ಮಜಾ ಟಾಕೀಸ್, ಡ್ಯಾನ್ಸಿಂಗ್ ಸ್ಟಾರ್: TRPಯಲ್ಲಿ ಯಾರು ಮುಂದೆ?

ಮಜಾ ಟಾಕೀಸ್

ಕಪಿಲ್ ಶರ್ಮಾ ನಡೆಸಿ ಕೊಡುತ್ತಿರುವ ಹಿಂದಿಯ ಭಾರೀ ಜನಪ್ರಿಯ 'ಕಾಮಿಡಿ ನೈಟ್ ವಿದ್ ಕಪಿಲ್' ಶೋನಿಂದ ಸ್ಪೂರ್ತಿ ಪಡೆದ ಕನ್ನಡದ ಶೋ 'ಮಜಾ ಟಾಕೀಸ್'. ಕಪಿಲ್ ನಡೆಸುವ ಶೋಗಿರುವ ಜನಪ್ರಿಯತೆಯನ್ನು ಕನ್ನಡದ ಶೋ ಪಡೆಯಲು ಸಾಧ್ಯವೇ ಎನ್ನುವ ಮಾತು ಶೋ ಆರಂಭವಾಗುವ ಮುನ್ನ ಕೇಳಿ ಬರುತ್ತಿತ್ತು ಎಂದರೆ ಯಾರೂ ಬೇಸರಿಸಿಕೊಳ್ಳಬಾರದು.

ಸೃಜನ್ ಲೋಕೇಶ್ ಮೈನ್ ಹೈಲೆಟ್

ಹೆಚ್ಚುಕಮ್ಮಿ ಕಪಿಲ್ ಶರ್ಮಾ ಮ್ಯಾನರಿಸಂ ಮತ್ತು ಬಾಡಿ ಲಾಂಗ್ವೇಜನ್ನು ಹೋಲುವ ಸೃಜನ್ ಲೋಕೇಶ್ ಅವರ ನಿರೂಪಣೆ 'ಮಜಾ ಟಾಕೀಸ್' ಕಾರ್ಯಕ್ರಮದ ಮೈನ್ ಅಟ್ರಾಕ್ಷನ್. ತನ್ನ ಹಾಸ್ಯಮಿಶ್ರಿತ ಧಾಟಿಯ ಸಂಭಾಷಣೆಯ ಮೂಲಕ ವೀಕ್ಷಕರ ಮನ ಗೆಲ್ಲುವಲ್ಲಿ ಸೃಜನ್ ಗೆದ್ದಿದ್ದಾರೆ. ಗುಡ್ ಶೋ ಸೃಜನ್..

ಮಜಾ ಟಾಕೀಸ್ ಟೀಮ್

ಕಾರ್ಯಕಮದಲ್ಲಿ ಸೃಜನ್ ಲೋಕೇಶ್ ಗೆ ಸಾಥ್ ನೀಡುತ್ತಿರುವ ಟೀಂ ಸದಸ್ಯರು ಕೂಡಾ ಕಾರ್ಯಕ್ರಮ ಎಲ್ಲೂ ಬೋರಾಗದಂತೆ ಸಾಗುವಲ್ಲಿ ತಮ್ಮ ಪಾತ್ರವನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಿದ್ದಾರೆ. ಸಂಗೀತ ನಿರ್ದೇಶಕ ವಿ ಮನೋಹರ್, ಅಪರ್ಣಾ, ಶ್ವೇತಾ ಚೆಂಗಪ್ಪ, ಕಿರುತೆರೆಯ ಉಷಾ ಭಂಡಾರಿ, ಮಿಮಿಕ್ರಿ ದಯಾನಂದ್, ಇಂದ್ರಜಿತ್ ಲಂಕೇಶ್ ತಮ್ಮ ತಮ್ಮ ಪಾತ್ರಗಳಲ್ಲಿ ಪರ್ಫೆಕ್ಟ್,

ಡ್ಯಾನ್ಸಿಂಗ್ ಸ್ಟಾರ್

ಡ್ಯಾನ್ಸಿಂಗ್ ಸ್ಟಾರ್ ಕಾರ್ಯಕ್ರಮ ತನ್ನ ಎರಡು ವಾರಾಂತ್ಯದ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಪೂರೈಸುವಲ್ಲಿ ಈ ಟೀಂನ ಎಲ್ಲಾ ಸದಸ್ಯರೂ ಕಾರಣ ಎನ್ನಲು ಅಡ್ಡಿಯಿಲ್ಲ. ಅಕುಲ್ ಬಾಲಾಜಿ ಅವರ ಲವ್ಲಿ ನಿರೂಪಣೆ ಇದರಲ್ಲಿ ಒಂದು. ಇನ್ನು ತೀರ್ಪುಗಾರರಾಗಿರುವ ಕ್ರೇಜಿಸ್ಟಾರ್ ರವಿಚಂದ್ರನ್, ಬಹುಭಾಷಾ ನಟಿ ಪ್ರಿಯಾಮಣಿ ಮತ್ತು ನಾಟ್ಯ ಕಲಾವಿದೆ ಮಯೂರಿ (ರಘು ದೀಕ್ಷಿತ್ ಪತ್ನಿ) ಕಾರ್ಯಕ್ರಮವಕ್ಕೆ ಬೆನ್ನೆಲುಬಾಗಿ ನಿಂತಿದ್ದಾರೆ.

TRPಯಲ್ಲಿ ಯಾರು ಮುಂದೆ

ಈ ಎರಡೂ ಕಾರ್ಯಕ್ರಮಗಳು ಸದ್ಯದ ಮಟ್ಟಿಗೆ ಭರ್ಜರಿ ಓಪನಿಂಗ್ ಪಡೆದುಕೊಂಡಿದೆ. ಅಕುಲ್ ಬಾಲಾಜಿಯ ಡ್ಯಾನ್ಸಿಂಗ್ ಸ್ಟಾರ್ 2 ಕಾರ್ಯಕ್ರಮಕ್ಕೆ ಕಳೆದ ವಾರಾಂತ್ಯದಲ್ಲಿ 7.6 ಅಂಕಗಳು ಬಂದಿದ್ದರೆ, ಸೃಜನ್ ಲೋಕೇಶ್ ಅವರ ನಿರೂಪಣೆಯ ಮಜಾ ಟಾಕೀಸಿಗೆ 6 ಅಂಕಗಳು ಲಭಿಸಿದೆ ಎನ್ನುವುದು ಈಟಿವಿ ಮೂಲಗಳಿಂದ ಬಂದ ಮಾಹಿತಿ.