3ನೇ ವೀಕೆಂಡ್‌ಗೆ ಮುನ್ನ '777 ಚಾರ್ಲಿ' ಕಲೆಕ್ಷನ್ ಹೇಗಿದೆ? 13ನೇ ದಿನ ಗಳಿಸಿದ್ದೆಷ್ಟು?

13ನೇ ದಿನ ರಕ್ಷಿತ್ ಗಳಿಸಿದ್ದೆಷ್ಟು?

ಜೂನ್ 10ರಂದು '777 ಚಾರ್ಲಿ' ಥಿಯೇಟರ್‌ಗೆ ಲಗ್ಗೆ ಇಟ್ಟಿತ್ತು. ಐದು ಭಾಷೆಗಳಲ್ಲಿ ಸಿನಿಮಾ ಏಕಕಾಲಕ್ಕೆ ಬಿಡುಗಡೆಯಾಗಿತ್ತು. ಇದೂವರೆಗೂ '777 ಚಾರ್ಲಿ' ಸಿನಿಮಾಗೆ ಕರ್ನಾಟಕದಿಂದಲೇ ಹೆಚ್ಚು ಕಲೆಕ್ಷನ್ ಬಂದಿದ್ದು, 13ನೇ ದಿನ ಕೊಂಚ ಇಳಿಕೆ ಕಂಡಿದೆ. 12ನೇ ದಿನ ಚಾರ್ಲಿ ಕಲೆಕ್ಷನ್ 1.85 ಕೋಟಿ ರೂ ಎಂದು ಹೇಳಲಾಗಿತ್ತು. ಇನ್ನು 13ನೇ ದಿನ ಕೊಂಚ ಇಳಿಕೆ ಕಂಡಿದ್ದರೂ ಸ್ಟಡಿಯಾಗಿದೆ. ನಿನ್ನೆ( ಜೂನ್ 22) ಚಾರ್ಲಿ ಬಾಕ್ಸಾಫೀಸ್ ಕಲೆಕ್ಷನ್ 1.40 ಕೋಟಿ ರೂ. ದಾಟಿದೆ.

13 ದಿನಗಳಲ್ಲಿ ಕಲೆಕ್ಷನ್ ಹೇಗಿದೆ?

'777 ಚಾರ್ಲಿ' ಕಳೆದ 13 ದಿನಗಳಲ್ಲಿ ಅಂದುಕೊಂಡಿದ್ದಕ್ಕಿಂತ ಉತ್ತಮ ಕಲೆಕ್ಷನ್ ಮಾಡಿದೆ. ರಕ್ಷಿತ್ ಶೆಟ್ಟಿ ಸಿನಿಮಾ 100 ಕೋಟಿ ಕ್ಲಬ್ ಸೇರುವತ್ತ ದಾಪುಗಾಲು ಹಾಕುತ್ತಿದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, '777 ಚಾರ್ಲಿ' ಕಳೆದ 13 ದಿನಗಳಲ್ಲಿ ಸುಮಾರು 71.50 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ.

ಮೊದಲ ವಾರ 38.75 ಕೋಟಿ ರೂ.
2ನೇ ವಾರ 18.55 ಕೋಟಿ ರೂ.
3ನೇ ವಾರ 14.20 ಕೋಟಿ ರೂ.

ಒಟ್ಟು 71.50 ಕೋಟಿ ರೂ.

ಬೇರೆ ಬೇರೆ ರಾಜ್ಯದಲ್ಲಿ ಚಾರ್ಲಿ ಗಳಿಕೆ ಎಷ್ಟು?

ಕರ್ನಾಟಕದಲ್ಲಿ ಚಾರ್ಲಿ ಕಲೆಕ್ಷನ್ ಸಖತ್ತಾಗಿದೆ. ಇನ್ನು ಉಳಿದಂತೆ ಆಂಧ್ರ,ತೆಲಂಗಾಣದಲ್ಲೂ ಅಂದುಕೊಂಡಿದ್ದಕ್ಕಿಂತ ಚೆನ್ನಾಗಿ ಗಳಿಸಿದೆ. ಇನ್ನು ಕೇರಳದಲ್ಲಿ 3 ಕೋಟಿ ರೂ. ಕಲೆಕ್ಷನ್ ಮಾಡಿದ್ದು, ತಮಿಳುನಾಡು ಹಾಗೂ ಉತ್ತರ ಭಾರತದಲ್ಲಿ ತಕ್ಕಮಟ್ಟಿಗೆ ಗಳಿಕೆ ಕಂಡಿದೆ.

ಕರ್ನಾಟಕ 53.15 ಕೋಟಿ ರೂ. ( Updated)
ಆಂಧ್ರ/ತೆಲಂಗಾಣ 4.30 ಕೋಟಿ ರೂ.
ಕೇರಳ 3.00 ಕೋಟಿ ರೂ.
ತಮಿಳುನಾಡು 2.25 ಕೋಟಿ ರೂ.
ಉತ್ತರ ಭಾರತ 4.70 ಕೋಟಿ ರೂ.
ವಿದೇಶ 4.10 ಕೋಟಿ ರೂ.

ಒಟ್ಟು 71.50 ಕೋಟಿ ರೂ.

3ನೇ ವೀಕೆಂಡ್ ಏನಾಗುತ್ತೆ?

'777 ಚಾರ್ಲಿ ಸಿನಿಮಾ ಮೊದಲೆರಡು ವಾರ ಕಲೆಕ್ಷನ್‌ನಲ್ಲಿ ಹಿಂದೆ ಬಿದ್ದಿಲ್ಲ. ಫ್ಯಾಮಿಲಿ ಸಮೇತ ಸಿನಿಮಾ ನೋಡುತ್ತಿರುವುದರಿಂದ ವೀಕೆಂಡ್‌ನಲ್ಲಿ ಚೆನ್ನಾಗಿಯೇ ಗಳಿಕೆಯಾಗುತ್ತಿದೆ. ಕಳೆದೆರಡು ವೀಕೆಂಡ್‌ಗಳಲ್ಲೂ ಸಿನಿಮಾ ಕಲೆಕ್ಷನ್ ಚೆನ್ನಾಗಿದೆ. ಈ ಕಾರಣಕ್ಕೆ ಮೂರನೇ ವಾರ ಕೂಡ '777 ಚಾರ್ಲಿ' ಕಲೆಕ್ಷನ್ ಜೋರಾಗಿರುತ್ತೆ ಎಂದು ಅಂದಾಜು ಮಾಡಲಾಗಿದೆ.