ಮೂರೇ ದಿನದಲ್ಲಿ 'ವಿಕ್ರಂ' ಕಲೆಕ್ಷನ್ ₹150 ಕೋಟಿ: ಕಮಲ್ ಸಿನಿಮಾ ಕರ್ನಾಟಕದಲ್ಲಿ ಗಳಿಸಿದ್ದೆಷ್ಟು?

'ವಿಕ್ರಂ' 3 ದಿನಗಳ ಕಲೆಕ್ಷನ್ ₹150 ಕೋಟಿ

ಲೋಕೇಶ್ ಕನಗರಾಜ್ ನಿರ್ದೇಶಿಸಿದ 'ವಿಕ್ರಂ' ಸಿನಿಮಾ ವಿಶ್ವದಾದ್ಯಂತ ರಿಲೀಸ್ ಆಗಿದೆ. ಈ ಸಿನಿಮಾ ಭಾರತದ ಜೊತೆ ಜೊತೆಗೆ, ವಿದೇಶದಲ್ಲೂ ಉತ್ತರ ರೆಸ್ಪಾನ್ಸ್ ಸಿಕ್ಕಿದೆ. ಕೇವಲ ಮೂರು ದಿನಗಳಲ್ಲಿಯೇ ಸಿನಿಮಾದ ಗಳಿಕೆ ₹150 ಕೋಟಿ ಕಲೆಕ್ಷನ್ ಮಾಡಿದೆ. ಒಂದು ಲೆಕ್ಕಾಚಾರದ ಪ್ರಕಾರ, 'ವಿಕ್ರಂ' ವಿಜಯಯಾತ್ರೆ ಹೀಗೆ ಮುಂದುವರೆದರೆ, ಅವರ ಕರಿಯರ್‌ನಲ್ಲಿಯೇ ಅತೀ ಹೆಚ್ಚು ಗಳಿಕೆ ಕಂಡ ಸಿನಿಮಾ ಇದಾಗಲಿದೆ ಎಂದು ಹೇಳಲಾಗುತ್ತಿದೆ.

3ನೇ ದಿನ 'ವಿಕ್ರಂ' ಗಳಿಕೆ ಎಷ್ಟು?

ಕಮಲ್ ಹಾಸನ್ ಅಭಿನಯದ ಸಿನಿಮಾ 'ವಿಕ್ರಂ' ಆರಂಭದ ದಿನದಿಂದಲೇ ಬಾಕ್ಸಾಫೀಸ್‌ನಲ್ಲಿ ಮೋಡಿ ಮಾಡಿದೆ. ಮೊದಲ ದಿನ ಸುಮಾರು ₹58 ಕೋಟಿಗೂ ಅಧಿಕ ಗಳಿಕೆ ಕಂಡಿತ್ತು. ಹಾಗೇ ವೀಕೆಂಡ್‌ನಲ್ಲೂ ಸಿನಿಮಾದ ಕಲೆಕ್ಷನ್ ಜೋರಾಗಿಯೇ ಇದೆ.

ಮೊದಲನೇ ದಿನ ₹58 ಕೋಟಿ
ಎರಡನೇ ದಿನ ₹44 ಕೋಟಿ
ಮೂರನೇ ದಿನ ₹48.28 ಕೋಟಿ

ಒಟ್ಟು ₹150.28 ಕೋಟಿ

ಕರ್ನಾಟಕದಲ್ಲಿ 'ವಿಕ್ರಂ' ಕಲೆಕ್ಷನ್ ಎಷ್ಟು?

ಕರ್ನಾಟಕದಲ್ಲೂ 'ವಿಕ್ರಂ' ಸಿನಿಮಾದ ಕಲೆಕ್ಷನ್ ಜೋರಾಗಿಯೇ ಇದೆ. ಕರ್ನಾಟಕದಲ್ಲೂ ಕಮಲ್ ಹಾಸನ್ ಸಿನಿಮಾ ₹11 ಕೋಟಿಗೂ ಅಧಿಕ ಗಳಿಕೆ ಕಂಡಿದೆ. ಇದರೊಂದಿಗೆ ತಮಿಳುನಾಡು, ಕೇರಳ, ಆಂಧ್ರ, ತೆಲಂಗಾಣದಲ್ಲೂ ಸಿನಿಮಾ ಕಲೆಕ್ಷನ್ ಅದ್ಬುತವಾಗಿಯೇ ಇದೆ.

ತಮಿಳುನಾಡು ₹64.50 ಕೋಟಿ
ಆಂಧ್ರ/ತೆಲಂಗಾಣ ₹12.26 ಕೋಟಿ
ಕರ್ನಾಟಕ ₹11.02 ಕೋಟಿ
ಕೇರಳ ₹14.05 ಕೋಟಿ
ಇತರೆ ರಾಜ್ಯಗಳು ₹02.35 ಕೋಟಿ
ವಿದೇಶ ₹46.10 ಕೋಟಿ

ಒಟ್ಟು ₹150.28 ಕೋಟಿ

ವಿದೇಶದಲ್ಲೂ 'ವಿಕ್ರಂ' ಮೋಡಿ

'ವಿಕ್ರಂ' ಸಿನಿಮಾ ತಮಿಳುನಾಡಿನಲ್ಲಿ 900 ಸ್ಕ್ರೀನ್‌ಗಳಲ್ಲಿ ರಿಲೀಸ್ ಆಗಿದ್ದರೆ, ವಿಶ್ವದಾದ್ಯಂತ ಸುಮಾರು 2500 ಸ್ಕ್ರೀನ್‌ಗಳಲ್ಲಿ ತೆರೆಕಂಡಿತ್ತು. ಕಮಲ್ ಹಾಸನ್, ವಿಜಯ್ ಸೇತುಪತಿ, ಫಹಾದ್ ಫಾಸಿಲ್ ಈ ಮೂವರ ಕಾಂಬಿನೇಷನ್ ವರ್ಕ್‌ಔಟ್ ಆಗಿದೆ. 'ವಿಕ್ರಂ' ಅಮೆರಿಕದಲ್ಲಿ ₹12 ಕೋಟಿ, ಯುಎಇಯಲ್ಲಿ ₹13 ಕೋಟಿ, ಯುಕೆಯಲ್ಲಿ ₹2.78 ಕೋಟಿ, ಆಸ್ಟ್ರೇಲಿಯಾದಲ್ಲಿ ₹2.60 ಕೋಟಿ, ನ್ಯೂಜಿಲ್ಯಾಂಡ್‌ನಲ್ಲಿ ₹24 ಲಕ್ಷ ಗಳಿಕೆ ಕಂಡಿದೆ.