ತ್ರಿವಿಕ್ರಮ್ ಸಿನಿಮಾಗೆ ಡಬಲ್ ಸಂಭಾವನೆಗೆ ಬೇಡಿಕೆ ಇಟ್ಟ ಮಹೇಶ್ ಬಾಬು: 100 % ಏರಿಕೆ!

ಮಹೇಶ್ ಬಾಬು ಸಂಭಾವನೆ ಎಷ್ಟು?

ಮಹೇಶ್ ಬಾಬು 'ಸರ್ಕಾರು ವಾರಿ ಪಾಟ' ಬಾಕ್ಸಾಫೀಸ್‌ನಲ್ಲಿ ಹೇಳಿಕೊಳ್ಳುವಂತಹ ಜಾದು ಮಾಡಿಲ್ಲ. ನಿರೀಕ್ಷೆ ಇಟ್ಟುಕೊಂಡಷ್ಟು ಸದ್ದು ಮಾಡಿಲ್ಲ. ಆದರೂ, ಮಹೇಶ್ ಬಾಬು ಸಂಭಾವನೆ ಹೆಚ್ಚಿಸಿಕೊಳ್ಳುವುದನ್ನು ಮಾತ್ರ ನಿಲ್ಲಿಸಿಲ್ಲ. ಟಾಲಿವುಡ್‌ ಮೂಲಗಳ ಪ್ರಕಾರ, ಮಹೇಶ್ ಬಾಬು ಮುಂದಿನ ಸಿನಿಮಾಗೆ ಸಂಭಾವನೆಯನ್ನು 100 ಪರ್ಸೆಂಟ್‌ನಷ್ಟು ಹೆಚ್ಚಿಸಿಕೊಂಡಿದ್ದಾರೆ ಎನ್ನಲಾಗಿದೆ. ತ್ರಿವಿಕ್ರಮ್ ನಿರ್ದೇಶನದ ಈ ಸಿನಿಮಾಗೆ ಮಹೇಶ್ ಬಾಬು ಡಬಲ್ ಸಂಭಾವನೆ ಕೇಳಿದ್ದಾರಂತೆ.

ಮಹೇಶ್ ಬಾಬು ಸಿನಿಮಾ ಶೂಟಿಂಗ್‌ಗೂ ಮುನ್ನ 1 ತಿಂಗಳು, 3 ಖಂಡಕ್ಕೆ ಪ್ರವಾಸಕ್ಕೆ ಹೊರಟ ಪೂಜಾ ಹೆಗ್ಡೆ!

100% ಸಂಭಾವನೆ ಹೆಚ್ಚಿಸಿಕೊಂಡ ಮಹೇಶ್ ಬಾಬು

ರಾಜಮೌಳಿ ಹಾಗೂ ಮಹೇಶ್ ಬಾಬುವಿನ ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಸಿನಿಮಾಗೂ ಮುನ್ನ ಮತ್ತೊಂದು ಸಿನಿಮಾ ಬಿಡುಗಡೆಯಾಗಲಿದೆ. ಅತ್ತ ರಾಜಮೌಳಿ ಕಥೆ ಹೆಣೆಯುತ್ತಿದ್ದರೆ, ಇತ್ತ ಮಹೇಶ್ ಬಾಬು-ತ್ರಿವಿಕ್ರಮ್ ಸಿನಿಮಾ ಸೆಟ್ಟೇರಲು ತುದಿಗಾಲಲ್ಲಿ ನಿಂತಿದೆ. ಇದೇ ಸಿನಿಮಾಗೆ ಟಾಲಿವುಡ್ ಸೂಪರ್‌ಸ್ಟಾರ್ ಬರೋಬ್ಬರಿ 70 ಕೋಟಿ ರೂ. ಸಂಭಾವನೆಗೆ ಬೇಡಿಕೆ ಇಟ್ಟಿದ್ದಾರಂತೆ. ತೆಲುಗು ಚಿತ್ರರಂಗದಲ್ಲಿ ಸದ್ಯ ಇದೇ ಸುದ್ದಿ ಬೇಜಾನ್ ಸೌಂಡ್ ಮಾಡುತ್ತಿದೆ.

ಈ ಹಿಂದಿನ ಸಂಭಾವನೆ ಎಷ್ಟು?

ಮಹೇಶ್ ಬಾಬು ಈ ಹಿಂದೆ ಪಡೆಯುತ್ತಿದ್ದ ಸಂಭಾವನೆ ಏನು ಕಮ್ಮಿಯಿಲ್ಲ. ಟಾಲಿವುಡ್‌ನ ಬೇರೆ ನಟರು ಪ್ಯಾನ್ ಇಂಡಿಯಾ ಸಿನಿಮಾ ಮುಖ ಮಾಡಿದ್ದರೂ, ಮಹೇಶ್ ಬಾಬು ಮಾತ್ರ ಅದ್ಯಾವುದರ ಬಗ್ಗೆನೂ ತಲೆಕೆಡಿಸಿಕೊಂಡಿಲ್ಲ. ಹೀಗಿದ್ದರೂ, ಮಹೇಶ್ ಬಾಬು ಸಂಭಾವನೆಯೇನು ಕಮ್ಮಿ ಪಡೆದಿಲ್ಲ. ಎಕಾನಮಿಕ್ ಟೈಮ್ಸ್ ವರದಿ ಪ್ರಕಾರ, ಮಹೇಶ್ ಬಾಬು ಒಂದು ಸಿನಿಮಾ ಸುಮಾರು 35 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ ಎಂದು ವರದಿಯಾಗಿದೆ.

ರಾಜಮೌಳಿ ಸಿನಿಮಾ ಕಥೆಯೇನು?

ಮಹೇಶ್ ಬಾಬು ಹಾಗೂ ರಾಜಮೌಳಿ ಕಾಂಬಿನೇಷನ್‌ ಬಗ್ಗೆ ಈಗಿನಿಂದಲೇ ಚರ್ಚೆ ಶುರುವಾಗಿದೆ. ಜಕ್ಕಣ್ಣ ಇನ್ನೂ ಕಥೆಯನ್ನೇ ಫೈನಲ್ ಮಾಡಿಲ್ಲ. ಅಷ್ಟರಲ್ಲೇ ಕ್ರೇಜ್ ಹೆಚ್ಚಾಗಿದೆ. ತ್ರಿವಿಕ್ರಮ್ ಸಿನಿಮಾಗೆ ಮಹೇಶ್ ಬಾಬು 70 ಕೋಟಿ ಕೇಳಿರಬೇಕಾದರೆ, ರಾಜಮೌಳಿ ಸಿನಿಮಾ 100 ಕೋಟಿ ಸಂಭಾವನೆ ಕೇಳಬಹುದು ಎಂದು ಟಾಲಿವುಡ್ ಮಾತಾಡಿಕೊಳ್ಳುತ್ತಿದೆ.