ವಿವಾದಕ್ಕೆ ಕಾರಣವಾಗಿದ್ದ 'ದಿ ವಿಲನ್' ಹಾಡು ಬಂತು ನೋಡ್ರಪ್ಪಾ.!

ಮೊದಲೇ ವಿವಾದಕ್ಕೆ ಕಾರಣವಾಗಿದ್ದ ಹಾಡಿದು

ಈ ಹಾಡು ಬಿಡುಗಡೆಗೆ ಮುಂಚೆಯೇ ವಿವಾದಕ್ಕೆ ಕಾರಣವಾಗಿತ್ತು. 'ನಿನ್ನೆ ಮೊನ್ನೆ ಬಂದವರೆಲ್ಲಾ ನಂಬರ್ ಒನ್ ಅಂತಾವ್ರೋ....' ಎಂಬ ಸಾಲು ಈ ಹಾಡಿನಲ್ಲಿತ್ತು. ಈ ಸಾಲನ್ನ ಹೈಲೈಟ್ ಮಾಡಿದ್ದ ಪ್ರೇಮ್ ಟ್ವಿಟ್ಟರ್ ನಲ್ಲಿ ಈ ಬಗ್ಗೆ ಹಂಚಿಕೊಂಡಿದ್ದರು. ನಂತರ ಕೆಲವರು ಈ ಸಾಲಿನ ವಿರುದ್ಧ ಕಿಡಿಕಾರಿದ್ದರು.

ಸ್ಪಷ್ಟನೆ ನೀಡಿದ್ದ ಪ್ರೇಮ್

ಸಾಮಾಜಿಕ ಜಾಲತಾಣದಲ್ಲಿ ಈ ಹಾಡಿನ ಬಗ್ಗೆ ಚರ್ಚೆಗಳು ಆಗಿದ್ದನ್ನ ಗಮನಿಸಿದ ನಿರ್ದೇಶಕ ಪ್ರೇಮ್, ಉದ್ದೇಶಪೊರ್ವಕವಾಗಿ ಈ ಸಾಲು ಬಳಸಿಲ್ಲ. ಕಥೆಗೆ ಅವಶ್ಯಕವಾಗಿದ್ದರಿಂದ ಬಳಸಲಾಗಿದೆ ಎಂದಿದ್ದರು. ಹೀಗಾಗಿ, ಈ ಹಾಡು ಹೇಗಿರುತ್ತಪ್ಪಾ ಎಂದು ಎಲ್ಲರೂ ಕಾಯುತ್ತಿದ್ದರು. ಕೊನೆಗೂ ರಿಲೀಸ್ ಆಗಿದೆ.

ದೊಡ್ಡ ಗಾಯಕರ ಕಂಠದಲ್ಲಿ ಹಾಡು

ಸದ್ಯ ಬಿಡುಗಡೆಯಾಗಿರುವ ಈ ಹಾಡಿಗೆ ಸ್ವತಃ ಪ್ರೇಮ್ ಅವರ ಸಾಹಿತ್ಯ ಬರೆದಿದ್ದು, ಅರ್ಜುನ್ ಜನ್ಯ ಮ್ಯುಸಿಕ್ ಕಂಪೋಸ್ ಮಾಡಿದ್ದಾರೆ. ಕೈಲಾಶ್ ಖೇರ್, ವಿಜಯ ಪ್ರಕಾಶ್ ಹಾಗೂ ನಿರ್ದೇಶಕ ಪ್ರೇಮ್ ಹಾಗೂ ಸಿದ್ಧಾರ್ಥ್ ಬಸ್ರೂರು ಈ ಹಾಡಿಗೆ ಧ್ವನಿಯಾಗಿದ್ದಾರೆ. ಈಗಾಗಲೇ 10 ಲಕ್ಷ ಜನ ಈ ಹಾಡನ್ನ ನೋಡಿದ್ದಾರೆ.

ಮೊದಲ ಹಾಡು

ಈ ಮೊದಲು ದಿ-ವಿಲನ್ ಚಿತ್ರದ ಟೈಟಲ್ ಟ್ರ್ಯಾಕ್ ರಿಲೀಸ್ ಆಗಿತ್ತು. 'ಮಚ್ಚು ಗಿಚ್ಚು ಹಿಡಿದವನಲ್ಲ, ಆದ್ರೂ ಹವಾ ಇಟ್ಟವನಲ್ಲ, ಕೋಟೆ ಕಟ್ಟಿ ಮೆರೆದವನಲ್ಲ ಆದ್ರೂ ರಾಜ್ಯ ಆಳುತ್ತವನಲ್ಲ' ಎಂದು ಮೂಡಿ ಬಂದಿದ್ದ ಈ ಹಾಡಿಗೆ ಜೋಗಿ ಪ್ರೇಮ್ ಸಾಹಿತ್ಯ ಬರೆದಿದ್ದರು. ಶಂಕರ್ ಮಹಾದೇವನ್ ಹಾಡಿದ್ದ ಈ ಟೈಟಲ್ ಟ್ರ್ಯಾಕ್ ಕೇಳುಗರಿಗೆ ಸಖತ್ ಕಿಕ್ ನೀಡಿತ್ತು.

ಆಗಸ್ಟ್ 24ಕ್ಕೆ ಸಿನಿಮಾ.?

ಇನ್ನುಳಿದಂತೆ ದಿ ವಿಲನ್ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿದಿದ್ದು, ಹಾಡೊಂದು ಬಾಕಿ ಇತ್ತು. ಆ ಹಾಡಿನ ಚಿತ್ರೀಕರಣ ಕೂಡ ಈಗ ನಡೆಯುತ್ತಿದೆ. ನಂತರ ಪೋಸ್ಟ್ ಪ್ರೊಡಕ್ಷನ್ ಮುಗಿಸಿ, ಆಗಸ್ಟ್ 24 ರಂದು ತೆರೆಗೆ ತರುವ ಉದ್ದೇಶದಿಂದ ಕೆಲಸ ಮಾಡಲಾಗುತ್ತಿದೆಯಂತೆ.