ತೆಲುಗು ನಟ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಒಟ್ಟಿಗೆ ನಟಿಸಿದ 6 ಸಿನಿಮಾಗಳು ಇವೇನೆ!

'ಲಕ್ಷ್ಮಿ ರಾವೇ ನಾ ಇಂಟಿಕಿ'

2014ರಲ್ಲಿ ನಾಗ ಶೌರ್ಯ ನಟಿಸಿದ್ಧ 'ಲಕ್ಷ್ಮಿ ರಾವೇ ನಾ ಇಂಟಿಕಿ' ಸಿನಿಮಾ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಜೊತೆಯಾಗಿ ಅಭಿನಯಿಸಿದ ಮೊದಲ ಸಿನಿಮಾ. ಈ ಸಿನಿಮಾದಲ್ಲಿ ನರೇಶ್ ಹೀರೋ ನಾಗ ಶೌರ್ಯ ಅವರ ತಂದೆ ಪಾತ್ರದಲ್ಲಿ ನಟಿಸಿದ್ದರು. ಇನ್ನೊಂದು ಕಡೆ ಪವಿತ್ರಾ ಲೋಕೇಶ್ ನಟ ಆನಂದ್ ರಾವ್ ಅವರ ಪ್ರೇಮಿಯಾಗಿ ನಟಿಸಿದ್ದರು. ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಗೆಲ್ಲುವಲ್ಲಿ ಸೋತಿತ್ತು. ಹೈದರಾಬಾದ್ ಹಾಗೂ ಕರ್ನಾಟಕದಲ್ಲಿ ಈ ಸಿನಿಮಾವನ್ನು ಶೂಟ್ ಮಾಡಲಾಗಿತ್ತು.

'ಮಿಡಲ್ ಕ್ಲಾಸ್ ಅಬ್ಬಾಯಿ'

2017ರಲ್ಲಿ ದಿಲ್ ರಾಜು ನಿರ್ಮಿಸಿದ್ದ 'ಮಿಡಲ್ ಕ್ಲಾಸ್ ಅಬ್ಬಾಯಿ' ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಜೊತೆಯಾಗಿ ನಟಿಸಿದ 2ನೇ ಸಿನಿಮಾ. ಈ ಸಿನಿಮಾದಲ್ಲಿ ನರೇಶ್ ನ್ಯಾಚುರಲ್ ಸ್ಟಾರ್ ನಾನಿಯ ಅಂಕಲ್ ಪಾತ್ರದಲ್ಲಿ ನಟಿಸಿದ್ದರು. ಇತ್ತ ಪವಿತ್ರಾ ಲೋಕೇಶ್ ವಿಲನ್ ಶಿವನ ಅಮ್ಮನಾಗಿ ಅಭಿನಯಿಸಿದ್ದರು. ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸೂಪರ್‌ ಹಿಟ್ ಆಗಿತ್ತು.

'ಸಮ್ಮೋಹನಂ'

ಸುಧೀರ್ ಬಾಬು ಹಾಗೂ ಅದಿತಿ ರಾವ್ ಹೈದರಿಯ 'ಸಮ್ಮೋಹನಂ' ಇವರ ಮೂರನೇ ಸಿನಿಮಾ. ಇಲ್ಲಿ ನರೇಶ್ ಹೀರೊ ಸುಧೀರ್ ಬಾಬು ಅವರ ತಂದೆಯ ಪಾತ್ರದಲ್ಲಿ ನಟಿಸಿದ್ದರು. ಪವಿತ್ರಾ ಲೋಕೇಶ್ ತಾಯಿಯಾಗಿ ಕಾಣಿಸಿಕೊಂಡಿದ್ದರು. ಇದೇ ಮೊದಲ ಬಾರಿಗೆ ಇಬ್ಬರೂ ಪತಿ-ಪತ್ನಿಯಾಗಿ ತೆರೆಮೇಲೆ ಕಂಡಿದ್ದರು.

'ಹ್ಯಾಪಿ ವೆಡ್ಡಿಂಗ್'

2018ರ ರೊಮ್ಯಾಂಟಿಕ್ ಸಿನಿಮಾ 'ಹ್ಯಾಪಿ ವೆಡ್ಡಿಂಗ್'ನಲ್ಲೂ ಜೊತೆಯಾಗಿ ನಟಿಸಿದ್ದರು. ಸುಮಂತ್ ಅಶ್ವಿನ್ ಹಾಗೂ ನಿಹಾರಿಕಾ ಕೊನಿಡೆಲಾ ಅವರ ಪೋಷಕರಾಗಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ಕೂಡ ಬಾಕ್ಸಾಫೀಸ್‌ನಲ್ಲಿ ಗೆಲ್ಲಲಿಲ್ಲ.

'ಎಂಥ ಮಂಚಿವಾಡವುರಾ'

ಕಲ್ಯಾಣ್ ರಾಮ್ ಹಾಗೂ ಮೆಹ್ರೇನ್ ಜೊತೆಯಾಗಿ ನಟಿಸಿದ ರೊಮ್ಯಾಂಟಿಕ್ ಸಿನಿಮಾ 'ಎಂಥ ಮಂಚಿವಾಡವುರಾ'. ಈ ಸಿನಿಮಾದಲ್ಲಿ ಕಲ್ಯಾಣ್ ರಾಮ್ ತಂದೆಯಾಗಿ ನರೇಶ್ ನಟಿಸಿದ್ದರೆ, ರಾಮ ಶರ್ಮಾ ಪತ್ನಿಯಾಗಿ ಪವಿತ್ರಾ ಲೋಕೇಶ್ ನಟಿಸಿದ್ದರು.

'ಅಂಟೆ ಸುಂದರಾನಿಕಿ'

ನ್ಯಾಚುರಲ್ ಸ್ಟಾರ್ ನಾನಿ ಹಾಗೂ ನಜ್ರಿಯಾ ನಟನೆಯ 'ಅಂಟೆ ಸುಂದರಾನಿ' ಸಿನಿಮಾ ಈ ಜೋಡಿಯ ಆರನೇ ಸಿನಿಮಾ. ಈ ಸಿನಿಮಾದಲ್ಲೂ ನಾನಿಯ ತಂದೆಯ ಪಾತ್ರದಲ್ಲಿ ನರೇಶ್ ನಟಿಸಿದ್ದರೆ, ಇನ್ನೊಂದು ಕಡೆ ಪವಿತ್ರಾ ಲೋಕೇಶ್ ಸ್ತ್ರೀ ರೋಗ ತಜ್ಞೆಯಾಗಿ ಕಾಣಿಸಿಕೊಂಡಿದ್ದರು.