ಜಸ್ಕರಣ್ ಸಿಂಗ್

ಜೀವನ ಚರಿತ್ರೆ :  ಜಸ್ಕರಣ್ ಸಿಂಗ್ ಕನ್ನಡ ಚಿತ್ರರಂಗದ ಗಾಯಕ. ಪಂಜಾಬ್ ಮೂಲದ ಇವರು ಕನ್ನಡ ಮಾತ್ರವಲ್ಲದೇ, ತಮಿಳು, ಹಿಂದಿ, ಪಂಜಾಬಿ ಭಾಷೆಗಳ ಹಾಡುಗಳಿಗೆ ಧ್ವನಿಯಾಗಿದ್ದಾರೆ.   ರಿಯಾಲಿಟಿ ಶೋ  ಸರಿಗಮಪ ಸೀಸನ್ 20ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದ ಜಸ್ಕರಣ್ ಸಿಂಗ್, ನೀ ಸಿಗೋವರೆಗೂ...ಸರಿಯಾಗಿ ನೆನಪಿದೆ ಹಾಡುಗಳ ಮೂಲಕ ಮೋಡಿ ಮಾಡಿದ್ದರು. ಇವರ ಗಾಯನಕ್ಕೆ ತೀರ್ಪುಗಾರರಾದ ಅರ್ಜುನ್ ಜನ್ಯ, ಹಂಸಲೇಖ, ವಿಜಯ್ ಪ್ರಕಾಶ್ ಅವರಿಂದ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು.   ಬಳಿಕ ಅರ್ಜುನ್ ಜನ್ಯ  'ಕೃಷ್ಣಂ ಪ್ರಣಯ ಸಖಿ'  ಸಿನಿಮಾದಲ್ಲಿ  ಹಾಡುವ ಅವಕಾಶ ಕಲ್ಪಿಸಿಕೊಟ್ಟರು. ಇವರು ಹಾಡಿರುವ 'ದ್ವಾಪರ ದಾಟುತಾ' ಸಾಂಗ್ ಸಿಕ್ಕಾಪಟ್ಟೆ ಟ್ರೆಂಡ್ ಸೃಷ್ಟಿಸಿದೆ. ಇನ್‌ಸ್ಟಾಗ್ರಾಮ್, ಟ್ವಿಟರ್, ಯೂಟ್ಯೂಬ್‌ನಲ್ಲಿ ಮಿಲಿಯನ್‌ಗಟ್ಟಲೇ ವೀವ್ಸ್ ಪಡೆದುಕೊಂಡಿದೆ.