ಶ್ರೀದೇವಿ ಡ್ರಾಮ ಕಂಪನಿಯಲ್ಲಿ ನರೇಶ್-ಪವಿತ್ರಾ ಮದುವೆ: ವಿಡಿಯೋ ವೈರಲ್!

ಹೈಪರ್ ಆದಿಯ ನಾಟಕ ಕಂಪನಿ

'ಶ್ರೀದೇವಿ ನಾಟಕ ಕಂಪನಿ'ಯಲ್ಲಿ ಆಂಧ್ರ ಹಾಗೂ ತೆಲಂಗಾಣದಲ್ಲಿ ಕಾಮಿಡಿ ಕಿಕ್ ಕೊಡುತ್ತಿದೆ. ಈ ಶೋನಲ್ಲಿ ರಶ್ಮಿ ಪ್ರಮುಖ ನಿರೂಪಕಿಯಾಗಿದ್ದರೆ, ಇತ್ತ ಆಟೋ ರಾಮಪ್ರಸಾದ್ ಭರ್ಜರಿ ಟಾಂಗ್ ಕೊಡುತ್ತಿದ್ದಾರೆ. ಇನ್ನೊಂದು ಕಡೆ ಹೈಪರ್ ಆದಿ ಕೂಡ ಕೌಂಟರ್ ಕೊಡುವುದನ್ನು ಮುಂದುವರೆಸಿದ್ದಾರೆ. ಕೆಲವು ದಿನಗಳಿಂದ 'ಜಬರ್ದಸ್ತ್'ಗಿಂತ 'ಶ್ರೀ ದೇವಿಯ ಡ್ರಾಮಾ ಕಂಪನಿ'ಗೆ ಹೆಚ್ಚು ಜನಪ್ರಿಯವಾಗುತ್ತಿದೆ. ಟಿಆರ್‌ಪಿಯಲ್ಲೂ ಈ ಕಾಮಿಡಿ ಶೋ ಟಾಪ್ ಲಿಸ್ಟ್‌ನಲ್ಲಿದೆ ಎನ್ನಲಾಗಿದೆ.

ಡ್ರಾಮ ಕಂಪನಿಯ ಭರ್ಜರಿ ಕಾಮಿಡಿ

ಕಳೆದ ವೀಕೆಂಡ್‌ನಲ್ಲಿ ಶ್ರೀ ದೇವಿ ಡ್ರಾಮ ಕಂಪನಿಯಲ್ಲಿ ಭರ್ಜರಿ ಕಾಮಿಡಿ ನಡೆದಿದೆ. ಎಲ್ಲಾ ಸ್ಪರ್ಧಿಗಳೂ ವೀಕ್ಷಕರನ್ನು ಹೊಟ್ಟೆ ಹುಣ್ಣಾಗಿಸುವಷ್ಟು ನಗಿಸುತ್ತಿದ್ದಾರೆ. ನಿರೂಪಕ ರಶ್ಮಿ, ಆಟೋ ರಾಮಪ್ರಸಾದ್ ಹಾಗೂ ಹೈಪರ್ ಆದಿ ಈ ಕಾಮಿಡಿ ಶೋನ ಪ್ರಮುಖ ಆಕರ್ಷಣೆಗಳು. ಈ ಮೂವರು ಸೇರಿದಂತೆ ಕಾಮಿಡಿಗೇನು ಕಮ್ಮಿ ಇರುವುದಿಲ್ಲ. ಖಡಕ್ ಸ್ಕ್ರಿಪ್ಟ್ ಮಾಡುವ ಹೈಪರ್ ಆದಿ ಶೋಗಳಿಗಾಗಿ ಜನರಉ ಕಾದು ನೋಡುತ್ತಿರುತ್ತಾರೆ. ಕಳೆದ ಭಾನುವಾರ ಸಂಚಿಕೆಯ ಪ್ರಮುಖ ಆಕರ್ಷಣೆ ನರೇಶ್ ಹಾಗೂ ಪವಿತ್ರಾ ಸ್ಕಿಟ್ ಗಮನ ಸೆಳೆದಿತ್ತು.

ಡ್ರಾಮ ಕಂಪನಿಯಲ್ಲಿ ಸಖತ್ ಪಂಚ್

ಹೈಪರ್ ಆದಿ ವಿಶೇಷತೆನೇ ಅದು. ಪ್ರಸ್ತುತ ಟ್ರೆಂಡಿಂಗ್‌ನಲ್ಲಿರುವ ವಿಷಯವನ್ನು ಹೈಪರ್ ಆದಿ ಆಯ್ಕೆ ಮಾಡಿಕೊಳ್ಳುತ್ತಾರೆ. ಕಳೆದ ವೀಕೆಂಡ್‌ನಲ್ಲೂ ಅಷ್ಟೆನೇ. ಕಳೆದೊಂದು ತಿಂಗಳಿನಿಂದ ಸುದ್ದಿಯಲ್ಲಿದ್ದ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಲಿವ್‌ ಇನ್ ರಿಲೇಷನ್‌ಶಿಪ್ ವಿಚಾರವನ್ನು ಮುಖ್ಯ ವಿಷಯವನ್ನಾಗಿಟ್ಟುಕೊಂಡು ಕಾಮಿಡಿ ಪಂಚ್ ಕೊಟ್ಟಿದ್ದರು. ಸ್ಕಿಟ್ ಕೊನೆಯಲ್ಲಿ ನರೇಶ್ ಹಾಗೂ ಪವಿತ್ರಾ ಮದುವೆ ಮಾಡಿಸಿ ಸುದ್ದಿಯಾಗಿದೆ. ಇದೇ ವಿಡಿಯೋ ಈ ವೈರಲ್ ಆಗಿದೆ.

ನರೇಶ್-ಪವಿತ್ರಾ ಮದುವೆ

'ಶ್ರೀದೇವಿ ನಾಟಕ ಕಂಪನಿ'ಯಲ್ಲಿ ಪವಿತ್ರಾ ಮತ್ತು ನರೇಶ್‌ಗೆ ಸಂಬಂಧಿಸಿದ ವಿವಾದವನ್ನೂಎತ್ತಿ ಹಿಡಿಯಲಾಗಿದೆ. ಡ್ರಾಮದಲ್ಲಿ ಪೊಟ್ಟಿ ನರೇಶ್ ಮತ್ತು ಇನ್ನೊಬ್ಬ ಕಾಮಿಡಿಯನ್ ಪವಿತ್ರಾ ಅವರನ್ನಿಟ್ಟುಕೊಂಡು ಹೈಪರ್ ಆದಿ ಕಾಮಿಡಿ ಸ್ಕಿಟ್ ರಚಿಸಿದ್ದರು. ಇದರಲ್ಲಿ ವೇದಿಕೆ ಮೇಲೆ ಪರೋಕ್ಷವಾಗಿ ನರೇಶ್ ಹಾಗೂ ಪವಿತ್ರಾ ವಿವಾದವನ್ನು ತಂದು ಕಾಮಿಡಿ ಮಾಡಿದ್ದಾರೆ. ಅಲ್ಲದೆ ವೇದಿಕೆ ಮೇಲೆ ಹಾರ ಬದಲಾಯಿಸುವಂತಹ ಸನ್ನಿವೇಶವನ್ನು ಸೃಷ್ಟಿಸಿದ್ದಾರೆ.