ಐಶ್ವರ್ಯಾ ರೈ-ತ್ರಿಶಾಗೆ 'ನೀವು ಸ್ನೇಹಿತರಾಗಲು ಸಾಧ್ಯವಿಲ್ಲ' ಎಂದಿದ್ದ ಮಣಿರತ್ನಂ: ಯಾಕೆ?

ಐಶ್ವರ್ಯಾ ರೈ-ತ್ರಿಶಾ ಇಬ್ಬರೂ ಸ್ನೇಹಿತರಲ್ಲವೇ?

'ಪೊನ್ನಿಯಿನ್ ಸೆಲ್ವನ್ 1' ಸಿನಿಮಾದಲ್ಲಿ ಐಶ್ವರ್ಯಾ ರೈ ಬಚ್ಚನ್ ಹಾಗೂ ತ್ರಿಶಾ ನಟಿಸಿರೋ ಎರಡೂ ಪಾತ್ರಗಳೂ ಪ್ರಮುಖ. ಸಾಮಾನ್ಯವಾಗಿ ಎರಡು ಪ್ರಮುಖ ಪಾತ್ರಗಳ ಸಂಬಂಧವನ್ನು ನಿರ್ದೇಶಕರು ಗಟ್ಟಿ ಮಾಡಲು ಯತ್ನಿಸುತ್ತಾರೆ. ಆದರೆ, ಈ ಸಿನಿಮಾದಲ್ಲಿ ಮಣಿರತ್ನಂ ಐಶ್ವರ್ಯಾ ರೈ ಹಾಗೂ ತ್ರಿಶಾ ಇಬ್ಬರನ್ನೂ ಒಟ್ಟಿಗೆ ಸೇರಿಸುವ ಪ್ರಯತ್ನಕ್ಕೆ ಕೈ ಹಾಕಿಲ್ಲ. ಬದಲಿಗೆ ಇಬ್ಬರು ತೆರೆ ಹಿಂದೆನೂ ದೂರು ಇರಿ ಅಂತಲೇ ಹೇಳಿದ್ದರಂತೆ. ಈ ಮಾತನ್ನು ಸ್ವತ: ತ್ರಿಶಾ ಇತ್ತೀಚೆಗೆ ಪ್ರಚಾರದ ವೇಳೆ ಹೇಳಿಕೊಂಡಿದ್ದಾರೆ.

'ನೀವು ಸ್ನೇಹಿತರಾಗಲು ಸಾಧ್ಯವಿಲ್ಲ'

'ಪೊನ್ನಿಯಿನ್ ಸೆಲ್ವನ್ 1' ಸಿನಿಮಾ ಪ್ರಚಾರದ ವೇಳೆ ತ್ರಿಶಾ ಮಣಿರತ್ನಂ ಕೊಟ್ಟಿದ್ದ ಸೂಚನೆಯನ್ನು ರಿವೀಲ್ ಮಾಡಿದ್ದಾರೆ. " ಐಶ್ವರ್ಯಾ ರೈ ಮತ್ತು ತ್ರಿಶಾ ಕೃಷ್ಣನ್ ಈ ಸಿನಿಮಾದಲ್ಲಿ ಕೆಲಸ ಮಾಡಿರಲಿಲ್ಲ. ನಾವು ನಂದಿನಿ ಮತ್ತು ಕುಂದವೈ ಆಗಿದ್ವಿ. ಮಣಿರತ್ನಂ ಆಗಲೇ ಹೇಳಿದ್ದರು. ನೀವು ಸ್ನೇಹಿತರಾಗಿರಲು ಸಾಧ್ಯವಿಲ್ಲ. ಇಲ್ಲಿ ನೀವಿಬ್ಬರೂ ನಂದಿನಿ ಹಾಗೂ ಕುಂದವೈ. ಇಬ್ಬರೂ ಸ್ನೇಹಿತರಾಗಿರುವುದಕ್ಕೆ ಸಾಧ್ಯವೇ ಇಲ್ಲ." ಎಂದು ಮಣಿರತ್ನಂ ಹೇಳಿದ್ದನ್ನು ತ್ರಿಶಾ ರಿವೀಲ್ ಮಾಡಿದ್ದಾರೆ.

ಇಬ್ಬರ ನಡುವೆ ದ್ವೇಷವಿದೆ!

ನಿರ್ದೇಶಕ ಮಣಿರತ್ನಂ ಇಬ್ಬರಿಗೂ ಹೇಗೆ ಹೇಳುವುದಕ್ಕೊಂದು ಕಾರಣವಿತ್ತು. ಪೊನ್ನಿಯನ್ ಸೆಲ್ವನ್ ಸಿನಿಮಾದಲ್ಲಿ ಐಶ್ವರ್ಯಾ ರೈ ರಾಣಿ ನಂದಿನಿಯಾಗಿಯೂ, ತ್ರಿಶಾ ಕೃಷ್ಣನ್ ರಾಣಿ ಕುಂದವೈ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಕಥೆಯ ಪ್ರಕಾರ, ಎರಡೂ ಪಾತ್ರಗಳಿಗೂ ಒಬ್ಬರನ್ನು ಕಂಡರೆ ಮತ್ತೊಬ್ಬರಿಗೆ ಆಗುವುದಿಲ್ಲ. ತೆರೆಮೇಲೆ ಈ ಎರಡೂ ಪಾತ್ರಗಳೂ ಕಣ್ಣಲ್ಲಿ ಕಣ್ಣಿಟ್ಟು ನೋಡುವುದೇ ಇಲ್ವಂತೆ. ಈ ಕಾರಣಕ್ಕೆ ತೆರೆ ಹಿಂದೆನೂ ಇಬ್ಬರಿಗೂ ದೂರವಿರುವಂತೆ ಮಣಿರತ್ನಂ ಸೂಚನೆ ನೀಡಿದ್ದರಂತೆ.

ಮೊದಲ ದಿನವೇ ತ್ರಿಶಾಗೆ ಗಾಬರಿ

ಇದೇ ವೇಳೆ ತ್ರಿಶಾ ಮೊದಲ ದಿನದ ಅನುಭವವನ್ನೂ ಹಂಚಿಕೊಂಡಿದ್ದಾರೆ. " ಮೊದಲ ದಿನ ನನಗೆ ಗಾಬರಿಯಾಗಿತ್ತು. ಆಸ್ಥಾನದಲ್ಲಿ 10 ಮಂದಿ ಪುರುಷರ ಮುಂದೆ ಡೈಲಾಗ್ ಹೇಳುವ ದೃಶ್ಯವಿತ್ತು. ಕಥೆ ನನ್ನ ಪಾತ್ರ ಕುಂದವೈ ಯಶಸ್ಸಿನ ಉತ್ತುಂಗದಲ್ಲಿದ್ದಳು. ಕುಂದವೈ ಪಾತ್ರ ಹೇಗಿದೆಯೋ ನಾನು ಹಾಗೇ ಇದ್ದೇನೆ. ಕುಂದವೈ ಪಾತ್ರದಲ್ಲಿ ಚಿಕ್ಕ ಪ್ರಮಾಣದಲ್ಲಿ ತ್ರಿಶಾ ಕೂಡ ಇದ್ದಾರೆ ಅಂತ ಹೇಳಬಹುದು" ಎಂದು ಪಾತ್ರದ ಬಗ್ಗೆ ತ್ರಿಶಾ ವಿವರಿಸಿದ್ದಾರೆ.