Vijay Vs Ajith:'ವಾರಿಸು','ಥುನಿವು' ಮೊದಲ ದಿನದ ಬಾಕ್ಸಾಫೀಸ್ ಕಲೆಕ್ಷನ್ ಎಷ್ಟು? ಏನಿದೆ ಲೆಕ್ಕಾಚಾರ?

'ವಾರಿಸು' Vs'ಥುನಿವು' ಅಡ್ವಾನ್ಸ್ ಬುಕಿಂಗ್(Worldwide)

ಬಾಕ್ಸಾಫೀಸ್‌ನಲ್ಲಿ ವಿಜಯ್ Vs ಅಜಿತ್ ಹೇಗೋ, ಹಾಗೇ ನಿರ್ದೇಶಕ ವಂಶಿ Vs ಹೆಚ್ ವಿನೋದ್ ಕೂಡ ಹೌದು. ವಂಶಿ ನಿರ್ದೇಶನದ 'ವಾರಿಸು' ಸಿನಿಮಾದ ಅಡ್ವಾನ್ಸ್ ಬುಕಿಂಗ್‌ಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, ವಿಶ್ವದಾದ್ಯಂತ ಮೊದಲ ದಿನ ಸುಮಾರು 17.25 ಕೋಟಿ ರೂ. ಬ್ಯುಸಿನೆಸ್ ಆಗಿತ್ತು. ಅದೇ ವಿನೋದ್ ನಿರ್ದೇಶನದ 'ಥುನಿವು' ಸಿನಿಮಾದ ಅಡ್ವಾನ್ಸ್ ಬುಕಿಂಗ್ 16.25 ಕೋಟಿ ರೂ. ಅಡ್ವಾನ್ಸ್ ಬುಕಿಂಗ್‌ನಿಂದಲೇ ಕಲೆಕ್ಷನ್ ಮಾಡಿದೆ. ಎರಡೂ ಸಿನಿಮಾಗಳ ನಡುವೆ ಚಿಕ್ಕ ವ್ಯತ್ಯಾಸ ಅಷ್ಟೇ ಇದೆ.

ತಮಿಳುನಾಡಿನಲ್ಲಿ ಅಡ್ವಾನ್ಸ್ ಬುಕಿಂಗ್ ಹೇಗಿದೆ?

ತಮಿಳುನಾಡಿನಲ್ಲೂ ಈ ಎರಡೂ ಸಿನಿಮಾಗಳಿಗೆ ಅಡ್ವಾನ್ಸ್ ಬುಕಿಂಗ್ ಜೋರಾಗಿಯೇ ಇದೆ. ತಮಿಳುನಾಡಿನಲ್ಲಿ 'ವಾರಿಸು'ಗಿಂತ 'ಥುನಿವು' ಅಡ್ವಾನ್ಸ್ ಬುಕಿಂಗ್‌ನಲ್ಲಿ ಮೇಲುಗೈ ಸಾಧಿಸಿತ್ತು. ತಮಿಳುನಾಡಿನಾದ್ಯಂತ 'ಥುನಿವು' ಸಿನಿಮಾದ ಮೊದಲ ದಿನದ ಕಲೆಕ್ಷನ್ 8.75 ಕೋಟಿ ರೂ. ಎಂದು ವರದಿಯಾಗಿದೆ. ಸುಮಾರು 4.50 ಲಕ್ಷ ಟಿಕೆಟ್‌ ಸೇಲ್ ಆಗಿತ್ತು. ಹಾಗೇ 'ವಾರಿಸು' 8.45 ಕೋಟಿ ರೂ.ನಷ್ಟು ಅಡ್ವಾನ್ಸ್ ಬುಕಿಂಗ್‌ನಿಂದ ಬಂದಿದೆ ಎಂದು ವರದಿಯಾಗಿದೆ.

ಮೊದಲ ದಿನದ ಅಂದಾಜು ಕಲೆಕ್ಷನ್ ಎಷ್ಟು?

ದಳಪತಿ ವಿಜಯ್ ಸಿನಿಮಾ 'ವಾರಿಸು' ಮಾಸ್ ಜೊತೆ ಪಕ್ಕಾ ಫ್ಯಾಮಿಲಿ ಎಂಟರ್‌ಟೈನರ್‌. ಇತ್ತ ಅಜಿತ್ ಸಿನಿಮಾ ಪಕ್ಕಾ ಆಕ್ಷನ್, ಥ್ರಿಲ್ಲರ್ ಸಿನಿಮಾ. ಹೀಗಾಗಿ ಎರಡೂ ಬೇರೆ ಬೇರೆ ಪ್ರಕಾರದ ಸಿನಿಮಾಗಳಲ್ಲಿ ಪ್ರೇಕ್ಷಕರ ಒಲವು ಯಾರ ಕಡೆಗೆ ಅನ್ನೋದು ಕುತೂಹಲವಂತೂ ಇದ್ದೇ ಇದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, 'ವಾರಿಸು' ವಿಶ್ವದಾದ್ಯಂತ ಸುಮಾರು 30 ರಿಂದ 35 ಕೋಟಿ ರೂ. ಕಲೆಕ್ಷನ್ ಮಾಡಬಹುದು. ಹಾಗೇ ಅಜಿತ್ 'ಥುನಿವು' 25 ರಿಂದ 30 ಕೋಟಿ ರೂ. ಒಳಗೆ ಗಳಿಸಬಹುದು ಎಂದು ಅಂದಾಜಿಸಲಾಗಿದೆ.

ವಿಜಯ್ Vs ಅಜಿತ್ ವಾರ್

1996ರಿಂದ ವಿಜಯ್ ಹಾಗೂ ಅಜಿತ್ ಇಬ್ಬರೂ ಬಾಕ್ಸಾಫೀಸ್‌ನಲ್ಲಿ ಮುಖಾಮುಖಿಯಾಗುತ್ತಿದ್ದಾರೆ. ಅಲ್ಲಿಂದ ಇಲ್ಲಿವರೆಗೂ ಸುಮಾರು 7 ಬಾರಿ ಬಾಕ್ಸಾಫೀಸ್‌ನಲ್ಲಿ ಯುದ್ಧಕ್ಕೆ ಇಳಿದಂತಾಗಿದೆ. ಒಮ್ಮೆ ಒಬ್ಬರು ಗೆದ್ದರೆ, ಮತ್ತೊಮ್ಮೆ ಇನ್ನೊಬ್ಬರಿಗೆ ಗೆಲುವು ಸಿಗುತ್ತಿತ್ತು. ಈ ಬಾರಿ ಯಾರು ಗೆಲ್ಲುತ್ತಾರೆ? ಅನ್ನೋ ಕುತೂಹಲ ಅವರ ಅಭಿಮಾನಿಗಳಲ್ಲಿದೆ. ನಾಳೆ (ಜನವರಿ 12) ಮೊದಲ ದಿನದ ಅಧಿಕೃತ ಕಲೆಕ್ಷನ್ ಹೊರಬೀಳಲಿದೆ.