ಕೇವಲ 8 ದಿನಗಳಲ್ಲಿಯೇ ತನ್ನದೇ 'ಅಖಂಡ' ಸಿನಿಮಾ ಬಾಕ್ಸಾಫೀಸ್ ದಾಖಲೆ ಮುರಿದ ಬಾಲಕೃಷ್ಣ

ಬಾಲಯ್ಯನ 'ಅಖಂಡ' ಗಳಿಕೆ ಎಷ್ಟು?

ಟಾಲಿವುಡ್‌ನ ಮಾಸ್ ಸಿನಿಮಾಗಳ ಕಿಂಗ್ ಬಾಲಕೃಷ್ಣ. ಇವರ ಡೈಲಾಗ್‌ಗೆ, ಆಕ್ಷನ್‌ಗೆ ಡ್ಯಾನ್ಸ್ ಸ್ಪೀಡ್‌ಗೆ ಮರುಳಾಗದೇ ಇದ್ದವರು ಕಡಿಮೆನೇ. ಆದರೂ, ಒಂದಿಷ್ಟು ಸೋಲಿನ ಬಳಿಕ ಬಾಲಕೃಷ್ಣ ಸ್ಟ್ರಾಂಗ್ ಆಗಿಯೇ ಕಮ್‌ಬ್ಯಾಕ್ ಮಾಡಿದ್ದರು. ಅದುವೇ 'ಅಖಂಡ' ಈ ಸಿನಿಮಾ ವಿಶ್ವದಾದ್ಯಂತ ಬಾಕ್ಸಾಫೀಸ್‌ನಲ್ಲಿ ಸುಮಾರು 120 ಕೋಟಿ ರೂ.ಯನ್ನು ಕಲೆ ಹಾಕಿತ್ತು. ಬಾಲಕೃಷ್ಣ ವೃತ್ತಿ ಬದುಕಿನಲ್ಲೇ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಅನ್ನೋ ಹೆಗ್ಗಳಿಕೆ ಗಳಿಸಿತ್ತು. ಈಗ ಈ ಸಿನಿಮಾದ ದಾಖಲೆಯನ್ನು 'ವೀರ ಸಿಂಹ ರೆಡ್ಡಿ' ಉಡೀಸ್ ಮಾಡಿದೆ.

8 ದಿನಗಳ 'ವೀರ ಸಿಂಹ ರೆಡ್ಡಿ' ಗಳಿಕೆ ಎಷ್ಟು?

ಬಾಲಕೃಷ್ಣ 107ನೇ ಸಿನಿಮಾ 'ವೀರ ಸಿಂಹ ರೆಡ್ಡಿ' ಬಿಡುಗಡೆಯಾಗಿ ಕೇವಲ ಎಂಟು ದಿನಗಳಾಗಿವೆ. ಮಾಸ್ ಕಮ್ ಆಕ್ಷನ್ ಸಿನಿಮಾ ಕೇವಲ 8 ದಿನಗಳಲ್ಲಿ ಬಾಕ್ಸಾಫೀಸ್‌ನಲ್ಲಿ ದರ್ಬಾರ್ ಮಾಡಿತ್ತು. ವಿಶ್ವದಾದ್ಯಂತ 'ವೀರ ಸಿಂಹ ರೆಡ್ಡಿ' ಸುಮಾರು 121 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಅದೇ ಕೇವಲ ಭಾರತದಲ್ಲಿ ಸುಮಾರು 105.02 ಕೋಟಿ ರೂ.(Gross) ಲೂಟಿ ಮಾಡಿದೆ. ಅದೇ ನೆಟ್ ಕಲೆಕ್ಷನ್ 89 ಕೋಟಿ ರೂ. ಎಂದು ಟ್ರೇಡ್ ಅನಲಿಸ್ಟ್‌ಗಳು ಹೇಳುತ್ತಿದ್ದಾರೆ.

'ಅಖಂಡ' ದಾಖಲೆ 8 ದಿನಗಳಲ್ಲಿ ಉಡೀಸ್

ಬಾಲಕೃಷ್ಣ ಅಭಿನಯದ 'ಅಖಂಡ' ಸಿನಿಮಾದ ಲೈಫ್ ಟೈಮ್ ಕಲೆಕ್ಷನ್ ಸುಮಾರು 120 ಕೋಟಿ. ಅಂತದ್ರಲ್ಲಿ ಈ ದಾಖಲೆಯನ್ನು ಬಾಲಕೃಷ್ಣ ಅವರದ್ದೇ ಸಿನಿಮಾ 'ವೀರ ಸಿಂಹ ರೆಡ್ಡಿ' ಉಡೀಸ್ ಮಾಡಿದೆ. ಬಾಲಕೃಷ್ಣ ಸಿನಿಮಾ ಮೊದಲ ದಿನ ಸುಮಾರು 33 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ಆ ಬಳಿಕ ಸಿನಿಮಾ ಕಲೆಕ್ಷನ್ ಡ್ರಾಪ್ ಆಗಿತ್ತು. ಸಂಕ್ರಾಂತಿ ಹಬ್ಬದಂದು ಹೆಚ್ಚೇನು ಮೋಡಿ ಮಾಡಿರಲಿಲ್ಲ. ಒಂದು ವೇಳೆ ಬಾಕ್ಸಾಫೀಸ್‌ನಲ್ಲಿ ಕಲೆಕ್ಷನ್ ಜೋರಾಗಿದ್ದರೆ, ಸಿನಿಮಾ ಇನ್ನಷ್ಟು ಕಲೆಕ್ಷನ್ ಮಾಡುತ್ತಿತ್ತು.

ಚಿರು,ಬಾಲಯ್ಯ ಸಿನಿಮಾದಿಂದ 200 ಕೋಟಿ ರೂ.

ಬಾಲಕೃಷ್ಣ ಅಭಿನಯದ 'ವೀರ ಸಿಂಹ ರೆಡ್ಡಿ' ಹಾಗೂ ಮೆಗಾಸ್ಟಾರ್ ಚಿರಂಜೀವಿ ಸಿನಿಮಾ 'ವಾಲ್ತೇರು ವೀರಯ್ಯ' ಬಾಕ್ಸಾಫೀಸ್‌ನಲ್ಲಿ ಜಾದು ಮಾಡಿತ್ತು. ಬಾಲಯ್ಯನ ಸಿನಿಮಾಗಿಂತ 'ವಾಲ್ತೇರು ವೀರಯ್ಯ' ಕಲೆಕ್ಷನ್ ಜೋರಾಗಿದೆ. 7 ದಿನಗಳಲ್ಲಿ ಚಿರು ಸಿನಿಮಾ ಸುಮಾರು 140 ಕೋಟಿ ಗಳಿಸಿದೆ. ಎರಡೂ ಸಿನಿಮಾಗಳಿಂದ ಸಂಕ್ರಾಂತಿ ಸಂಭ್ರಮದಲ್ಲಿ 260 ಕೋಟಿ ರೂ. ಕಲೆಕ್ಷನ್ ಆಗಿದೆ ಎಂದು ಟ್ರೇಡ್ ಅನಲಿಸ್ಟ್‌ಗಳು ಹೇಳುತ್ತಿದ್ದಾರೆ.