ಗಾಂಧಿನಗರಕ್ಕೆ ಮತ್ತೆ ದರ್ಶನ್ 'ಶಾಸ್ತ್ರಿ' ಎಂಟ್ರಿ.!

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿಮಾನಿಗಳಿಗೊಂದು ಸಹಿ ಸುದ್ದಿ. ಡಿ-ಬಾಸ್ ಅಭಿಮಾನಿಗಳು ಸದ್ಯ ದರ್ಶನ್ ಅಭಿನಯಿಸುತ್ತಿರುವ 'ತಾರಕ್' ಚಿತ್ರಕ್ಕಾಗಿ ಕಾಯುತ್ತಿದ್ದಾರೆ. ಆದ್ರೆ, ಈ ಚಿತ್ರ ಬರುವುದಕ್ಕೂ ಮುಂಚೆ ಮತ್ತೊಂದು ಚಿತ್ರವನ್ನ ನೋಡುವ ಅವಕಾಶ ಚಾಲೆಂಜಿಗ್ ಸ್ಟಾರ್ ಫ್ಯಾನ್ಸ್ ಗೆ ಸಿಕ್ಕಿದೆ.

ಹೌದು, ದರ್ಶನ್ ಅಭಿನಯಿಸಿದ್ದ ಸೂಪರ್ ಹಿಟ್ ಸಿನಿಮಾ 'ಶಾಸ್ತ್ರಿ' ರೀ-ರಿಲೀಸ್ ಆಗ್ತಿದೆ. ಇದೇ ತಿಂಗಳು ಅಂದ್ರೆ ಜೂನ್ 9 ರಂದು ರಾಜ್ಯಾದ್ಯಂತ ಮತ್ತೆ 'ಶಾಸ್ತ್ರಿ' ಬಿಡುಗಡೆಯಾಗುತ್ತಿದೆ.['ತಾರಕ್'ಗಾಗಿ ಮಲೇಷ್ಯಾದಲ್ಲಿ ದರ್ಶನ್ ಅದ್ಧೂರಿ ಸಾಹಸ]

ಕೆ.ಜಿ ರಸ್ತೆಯ ಮುಖ್ಯ ಚಿತ್ರಮಂದಿರ ಸೇರಿದಂತೆ ರಾಜ್ಯದ ಮಲ್ಟಿಪ್ಲೆಕ್ಸ್ ಗಳಲ್ಲಿಯೂ ದರ್ಶನ್ 'ಶಾಸ್ತ್ರಿ' ರಾರಾಜಿಸಲಿದೆ. ಹೊಸ ತಂತ್ರಜ್ಞಾನದಲ್ಲಿ 5.1 ಡಿಜಿಟಲ್ ಆಡಿಯೋ ವರ್ಷನ್ ನಲ್ಲಿ ದಾಸನ ಸಿನಿಮಾ ಮತ್ತೆ ಬೆಳ್ಳಿತೆರೆಯಲ್ಲಿ ರಾರಾಜಿಸಲಿದೆ.[ದರ್ಶನ್ 'ಕುರುಕ್ಷೇತ್ರ'ಕ್ಕೆ ಮಹಾಗುರು ದ್ರೋಣಾಚಾರ್ಯ ಸಿಕ್ಕಾಯ್ತು.!]

ಅಂದ್ಹಾಗೆ, 'ಶಾಸ್ತ್ರಿ'.....2006 ರಲ್ಲಿ ಬಿಡುಗಡೆಯಾಗಿದ್ದ ಚಿತ್ರ. ಪಿ.ಎನ್ ಸತ್ಯ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದರು. ದರ್ಶನ್ ಎರಡು ವಿಭಿನ್ನ ಶೇಡ್ ಗಳಲ್ಲಿ ಅಭಿನಯಿಸಿದ್ದರು. ದರ್ಶನ್ ಗೆ ನಾಯಕಿಯಾಗಿ ನಟಿ ಮಾನ್ಯ ಬಣ್ಣ ಹಚ್ಚಿದ್ದರು. ಸಾಧು ಕೋಕಿಲಾ ಅವರು ಸಂಗೀತ ನೀಡಿದ್ದರು.