಸೌಂದರ್ಯ ತೇಲಿಬಿಟ್ಟಿದ್ದಾರೆ. (ಏಜೆನ್ಸೀಸ್)