ಯಶ್ ಸಿನಿಮಾ 'ಕೆಜಿಎಫ್ 2' ಟ್ರೈಲರ್ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ ಹೊಂಬಾಳೆ ಫಿಲಂಸ್

ಫ್ಯಾನ್ಸ್ ಕೋಪ ಟ್ರೈಲರ್ ಮದ್ದು

'ಕೆಜಿಎಫ್ 2' ಟ್ರೈಲರ್‌ಗಾಗಿ ಫ್ಯಾನ್ಸ್ ಕಾದಿದ್ದು ಅದೆಷ್ಟು ದಿನ? ಮೂರು ವರ್ಷದ ಹಿಂದೆ ಈ ಸಿನಿಮಾ ಆರಂಭ ಆದಲ್ಲಿಂದ 'ಕೆಜಿಎಫ್ 2' ಟ್ರೈಲರ್ ನೋಡುವ ಆಸೆ ವ್ಯಕ್ತಪಡಿಸಿದ್ದರು. ಆದರೆ, ನಿರ್ಮಾಣ ಸಂಸ್ಥೆ ಟ್ರೈಲರ್ ಬಿಡುಗಡೆ ಮಾಡುವ ಬಗ್ಗೆ ಮಾತಾಡಿರಲಿಲ್ಲ. ಕೊನೆಗೂ 'ಕೆಜಿಎಫ್ 2' ಟ್ರೈಲರ್ ಡೇಟ್ ರಿವೀಲ್ ಮಾಡುವ ಮೂಲಕ ಅಭಿಮಾನಿಗಳ ಆತಂಕಕ್ಕೆ ಉತ್ತರ ನೀಡಿದೆ. ಮಾರ್ಚ್ 27ರಂದು ಯಾವ ಚಿತ್ರಕ್ಕೂ ತೊಂದರೆ ಆಗದಂತೆ ಸಿನಿಮಾ ಟ್ರೈಲರ್ ಅನ್ನು ಅಭಿಮಾನಿಗಳಿಗೆ ತೋರಿಸಲು ಕೊನೆಗೂ ಮನಸ್ಸು ಮಾಡಿದೆ. ಮಾರ್ಚ್ 27ಕ್ಕೆ ಟ್ರೈಲರ್ ರಿಲೀಸ್ ಯಾಕಾಗುತ್ತಿದೆ? ಇದು ಚಿತ್ರತಂಡದ ದಿಟ್ಟ ನಡೆ ಅಂತಿರೋದೇಕೆ? ಅನ್ನುವುದನ್ನು ತಿಳಿಯಲು ಮುಂದೆ ಓದಿ.

'KGF2' ಏಕಾಂಗಿ ಹೋರಾಟ

'ಕೆಜಿಎಫ್ 2' ಸಿನಿಮಾ ಟ್ರೈಲರ್ ಪ್ಯಾನ್ ಇಂಡಿಯಾ ಸಿನಿಮಾಗಳೊಂದಿಗೆ ಬಿಡುಗಡೆಯಾಗಲಿದೆ ಎಂದು ಸುದ್ದಿ ಹರಿದಾಡುತ್ತಿತ್ತು. ರಾಜಮೌಳಿಯ RRR ಸಿನಿಮಾ ಬಿಡುಗಡೆಗೊಂಡ ದಿನವೇ 'KGF2' ಟ್ರೈಲರ್ ರಿಲೀಸ್ ಆಗುತ್ತೆ ಎಂದು ಹೇಳಲಾಗುತ್ತಿತ್ತು. ಆದರೆ, ಯಾವ ಸಿನಿಮಾದ ಜೊತೆ ಒಡಂಬಡಿಕೆ ಮಾಡಿಕೊಳ್ಳದೆ ಏಕಾಂಗಿಯಾಗಿ ಬಿಡುಗಡೆಯಾಗಲಿದೆ ಎಂದು ಹೊಂಬಾಳೆ ಫಿಲಂಸ್ ಸ್ಪಷ್ಪಪಡಿಸಿದೆ. ಈ ಮೂಲಕ ತನ್ನದೇನಿದ್ದರೂ ಏಕಾಂಗಿ ಹೋರಾಟವೆಂದು ಪರೋಕ್ಷವಾಗಿ ಚಿತ್ರರಂಗಕ್ಕೆ ಸಾರಿ ಹೇಳಿದೆ.

ಬಿಗ್ ಸಿನಿಮಾಗಳಿಗೆ ದಾರಿ ಮಾಡಿಕೊಟ್ಟ 'KGF2'

ಯಾವುದೇ ದೊಡ್ಡ ಸಿನಿಮಾದೊಂದಿಗೆ ಕ್ಲ್ಯಾಶ್ ಆಗದಂತೆ 'ಕೆಜಿಎಫ್ 2' ಟ್ರೈಲರ್ ಅನ್ನು ಬಿಡುಗಡೆ ಮಾಡಲಾಗುತ್ತಿದೆ. ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿನಯದ 'ಜೇಮ್ಸ್' ಸಿನಿಮಾ ಮಾರ್ಚ್ 17ಕ್ಕೆ ಬಿಡುಗಡೆಯಾಗುತ್ತಿದೆ. ಹಾಗೇ ರಾಜಮೌಳಿ, ಜೂ.ಎನ್‌ಟಿಆರ್, ರಾಮ್‌ಚರಣ್ ಅಭಿನಯದ RRR ಸಿನಿಮಾ ಮಾರ್ಚ್ 25ಕ್ಕೆ ಬಿಡುಗಡೆಯಾಗುತ್ತಿದೆ. ಈ ಎರಡೂ ಸಿನಿಮಾಗಳೂ ಪ್ಯಾನ್ ಇಂಡಿಯಾ ಸಿನಿಮಾ ಆಗಿದೆ. ಬಹು ನಿರೀಕ್ಷೆಯ ಸಿನಿಮಾಗಳಾಗಿರುವುದರಿಂದ 'KGF2' ಟ್ರೈಲರ್ ಈ ಚಿತ್ರಗಳೊಂದಿಗೆ ಕ್ಲ್ಯಾಶ್ ಆಗದಂತೆ ನೋಡಿಕೊಂಡಿದೆ.

IPL ಜೊತೆ 'KGF2' ಕ್ರೇಜ್

'ಕೆಜಿಎಫ್ 2' ಪ್ರಚಾರಕ್ಕೆ ತನ್ನದೇ ಕಾರ್ಯತಂತ್ರವನ್ನು ರೂಪಿಸುತ್ತಿದೆ. ಇತ್ತೀಚೆಗಷ್ಟೇ ನಿರ್ಮಾಪಕ ವಿಜಯ್ ಕಿರಗಂದೂರ್ ಮಲಯಾಳಂನ ಸ್ಟಾರ್ ನಟ ಪೃಥ್ವಿರಾಜ್ ಸುಕುಮಾರನ್‌ರನ್ನು ಭೇಟಿ ಮಾಡಿ, ಮಲಯಾಳಂ ವರ್ಷನ್ ಪ್ರಮೋಷನ್ ಮಾಡುವ ಬಗ್ಗೆ ಚರ್ಚಿಸಿದ್ದಾರೆ. ಹಾಗೇ ಎಲ್ಲಾ ಭಾಷೆಯಲ್ಲೂ ಪ್ರಚಾರದ ಬಗ್ಗೆ ಚರ್ಚೆಯಾಗುತ್ತಿದೆ. ಈ ಟ್ರೈಲರ್ ಬಿಡುಗಡೆ ವೇಳೆನೇ IPL ಪಂದ್ಯಗಳು ಆರಂಭ ಆಗಲಿವೆ. ಹೀಗಾಗಿ IPL ಪಂದ್ಯಾವಳಿಗಳಲ್ಲಿ 'ಕೆಜಿಎಫ್ 2' ಟ್ರೈಲರ್ ಪ್ರಚಾರಕ್ಕೆ ಸ್ಕೆಚ್ ಹಾಕಿದೆಯಾ ತಂಡ ಅನ್ನುವ ಅನುಮಾನ ಕೂಡ ಕಾಡುತ್ತಿದೆ.