ಅಡುಗೆ ಮಾಡಿಕೊಂಡು ತಿನ್ನಿ, ಆದರೆ ಅದನ್ನು ಪ್ರದರ್ಶಿಸಬೇಡಿ: ನೆಟ್ಟಿಗರ ಮೇಲೆ ಖುಷ್ಬೂ ಕಿಡಿ

ನಮ್ಮ ತಟ್ಟೆಯಲ್ಲಿ ಆಹಾರ ಇದೆ

ಅಡುಗೆ ಮಾಡುವುದನ್ನು ಹೆಮ್ಮೆ ಎಂದು ಪರಿಗಣಿಸಿರುವ ಅನೇಕರು ಸಾಮಾಜಿಕ ಜಾಲತಾಣಗಳಲ್ಲಿ ಬಗೆಬಗೆಯ ಆಹಾರಗಳ ಫೋಟೊಗಳನ್ನು ಪೋಸ್ಟ್ ಮಾಡುತ್ತಿರುವುದನ್ನು ನಾನು ನೋಡುತ್ತಿದ್ದೇನೆ. ನಮ್ಮ ತಟ್ಟೆಗಳಲ್ಲಿ ಆಹಾರ ಇದೆ ಎಂದು ಖುಷಿಪಡುವಂತಹ ಆಶೀರ್ವಾದವನ್ನು ನಾವು ಪಡೆದಿದ್ದೇವೆ ಎಂದು ಖುಷ್ಬೂ ಹೇಳಿದ್ದಾರೆ.

ನೀವು ತಿನ್ನಿ, ಪ್ರದರ್ಶಿಸಬೇಡಿ

ಈ ವಿಪತ್ತಿನ ಸಮಯದಲ್ಲಿ ಒಂದು ಹೊತ್ತಿನ ಊಟವನ್ನು ಪಡೆಯಲೂ ಪರದಾಡುತ್ತಿರುವ ಅನೇಕರಿದ್ದಾರೆ. ಅವರ ಬಗ್ಗೆ ನಾವು ಕರುಣೆ ತೋರಿಸೋಣ. ನೀವು ತಿನ್ನಿ. ಆದರೆ ದಯವಿಟ್ಟು ಅದನ್ನು ಪ್ರದರ್ಶಿಸಬೇಡಿ ಎಂದು ಖುಷ್ಬೂ ನೆಟಿಜನ್‌ಗಳಿಗೆ ಮನವಿ ಮಾಡಿದ್ದಾರೆ.

ಧಾರಾವಾಹಿ ಶೂಟಿಂಗ್

ಲಾಕ್ ಡೌನ್ ಕಾರಣದಿಂದ ಧಾರಾವಾಹಿಗಳ ಚಿತ್ರೀಕರಣದ ಸಮಸ್ಯೆಯ ಕುರಿತು ಇತ್ತೀಚೆಗೆ ಅವರು ಮಾತನಾಡಿದ್ದ ಆಡಿಯೋವೊಂದನ್ನು ಹಂಚಿಕೊಂಡಿದ್ದರು. ಎಫ್‌ಇಎಫ್ಎಫ್ಎಸ್ಐನ ಆರ್‌ಕೆ ಸೆಲ್ವಮಣಿ ಮತ್ತು ತಮಿಳುನಾಡು ಆರೋಗ್ಯ ಸಚಿವರ ಜತೆ ಮಾತುಕತೆ ನಡೆಸಿದ್ದು, ಧಾರಾವಾಹಿಗಳ ಚಿತ್ರೀಕರಣ ಸಂಬಂಧ ಈ ತಿಂಗಳ ಅಂತ್ಯದ ವೇಳೆಗೆ ಸೂಕ್ತ ನಿಯಂತ್ರಣಗಳನ್ನು ಜಾರಿಗೆ ತರುವ ಭರವಸೆ ನೀಡಿದ್ದಾಗಿ ತಿಳಿಸಿದ್ದರು.

ರಜನಿಕಾಂತ್ ಜತೆ ಸಿನಿಮಾ

ರಾಜಕಾರಣದಲ್ಲಿಯೂ ಬಿಜಿಯಾಗಿರುವ ನಟಿ ಖುಷ್ಬೂ, ಶಿವ ನಿರ್ದೇಶನದ ರಜನಿಕಾಂತ್ ನಟನೆಯ 'ಅಣ್ಣಾತ್ತೆ' ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುವ ಖುಷ್ಬೂ, ರಾಜಕೀಯ, ಸಾಮಾಜಿಕ ಹಾಗೂ ತಮ್ಮ ಮೂಲ ಕ್ಷೇತ್ರವಾದ ಸಿನಿಮಾ ಕುರಿತು ಮಾಹಿತಿಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.